စိတ်ပူမိတယ်.....

အခြေခံဥပဒေပြင်ဆင်ရေးအတွက် လူထု လှုပ်ရှားမှုတွေပါဝင်လာအောင်  ဆော်သြ

လာကြတာ၊ စည်းရုံးလာကြတာကို ကျွန်တော်ကိုဉာဏ် စိတ်ပူမိတယ်။ (လမ်းပေါ်နိုင်ငံရေး အလိုမရှိ၊ ဥပဒေအတိုင်း ဆောင်ရွက်ပါ။)

မြစ်ဆုံကိစ္စဟာ နိုင်ငံရေးအမြတ်ထုတ်စရာ

တစ်ခု၊ နိုင်ငံရေးတိုက်ကွက်တစ်ခု ဖြစ်လာ

တာကိုလည်း ကျွန်တော်ကိုဉာဏ် စိတ်ပူမိတယ်။ (နိုင်ငံရေးလုပ်စားများ သတိထား)

၂၁ရာစုခေတ်ကြီးထဲမှာ တောင်သူလယ်သမားတွေနဲ့အစိုးရတို့ထိပ်တိုက်တွေ့ဆုံရေးလမ်းကြောင်ြး  ဖစ်အောင် ဘေးကနေ၀င်ပြီးတော့လမ်းကြောင်းပေးနေ၊ မြောက်ပေးနေကြတာတွေကို မြင်နေရတဲ့ အတွက်လည်း ကျွန်တော်ကိုဉာဏ် စိတ်ပူမိတယ်။ (တောင်သူတွေကို နယ်ရုပ်အဖြစ် အသုံးချနေတာ အခုရပ်)

လက်ဆောင်ပစ္စည်းတွေနဲ့ပတ်သက်ပြီး ထုတ်ပြန်တဲ့ ညွှန်ကြားချက်ကို တရားဝင် လာဘ်ပေးလာဘ်ယူ ခွင့်ပြုသယောင်ယောင် ၀ါဒဖြန့်ကြပြီး နိုင်ငံရေးသတ်လုံးတစ်ခုအဖြစ် လွဲမှားစွာ ပြောဆိုဝေဖန် နေကြတာကိုလည်း ကျွန်တော်ကိုဉာဏ် စိတ်ပူမိတယ်။ (အစိုးရလုပ်သမျှ ဆန့်ကျင်ကြဆိုတဲ့ အမွေဆိုး မထားခဲ့စေလိုပါ)

မီဒီယာကို အသုံးချပြီး တစ်ဖက်နဲ့တစ်ဖက် အပြိုင်အဆိုင် အပုပ်ချ၊ တိုက်ခိုက်၊ ဝေဖန်၊ ခြေထိုး လုပ်နေကြတာတွေ မြင်နေ၊ ကြားနေ၊ ဖတ်နေရတဲ့အတွက်လည်း ကျွန်တော်ကိုဉာဏ် စိတ်ပူမိ တယ်။ (စတုတ္ထမဏ္ဍိုင် ဘာလဲ၊ ဘယ်လဲ)

ပြည်ထောင်စုလွှတ်တော်အနေနဲ့ ပြည်သူတွေအတွက် မပြင်မဖြစ် ပြင်ဆင်ရမယ့် ဥပဒေတွေ၊ အသစ်ပြဋ္ဌာန်းရမယ့် ဥပဒေတွေ ရှိနေမှန်း သိနေပါလျက် အုပ်ချုပ်ရေးပိုင်းမှာ တစ်နည်းနည်းနဲ့ ပါဝင်ပတ်သက်ဖို့ပဲ ကြိုးပမ်းနေကြတာတွေကို မြင်တွေ့ကြားသိနေရလေတော့ ကျွန်တော်ကိုဉာဏ် စိတ်ပူမိတယ်။ (ချိန်ခွင်လျှာညှိပါ၊ တန်းမညှိပါနှင့်)

ကိုယ့်အိမ်နီးချင်းကို အဆင်ပြေအောင် ဆက်ဆံပေါင်းသင်းပြီး သူ့ဆီကနေ ကိုယ့်အတွက် အကျိုး ရှိအောင် ကြံဆောင်ကြိုးပမ်းကြရမယ့်အစား "တရုတ်ဟူသမျှ ဆန့်ကျင်ကြ" ဆိုတဲ့ အယူအဆကို ကိုင်ဆွဲပြီး တစ်ဘက်စွန်း ရောက်နေကြသူတွေကို မြင်နေတွေ့နေရတော့ နိုင်ငံတကာဆက် ဆံရေးကို နားမလည်တာပဲလား၊ ၀ါးလုံးခေါင်းထဲမှာပဲ လသာနေကြတာပဲလားလို့ တွေးမရဖြစ်ရင်း ကျွန်တော်ကိုဉာဏ် စိတ်ပူမိတယ်။ (US က China နဲ့ သင့်မြတ်အောင် ကြိုးပမ်းနေချိန်မှာ မြန် မာတွေ က ဘာလုပ်တာလဲ)

ဦးရွှေမန်းနဲ့ ဒေါ်အောင်ဆန်းစုကြည် တပူးတွဲတွဲ ဖြစ်နေတာကို ကျွန်တော်ကိုဉာဏ် စိတ်ပူမိတယ်။ (မည်သူ့ကို မည်သူကမျှ အသုံးချခြင်း မဖြစ်စေလိုပါ)

ရခိုင်ပြည်နယ်မှာ INGOs, NGOs တွေကို ရည်ရွယ်ချက်ရှိရှိနဲ့ ဆန့်ကျင်နေကြတာကို မြင်နေရတော့ ကျွန်တော်ကိုဉာဏ် စိတ်ပူမိတယ်။ (နိုင်ငံ့ပုံရိပ်ကို ငဲ့ကြစေလိုပါသည်)

နိုင်ငံရေးမှာ ဘာသာရေး စွက်ဖက်လာတာ၊ သံဃာတွေ စိတ်ဝမ်းကွဲလာတာကို ကျွန်တော်ကိုဉာဏ် စိတ်ပူမိတယ်။ (ကျွန်တော့်ကို ပက်ပက်စက်စက် ဆဲနိုင်ကြပါပြီ)

ဆန္ဒပြပွဲတွေ ခပ်စိပ်စိပ် ပြန်ဖြစ်လာတာကို မြင်တွေ့ကြားသိနေရသည့်အတွက် ကျွန်တော်ကိုဉာဏ် စိတ်ပူမိပါသည်။ (နောက်ထပ် ရှစ်လေးလုံး မကြုံချင်တော့ပါ)

အမှတ်တရ

ကိုဉာဏ် (ပန်းလောင်မြေ)

၂၀၁၄ ခုနှစ်၊ မတ်လ ၂၉ ရက်၊ သောကြာနေ့။