Monday, May 26, 2014

အခြေခံဥပဒေ ပြင်ဆင်ရေး တပ်မတော်နဲ့ နားလည်မှုယူဖို့ NNDP တိုက်တွန်း

24.5.2014
တပ်မတော်နဲ့ နားလည်မှု မယူနိုင်ရင် ဒီမိုကရေစီ ပြုပြင်ပြောင်းလဲရေးမှာ အခက် အခဲတွေ အများကြီးနဲ့ ရင်ဆိုင်ရဦးမယ်လို့ အမျိုးသား ဒီမိုကရေစီပါတီသစ် NNDP ရဲ့ ဥက္ကဌ ဦးသိန်းညွှန့်က ဒီကနေ့ ပြောကြား လိုက်ပါတယ်။

ဒီနေ့ ရန်ကုန်မြို့ သင်္ဃန်းကျွန်းမြို့နယ် အမျိုးသားဒီမိုကရေစီပါတီသစ်ရုံးချုပ် မှာ ပြုလုပ်တဲ့ ၂၀၀၈ ဖွဲ့စည်းပုံ အခြေခံဥပဒေ ပြင်ဆင်ရေးပုဒ်မ ၄၃၆ ပြင်ဆင်ရေးနဲ့ ပတ်သက်ပြီး ပါတီရဲ့ သဘောထား ကို ရှင်လင်းပွဲမှာ အခုလိုပြောကြားခဲ့တာပါ။
"အခု အခြေခံဥပဒေကို ပြင်ဖို့၊ ဒီမိုကရေစီစံနှုန်းတွေရဖို့၊ လူ့အခွင့်အရေးတွေ တိုးတက်ဖို့ဆိုတာ အမျိုး သားပြန်လည်သင့်မြတ်ရေးရမှပဲ ကျနော်တို့လုပ်လို့ရမယ်၊ အဲဒါအချုပ်ပြောရရင် တပ်မတော် မပါရင် သို့မဟုတ် တပ်မတောနဲ့ နားလည်မှု မယူနိုင်ရင် ကျနော်တို့ ဒီမိုကရေစီ ပြုပြင်ပြောင်း လဲရေး ရှေ့တိုးတဲ့အခါမှာ အခက်အခဲတွေ အများကြီးတွေ့ရပါမယ်"
ဒါ့အပြင် ဖွဲ့စည်းပုံအခြေခံဥပဒေ ပြင်ဆင်ရေးမှာ ဒီမိုကရေစီ အင်အားစုတွေအကြား သဘောထား ကွဲ လွဲမှုတွေ ရှိနေတယ်လို့ လည်း ပြောခဲ့သလို အမျိုးသား ဒီမိုကရေစီပါတီသစ်အနေနဲ့ ၂၀၀၈ ဖွဲ့စည်း ပုံ အခြေခံဥပဒေ ပြင်ဆင်ရေးကို နိုင်ငံရေးပါတီတွေ၊ တိုင်းရင်းသားခေါင်းဆောင်တွေ၊ တပ်မတော် ကိုယ်စားလှယ်တွေနဲ့ပါ ပူးပေါင်းဆောင်ရွက်သွားမယ်လို့လည်း ပြောကြားခဲ့ပါတယ်။

No comments:

Post a Comment