မြန်မာ့ လူ့အဖွဲ့အစည်းသည် အတွေးအခေါ် လွတ်လပ်မှုနှင့် ဖွံ့ဖြိုးတိုးတက်မှု
လမ်းမပေါ်သို့ ခြေလှမ်း စတင်ခဲ့ပြီး
ဖြစ်သည်။ ကိုယ့်မိသားစု ကိုယ့်ပတ်
ဝန်းကျင် ကိုယ့်နိုင်ငံတွင်သာမက
အိမ်နီးချင်း နိုင်ငံများမှသည် အရှေ့
အနောက် နိုင်ငံများအထိ ကမ္ဘာလုံး
ချီကာ မရဲတရဲမှသည် ရဲရဲကြီး
မျှော်ကြည့်နိုင်ကြပြီ။ အရှိန်အဟုန်ဖြင့်
စီးဆင်းနေသော ကမ္ဘာမှုပြုခြင်း ဖြစ်စဉ်တွင်လည်း လိုက်ပါ စီးမျောနေကြပြီ။
အထူးသဖြင့် မြန်မာလူငယ်နှင့် လူရွယ်များမှာ မိမိတို့တွင် လိုသမျှ စွမ်းရည်ကို ဖြည့်ရန် ကြိုးစားရင်း လူကြီးများ၏ ဘဝနှင့်ချီသော အတွေ့အကြုံများမှ သင်ခန်းစာများကို ကောက်ယူရင်း ကမ္ဘာမှု ရေစီးတွင် စီးမျောကာ ဖွံ့ဖြိုးတိုးတက်ရန် အဆင်သင့် ဖြစ်နေကြသည်။ ထိုလူငယ်များသည်
နိုင်ငံ့အနာဂတ် ဖြစ်သည့်အတွက် သူတို့ ဖွံ့ဖြိုးတိုးတက်မှုသည် နိုင်ငံတိုးတက်မှုပင် ဖြစ်သည်။
ဖွံ့ဖြိုးရန် ကြိုးစားသူ မြန်မာတို့ ရင်ဆိုင်နေရသော စိန်ခေါ်ချက်များသည် ဗဟုသုတနှင့် စွမ်းဆောင်ရည် လိုအပ်ချက်တို့တွင် သက်သက်မဟုတ်ဘဲ ဆယ်စုနှစ်ပေါင်း များစွာ မတို့မထိလုနီးပါး ထားခဲ့သော၊ ထိန်းသိမ်းထားနိုင်ခဲ့သည်ဟု ဂုဏ်ယူလေ့ ရှိကြသော ယဉ်ကျေးမှု၊ အစဉ်အလာ၊ ထုံးတမ်း၊ စံသတ်မှတ်ချက်များလည်း ပါဝင်သည်။ ဖွံ့ဖြိုး တိုးတက်မှု ရေစီးသည် ထိုအရာများကို တို့ထိ ပုတ်ခတ်လျက် ရှိနေပေပြီ။
မိန်းကလေးတို့ကို အကာအကွယ်ခံ အစောင့်ရှောက်ခံအဖြစ် ပုံဖော် တိုက်တွန်းသော လူမှု အဖွဲ့အစည်းတွင် ခေတ်သစ် ပညာရေးနှင့် လုပ်ငန်းခွင်က မိန်းကလေးတို့ကို ယောက်ျားလေးများနှင့် ရင်ပေါင်တန်းရန် တောင်းဆိုသည်။ ညဥ့်နက်အထိ အလုပ်ဆင်းခြင်း၊ ဘောင်းဘီ၊ စကတ်နှင့် နိုင်ငံတကာ ပုံစံဝင် အပြင်အဆင်များသည် မဖြစ်မနေ လိုအပ်ချက် ဖြစ်လာသည်။
