Friday, April 4, 2014

ဘာရယ်မဟုတ်ဘူး....

ဘာရယ်ဟုတ်ဖူး . . . .
ကျွန်တော် အမြင်လေးတစ်ခုကိုပဲ ပြောပါရစေ...။ အကြောင်းကတော့ 'စိတ်'သည် တစ်ကြိမ်တွင် တစ်မျိုးသာ ဖြစ်ပေါ်ပြီး ဆက်ကာ ဆက်ကာ ဖြစ်သောကြောင့် အကြာင်းအရာ တစ်ခုကိုသာ ရေးသား ရခြင်း ဖြစ်သည်။
လူသားတွေ မွေးကင်းစ ကတည်းက အမြင်နဲ့ စတင် ထိတွေ့ ကြသည်။ ဝန်းကျင်ရဲ့ အလင်းက စူးရှတော့ မွေးစမှာ မျက်လုံးတွေ မှိတ်ထား တတ်ကြ ပါတယ်။ ဒါကြောင့် ကလေး မွေးဖွားခန်း ကို အလင်း အနည်းငယ်သာ ရရှိအောင် ပြုလုပ် ထားကြ ပါတယ်။ ရှိနှင့် နေပြီးတဲ့ သူတွေ အတွက် စူးရှတဲ့ အလင်းက ဘာမျှမပြော ပလောက် သော်လည်း.....

ယခု ကျွန်ုပ်တို့ မြန်မာ နိုင်ငံတော်ကြီး သည် စနစ် တစ်ခုသို့ ကူးပြောင်းပြီး ခရီးဆက် နေကြသည်။ တစ်နည်း စနစ်တစ်ခု အတွက် စတင် မွေးဖွား ကာစ ဖြစ်၏။ မိခင် ဝမ်းကြာတိုက် မှ ထွက်လာ ကာစ အလွန်ပင် ငယ်လှ သေး၏။ ဝန်းကျင်ရှိ အာရုံ ငါးပါး ထဲပါ ဝင်တဲ့ နိုင်ငံရေး၊ လူမှုရေး၊ စီးပွားရေး၊ အုပ်ချုပ်ရေး၊ ပညာရေး၊ ကျန်းမာရေး၊ အမျိုးသားရေး၊ ဘာသာ သာသနာရေး အပြင် ပြည်သူတွေရဲ့ စားရေး၊ ဝတ်ရေး၊ နေရေး တွေက အားအင်နဲ့ ပြေးလာ နေကြ ပါသည်။ စူးရှတဲ့ အလင်းရောင် ကြောင့် (သို့မဟုတ်) မိခင် ဝမ်းတိုက်၌ နေခဲ့ရသော ကျဉ်းကျပ်မှုကို မခံနိုင် လွန်းသော ကြောင့် ကလေးငို ပါတော့သည်။ နိုင်ငံတော်ကြီး သည် ကျဉ်းမြောင်း သော ပိတ်ဆို့ နယ်ပယ်မှ ကျယ်ပြန့်သော ဆန္ဒသို့ တိုးဖောက် နေသည်ကို သတိပြု မိကြပါ လိမ့်မည်။ အရင်က မကောင်း၍ ကူးပြောင်းခြင်း မဟုတ်ဘဲ ကောင်းသည်ထက် ကောင်းအောင် ကူးပြောင်း ခြင်းသာ ဖြစ်ပါသည်။ လက်ရှိသည် ပါတီစုံ ဒီမိုကရေစီ ဖြစ်သောကြောင့် ဘက်စုံမှ အမြင်များသည် လက်ရှိ နိုင်ငံတော် အစိုးရ နှင့် တပ်မတော် ကို တို့ ၊ ထိ လာကြ၏။

