သမ္မတ ဦးသိန်းစိန်အခု နောက်ဆုံး ယူလိုက်တဲ့ တာဝန်ကတော့ကင်းထောက်ချုပ်ကြီးဖြစ်
ပါတယ်။ မနေ့က မနက်ပိုင်းမှာ မန္တလေးတိုင်း မေမြို့ ( ပြင်ဦးလွင်)မှာရှိတဲ့ကင်းထောက် လူငယ် စခန်း ကို သွားရောက် လေ့လာရင်း မြန်မာနိုင်ငံ ကင်းထောက် အဖွဲ့ရဲ့ ကင်းထောက်ချုပ်အဖြစ် ခံယူခဲ့တဲ့ ဦးသိန်းစိန်ဟာ ကင်းထောက် လူငယ်တွေ ကို သမ္မတတဦးအနေနဲ့ တင်မဟုတ် ဘဲ လုပ်ဖော်ကိုင်ဖက် ကင်းထောက် တဦးအနေနဲ့လည်းအား ပေး စကားပြောပါတယ်တဲ့။
သမ္မတ ပြောခွင့် ပြန်ကြားရေး ဝန်ကြီး ဦးရဲထဋ်လည်း ဦးသိန်းစိန်နဲ့ အတူ လိုက်ပါသွားခဲ့တာကြောင့် ကင်းထောက်အဖွဲ့ သမ္မတ သွားရောက်အားပေးတာနဲ့ အဖွဲ့ပေါ်ပေါက်လာပုံတွေကို သူ့ဖေ့စ်ဘုတ်မှာ အခုလို ရေးထားပါတယ်။
ကင်းထောက်အဖွဲ့ကို မြန်မာနုိုင်ငံမှာ ၁၉ ၂၀ မှာ စဖွဲ့ခဲ့ပါတယ်။
လွတ်လပ်ရေးရပြီး ၁၉ ၄၈ ကနေ ၁၉ ၆၂ ခုနှစ်အထိ
ကင်းထောက် လှုပ်ရှားမှုရှိခဲ့ပါတယ်။ နုိုင်ငံတော် သမ္မတ စ၀်ရွှေသိုက်၊
ဒေါက်တာဘဦး၊ မန်းဝင်းမောင်တို့က ကင်းထောက်နာယက ( ကင်းထောက်ချုပ်)
များအဖြစ် တာဝန်ယူခဲ့ကြ ပါတယ်။ ဗိုလ်ချုပ်အောင်ဆန်းရဲ့ ဇနီး ဒေါ်ခင်ကြည်လည်း အမျိုးသမီး ကင်းထောက်ခေါင်းဆောင် အဖြစ်ဆောင်ရွက်ခဲ့ပြီး ၀န်ကြီးချုပ်ဦးနု ရဲ့ ဇနီး ဒေါ်မြရီက အမျိုးသမီးကင်းထောက်အဖွဲ့ ဥက္ကဌ အဖြစ်တာဝန်ယူ ဖူးတယ်လို့ သိရပါတယ်။
ကျွန်တော်တို့ ခေတ်ရောက်တော့ ကင်းထောက်အတွေ့အကြုံတွေကို အဖေ နဲ့ ဦးလေး ဆီကပဲ ကြားခဲ့ရပါ တယ်။ နုိုင်ငံတော်သမ္မတကြီးက ကင်းထောက်အဖွဲ့ကို ပြန်လည်ဖွဲ့စည်းဖို့ ၂၀၁၂ ခုနှစ်ကုန်ပိုင်းက စပြိး ဆောင်ရွက်ခဲ့ပါတယ်။
၂၀၁၃ ခုနှစ်ထဲမှာ ကင်းထောက်လူငယ်တွေကို နေပြည်တော်မှာ တွေ့ဆုံခဲ့ပါတယ်။ အခုတော့ ကင်းထောက် လူငယ်များတွေ့ဆုံပွဲလုပ်နေတဲ့ ပြင်ဦးလွင်ကို သမ္မတကိုယ်တုိုင် လာရောက်တွေ့ဆုံ အားပေးခဲ့တာဖြစ်ပါ တယ်။
ဦးရဲထွဋ်ရဲ့ ဖေ့စ်ဘုတ် စာမျက်နှာက ဖော်ပြတဲ့ အတိုင်း ပြန်လည် ကူးယူဖော်ပြပေးလိုက်တာပါ။
No comments:
Post a Comment