တစ်ချိန်တည်းမှာပင် ခေတ်သစ် နည်းပညာ တိုးတက်မှုနှင့် ရယူသုံးစွဲနိုင်မှု တို့ကြောင့် မိန်းကလေး ယောက်ျားလေးများ၏ နေထိုင်မှု ပုံစံသည် လွတ်လပ်ကာ တစ်ဦးချင်းသဘော ပိုဆောင်လာသည်။ မိသားစု၏ စောင့်ရှောက်မှုထက် မိမိ ကိုယ်ကိုယ် ထိန်းသိမ်း စောင့်ရှောက်တတ်ရန် သင်ယူမှုက ပိုလိုအပ်လာသည်။
မိန်းမ၊ ယောက်ျားတို့၏ အသွင်အပြင်၊ အပြင်အဆင်၊ အဝတ်အစား၊ အတွေးအခေါ်၊ နေထိုင်မှု ဓလေ့စရိုက်နှင့် တန်ဖိုးထားအရာများ ကမ္ဘာမှု ပြုလာသည့်အခါ မြန်မာမှု ဆုံးရှုံးသွားမည်လားဟု စိုးရိမ်သူများ စိုးရိမ်လာကြသည်။ မြန်မာမှုကို ထိန်းသိမ်းသင့်သည်မှာ အမှန်ပင် ဖြစ်သော်လည်း အစိုးရိမ်လွန်ကာ ကန့်သတ်ရင်း တားဆီးရင်း ကာကွယ်ရင်း ချုပ်ချယ်ရင်း ဘူးသီးနုနု အမွေးသပ်သလို ဖြစ်မည်ကိုလည်း သတိထားရဦးမည်။
ဖွံ့ ဖြိုးတိုးတက်မှုသည်ပင် ကမ္ဘာမှု ဖြစ်စဉ် ဖြစ်သည်။ ထိုအရာသည် အရှိန်ဖြင့် စီးနေသော ရေများကဲ့သို့ အင်အား ကြီးမားလှသဖြင့် ပိတ်ပင် တားဆီး ရနိုင်မည် မဟုတ်ဘဲ ထိုရေစီးကို ကိုယ့်ဓလေ့စရိုက်နှင့် လိုက်လျောညီထွေ မည်သို့ အသုံးချမည် ဆိုသည်ကသာ အရေးကြီးသည်။ လွတ်လပ်စွာ တွေးခေါ်နေထိုင်ခွင့်သည် မြန်မာမှုကို မြတ်နိုးကာ တလေးတစား ထိန်းသိမ်းသူများကို အခွင့်အရေးနှင့် အထောက်အပံ့များ ပေးလိမ့်မည်။ မြန်မာမှုနှင့် ကမ္ဘာမှုကို သူ့နေရာနှင့်သူ လျော်ညီစွာ ပေါင်းစပ်ကာ မြန်မာလူ့အဖွဲ့အစည်း စရိုက်လက္ခဏာ အသစ်များလည်း ပေါ်ထွန်းလာနိုင်သည်။
တံခါးအဖွင့် နိုင်ငံရေး၊ စီးပွားရေး အပြောင်းတွင် မြန်မာ့ လူ့အဖွဲ့အစည်းသည် လိုက်လျောညီထွေ လူ့အဖွဲ့အစည်းအသစ် တစ်ရပ်အဖြစ်သို့ ပြောင်းလဲသွားမည်မှာ မုချ ဧကန် ဖြစ်သည်။
အသွင်သစ် လူ့အဖွဲ့အစည်းသည် ခေတ်မီကာ ပိုမိုရင့်ကျက် ယဉ်ကျေးလာမည်လား။ အရိုးပေါ် အရွက်ဖုံးသလို ဟိုမရောက် သည်မရောက် ကိုးရိုးကားရား မကျက် တကျက် ဖြစ်မည်လား။ ထိုမေးခွန်းတို့ကိုမူ ယခု ဖွံ့ဖြိုးရေး ရေစီးတွင် အရှိန်ယူ ကူးခပ်နေသည့် မြန်မာ လူငယ် လူရွယ်တို့ကသာ ဖြေဆိုနိုင်မည် ဖြစ်သည်။
အယ်ဒီတာ (၃၀.၁.၂၀၁၄)
The Voice
No comments:
Post a Comment