အမြင်များသည် မတူညီကြချေ (စက္ခုအာရုံ ချည်း သက်သက်ကို မဆိုလိုပါ)။ မတူ ခြားနားခြင်း သည် ကပင် သဘာဝဖြစ်၍ လက်ခံဖွယ် ဖြစ်၏။ သို့ဖြင့် အမြင်သည် အမျိုးမျိုး ကွဲထွက် လာသည်-
အချက်အလက်ပိုင်နိုင်စွာ အကောင်း မြင်ခြင်း။
အကြောင်း အမျိုးမျိုးအပေါ် အကောင်း မြင်ခြင်း။
အချက်အလက် ပိုင်နိုင်စွာ မကောင်း မြင်ခြင်း။
အကြောင်းမဲ့ မကောင်း မြင်ခြင်း။
ကောင်း၏၊ မကောင်း၏ မရှိသော တွေဝေသော အမြင်။
စိတ်မတည်ငြိမ် ယိမ်းယိုင် တတ်သော အမြင် (သာကူး) စသည်တို့ ထက်ပင် ပိုဖွယ် ရှိသည်။
ယနေ့ နိုင်ငံတော် အစိုးရ နှင့် တပ်မတော် ကိုလည်း ထိုအမြင် များဖြင့် ဆက်ဆံ လာကြသည်။ အမြင် မတူသူ တစ်ချို့က ' ငါတို့ လုပ်မှ၊ ရှိမှ တိုးတက်မည်' ဟူသော ငါစွဲ၊ ပါတီစွဲဖြင့် နိုင်ငံတော် အစိုးရနှင့် တပ်မတော်ကို တို့ ၊ ထိ ကြ၏။ 'မင်းတို့ လုပ်ရပ်တွေက ညံ့ဖျင်း သိမ်နုပ်တယ်၊ အသုံးမကျဘူး၊ အာဏာရှင် ဆန်တယ်၊ လက်ဝါးကြီး အုပ်တယ်' စသဖြင့် တို့ထိ စမ်းသပ် လာကြသည်။

ကိစ္စရပ် တစ်ခုတွင် မည်မျှ ကျွမ်းကျင်သူ ဖြစ်သော်လည်း နေရာဒေသ နှင့် ဝန်းကျင် ပြောင်းလျှင် လွဲချော်မှုများ ဖြစ်တတ် သေး၏။ ယခု ကျွန်ုပ်တို့၏ စစ်မှန်သော တစ်မျိုးသားလုံး လိုက်လျော ညီထွေသော ဒီမိုကရေစီ ခြေလှမ်းသည် အစ ပြုကာစ ရှိသည်။ ဘေးထိုင် ဘောင်ခတ် တတ်သော သူတစ်ချို့က 'မင်းတို့ ခြေလှမ်းက စိပ်တယ်ကွ၊ မင်းတို့ ခြေလှမ်းက ကျဲတယ်ကွ၊ ခြေလှမ်း ကလည်း အားမပါ လိုက်တာကွာ၊ သွားတော့ သွားပါရဲ့ လေးတိလေးကန်နဲ့' စသော အမြင်တို့ဖြင့် ဘောင်ခတ်၍ တို့ ၊ ထိ ကြပြန်သည်။ မွေးကာစ ကလေးငယ်သည် အကြောင်း ကြောင်းကြောင့် ငိုသော်လည်း ယနေ့ နိုင်ငံတော် အစိုးရ နှင့် တပ်မတော်သည် အမြင်များကြား မယိုင်နဲ့ ခဲ့ပါ။

ဗုဒ္ဓမြတ်စွာ ဘုရားရှင်သည် ''လောက၌ အကဲ့ရဲ့ လွတ်သောသူ မည်သည် မရှိပေ'' ဟု ဟောကြားခဲ့ သည်။ ဤတရားကို စာ အလင်္ကာဖြင့်-

