ညအိပ်ခါနီးအချိန်

ညအိပ်ခါနီးအချိန်ကို တစ်ကယ်သေခါနီးအချိန်လို့

သဘောထားပြီးကုသိုလ်

အာရုံစွဲမြဲအောင်အလေး
အနက်ထား ကြိုးစားကြရပါမယ်။
ကုသိုလ်အာရုံက ဒါနအာရုံ သီလ

အာရုံ သမထအာရုံ ဝိပဿနာ အာရုံလို့လေးမျိုးရှိပါတယ်။ ဒါနအာရုံအနေနဲ့ဒီနေ့ဒီအချိန်အထိ 

ဘဝ တစ်သက်တာမှာပြုခဲ့တဲ့ကောင်းမှုတွေထဲက ကိုယ်အနှစ်သက်ဆုံးကိုယ်ပီတိအဖြစ် ဆုံး ဒါနကောင်း မှုတစ်ခုခုကို အာရုံပြုရပါမယ်။ အဲဒီဒါနဟာ ငွေကြေးအကုန်အကျအနည်းအများ နဲ့ မဆိုင် ပါဘူး။အကုန်အကျများတိုင်း အကျိုးပေးထက်သန်တာမဟုတ်ပါဘူး။ ပီတိအားကောင်းမှအ ကျိုးပေးထက်သန်တာပါ။

ညအိပ်ရာဝင်ခါနီးတိုင်း ဘုရားသောက်တော်ရေအသစ်လဲတဲ့အကျင့်ကို စွဲစွဲမြဲမြဲလုပ်ပေးပါ။ အိပ်ခါနီး(အသေလေး)ရဲ့အနီးကပ်ဆုံးဒါနဖြစ်လို့ အာရုံယူရတာအလွန်လွယ်ကူပါ တယ်။ အေးချမ်း မှုနဲ့ တစ်နေ့တာကိုအဆုံးသတ်လိုက်ရတဲ့အတွက် ဘဝတစ်လျှောက်လုံးအ ဆင်ပြေပြီး အေးချမ်းရ ပါလိမ့်မယ်။

သီလကုသိုလ်အနေနဲ့အိပ်ခါနီးတိုင်း အနည်းဆုံး ငါးပါးသီလ(အောက်ထစ်ဆုံးပြောတာပါ)ကိုအသစ် ခံယူဆောက်တည်ပါ။ ဆောက်တည်ပြီးအချိန်ကစပြီး မကျိုးပေါက်ပါစေနဲ့။ အိပ်တော့မယ်ဆိုတော့ လည်း ကျိုးပေါက်စရာမရှိတော့ပါဘူး။

သမထကုသိုလ်အနေနဲ့ ကိုယ်အနှစ်သက်ဆုံး ကိုယ်အကြည်ညိုဆုံး ဘုရားဂုဏ်တော်တစ်ခုခု ကိုပွား များပါ။ဥပမာ-"အရဟံ=လူနတ်ဗြဟ္မာသတ္တဝါအပေါင်းတို့၏ပူဇော်အထူးကိုခံယူတော်မူထိုက်ပါပေသောမြတ်စွာဘုရား ။ အရ ဟံ=ကိလေသာကင်းစင်တော်မူပါသောမြတ်စွဘုရား။ အ ရဟံ=ဆိတ်ကွယ်ရာအရပ်၌
ပင် မကောင်းမှုကိုပြုတော်မမူသောမြတ်စွာဘုရား"လို့ အရဟံဂုဏ်တော်ရဲ့အဓိပ္ပါယ်ကို အာရုံ ထင်ြ မင်အောင် စိတ်ထဲကနေ နှလုံးသွင်းပွားများရပါမယ်။နောက်တစ်ခုသမထအနေနဲ့ မေတ္တာဘာဝ နာပွားများနေရပါမယ်။

အနည်းဆုံး"သတ္တဝါအားလုံးချမ်းသာကြပါစေ"လို့သုံးခေါက်လောက်ပွားများရပါမယ်။ကိုယ်နှစ်သက်ရာကိုယ်
အားသန်ရာ မေတ္တာပွားနည်းတွေနဲ့လည်းမေတ္တာပွားနိုင်ပါတယ်။ ဒါနကုသိုလ် သီလကုသိုလ် သမထကုသိုလ်တွေကို အစဉ်အတိုင်းအာရုံပြုဝမ်းမြောက်ပြီးပြီဆိုလျှင်
နောက်ဆုံးဝိပဿနာကုသိုလ်နဲ့အိပ်လိုက်ပါတော့။ နှာသီးဝလေထိရာအရပ်မှာသတိကပ်ထားပြီး လေဝင်ရင်'
ဝင်တယ်' လေထွက်ရင်'ထွက်တယ်'ရှုမှတ်ပြီးနေပါ။

ဝင်တိုင်းထွက်တိုင်းသာတစ်ဆက်တည်းသိနေမယ်ဆိုရင်လေးငါးချက်ထက်ပိုမမှတ်ရပါဘူး။ချက်ချင်းအိပ်ပျော်
သွားပါလိမ့်မယ်။ဝင်လေထွက်လေရှုမှတ်ခြင်းဟာအကောင်းဆုံးအိပ်ဆေးပါပဲ။ လေဝင်လေထွက်တိုင်းထိတွေ့
တွန်းကန်မှုတွေကိုသိနေမယ်ဆိုရင်လောဘဒေါသစတဲ့ကိလေသာတွေလည်းဖြစ်ခွင့်မရတော့ပါဘူး။

သမာဓိဥာဏ်ရင့်သန်ပြီးသားပုဂ္ဂိုလ်ဆိုရင်အိပ်ရာဝင်မှာလေဝင်လေထွက်မှတ်ရင်းနဲ့ မဂ်စိတ်ကျပြီးနိဗ္ဗာန်ကို မျက်မှောက်ပြုသွားနိုင်ပါတယ်။ အိပ်ခါနီးတိုင်း ဒါနအာရုံ သီလအာရုံ သမထအာရုံ ဝိပဿနာအာရုံနဲ့ အိပ်စက်သွားမယ်ဆိုရင် သေလွန်ခါနီးမှာလည်းအဲဒီအာရုံလေးမျိုးမှာ တစ်မျိုးမျိုးနဲ့သေလွန်ရမှာ
သေချာပါတယ်။

ကုသိုလ်အာရုံနဲ့သေလွန်သွားသူကို ကောင်းရာသုဂတိဘုံတွေက သူဦးကိုယ်ဦးလက်ကမ်း
ကြိုဆိုနေကြမှာပါ။ဒါကြောင့်ညအိပ်ရာဝင်ခေါင်းအုံးပေါ်ခေါင်းချ ကျောဆန့်ပြီးတာနဲ့တစ်ပြိုင်နက် "ခဏသေလိုက်ဦးမယ်"လို့ကိုယ့်ကိုယ်ကိုစိတ်ထဲကပြောပြီး သေနည်းလေ့ကျင့်ကြဖို့ အထူးတိုက်
တွန်းလိုက်ပါတယ်။

အရှင်ဆန္ဒာဓိက(ရွှေပါရမီတောရ)
(မသေခင်ဘာလုပ်ကြမလဲစာအုပ်မှ)