'လောကလူများ၊ စိတ်အထားကား၊ စကားများလျှင်၊ အပြစ်တင်၏၊ နည်းလျှင် ကဲ့ရဲ့၊ ရှုံ့ချမဲ့၏။ မချဲ့လိုရင်း၊ သင့်ရုံ ရှင်းလည်း၊ စိတ်တွင်း မကြိုက်၊ ကဲ့ရဲ့လိုက်၏၊ နှစ်ခြိုက်မှုကွာ၊ ဘာပဲမြင်မြင်၊ အပြစ်တင်သည်၊ ဤလျှင် လူ့သဘော ပေတည်း'။ (ကော”ဝဂ်၊ အတုလ ဥပါသကာ ဝတ္ထု)

ယနေ့ နိုင်ငံတော်ကြီး တွင် ဖြစ်ပေါ်နေသော အမြင်မတူ ပြောဆိုမှုများကို နိုင်ငံတော် အစိုးရနှင့် တပ်မတော် က ပြန်လည် ဖြေရှင်းမှု ပြုလုပ် ကြရသည် (သတင်းစာ ရှင်းလင်းပွဲ၊ နေ့စဉ် သတင်းစာ တွင် ထုတ်ပြန် ကြေငြာခြင်း)။ ပြေလည် စေချင်သော စေတနာကြောင့် အကျိုး သက်ရောက်မှု အနည်းအများ ရှိနိုင်၏။

သမိုင်း ခြေရာခံ ကြည့်လျှင် ယနေ့ ရှိနေသော တပ်မတော် သည် ပြည်သူကြား က ပေါက်ဖွားလာ ခြင်းဖြစ်၍ ပြည်သူများသည် တပ်မတော် ၏ မိဘ သဖွယ်ဖြစ်၏။ တဖန် တပ်မတော် မှ ပေါက်ဖွား လာသော မျိုးဆက် တို့သည် ပြည်သူများ ဖြစ်ကြ ရပြန်သည်။ သို့ဖြင့် တပ်မတော် နှင့် ပြည်သူ တို့သည် အပြန်အလှန် ချစ်ကြင်နာမှု ရှိကြသည်။ ပြည်သူထဲက ပေါက်ဖွားပြီး မိမိပါတီ အာဏာ ရရှိရေးကို ဦးတည်သည့် အချို့က ပြည်သူနှင့် တပ်မတော်ကြား ဖြတ်လျှောက်၍ အားမရ မစင်ပင် စွန့်ကြသည်။ တိုင်းပြည်၏ အနားကွပ် သဖွယ် တာဝန်ယူ ဆောင်ရွက် နေသော တပ်မတော်ကို လှုပ်ယိုင် နဲ့အောင် ပြုလုပ် ခြင်းသည် လွပ်လပ်ရေး နှင့် တပ်မတော် ၏ ဖခင်များ ဖြစ်ကြသော ဗိုလ်ချုပ် အောင်ဆန်း နှင့် ရှေးဦး တပ်မတော်သား များကို မထီမဲ့မြင်ပြု ခြင်းပင် ဖြစ်ရာ ရောက်ပါသည်။

ပြည်သူနှင့် တပ်မတော် သည် အတူလက်တွဲ၍ လွတ်လပ်ရေး ကို ရယူ ခဲ့ကြသည်။ တပ်မတော် က အာဏာ ရယူရေးအတွက် တိုက်ပွဲဝင် ခဲ့ခြင်း မဟုတ်သည်မှာ သမိုင်းက ထင်ရှား ပြဆို ပါသည်။ ရေစီးသန်သော မြစ်ချောင်းကို ကူးဖြတ်ရန် ခန္ဓာကိုယ်ကို တံတား ခင်းပေးခြင်းသာ ဖြစ်ပါသည်။ တိုင်းပြည်ကြီး ပွက်ပွက်ဆူ ခြင်းကို ထိန်းသိမ်း စောင့်ရှောက် ရာတွင် 'ငါနှင့် ငါတို့ လူတစ်စု အာဏာ ရရှိ၍ တိုးတက်အောင် လုပ်မည်' ဟူသော သူတစ်စု မပါဝင် ခဲ့ကြချေ။ နိုင်ငံ၏ အရေးကိစ္စ ကြီး - ငယ်ကြုံလျှင် ထိုသူ တို့ ကြက်ပျောက်၊ ငှက်ပျောက် ကိုယ်ယောင် ဖျောက် နေခဲ့ ကြသည်။ ပွက်ပွက်ဆူ ဝေကျနေသော ရေနွေးအိုး ကို အဖုံးဖုံး သော်လည်း တဒုတ်ဒုတ် လှုပ်ခါ သေးသည်။ နိုင်ငံတော် အစိုးရ သူတို့က မိမိ အိမ်တွင်းရေး ကို တိုင်းတစ်ပါး က ဝင်ရောက် စွက်ဖက်ခြင်း မရှိနိုင်အောင် ရေနွေးအိုး အဖုံးသဖွယ် ဆောင်ရွက် ကြသည်။

မြှောက်ပင့်ကော် မီးစာထိုးသူ တစ်ချို့ကြောင့် ရေးနွေးအိုး အဖုံးလုံ သော်လည်း တဒုတ်ဒုတ် လှုပ်ရမ်း နေပြန်သည်။ ထို အချိန်တွင် ပြဿနာ၏ အရင်းအမြစ် ဖြစ်သော မီးစာနှင့် မီးစာကို အရှိန်မြှင့်သူ တို့ကို တပ်မတော်က ထိန်းသိမ်း ရသည်။ မလွှဲ မရှောင်သာ၍ ပြည်သူကြားက ပေါက်ဖွားသည် အမြင်မတူ သူ၊ မီးစာကျွေးသူ များကို ထိန်းသိမ်း ရခြင်း ဖြစ်ပါသည်။

တပ်မတော် သည် နိုင်ငံတော် အာဏာကို နောင် တစ်ချိန်ချိန်တွင် သိမ်းပိုက် လိမ့်မည် ဟူသော သည်းခြေကြိုက် သို့လော သို့လော ယုံမှား သံသယများ ဖြစ်ပေါ်စေရန် အမြင်မတူ သူများဟု ခေါ်သော ငါ့ ပါတီ အနိုင်ရရှိရေး ဦးဆောင်သူ တစ်ချို့ ဝါဒဖြန့် ကြသည်။ တစ်ကယ် အစစ်အမှန် သည်ကား တပ်မတော် က နိုင်ငံတော် အာဏာကို သိမ်းယူရန် မဟုတ်။ ' ဒို့တာဝန် အရေး (၃) ပါး' ကို တို့ ထိ စမ်းသပ်၍ ကာကွယ် စောင့်ရှောက်ခြင်း ဖြစ်၏။

အကြင်သူ အပေါင်းတို့ . . . ယခင်၊ ယခု၊ နောင် တည်မည့် တပ်မတော်သည် လူသားတို့ဖြင့် ဖွဲ့စည်း တည်ဆောက် ထားခြင်း ဖြစ်၍ လူသားဆန်သော အပြုအမူ အပြောအဆို အနေအထိုင်များ ရှိကြ၏။ ဤသို့ ရိုးရှင်းသော အတွေးများ ရှိကြပါလျှင် ကျွန်ုပ်တို့ အားလုံး (ပြည်သူ၊ တပ်မတော်၊ အမြင်မတူ သူများ) အတူယှဉ်တွဲ နေထိုင်ပြီး တိုင်းပြည်ကို တိုးတက်အောင် ဆောင်ရွက် နိုင်ကြမည် ဖြစ်ပါသည်။

ရိုးရှင်းသော အတွေးများဖြင့် ဘာရယ် မဟုတ်သော ရှုတ်ထွေးသော အမြင်များကို ကြည်လင် စေကြောင်း မေတ္တာပေါင်းဖြင့် . . .

''လူတစ်စုက ဦးဆောင်ကာ၊
အာဏာရအောင် ကြိုးပမ်းတာ။
ပြည်သူကြားက တပ်မတော်သား၊
နိုင်ငံ့ရန်ကို ကာကွယ်ထား''။

သန့်ဇော်ထိုက်

No comments:

Post a Comment