Tuesday, April 29, 2014

ကျွန်တော် ဘာမှားလို့လဲခင်ဗျာ

Author: ထားထားမြင့်
ဖေ့စ်ဘွတ်ခ်ပေါ်တွင်တင်ထားသော စာတစ်ပိုဒ်ကြောင့် ရုံးမှအထက်လူကြီးက ဒီကနေ့သူ့ကိုခေါ်တွေ့ကာ သတိပေးသည့် အတွက် ကိုပြည့်ဖြိုးအောင် အတော်မကျေ မနပ် ဖြစ်နေပါသည်။ လူကြီးကို ဘာမှပြန်မပြောခဲ့ သော်လည်း ဒီကိစ္စမှာ ၎င်းမမှားဘူးဟု အခိုင်အမာယုံကြည်ထားသည်။

‘‘ကျွန်တော့်ကိုယ်ပိုင် ဖေ့စ် ဘွတ်ခ်အကောင့်ဗျ၊ အလုပ်နဲ့ မဆိုင်ဘူး။ ကျွန်တော်ကြိုက်တာ ကျွန်တော်မြင်တာတွေကို ကျွန်တော့်ဘာသာ တင်တယ်။ ကျွန်တော်လည်း ကိုယ်ပိုင်အခွင့်အရေးနဲ့ ယူဆချက်တွေ ရှိတယ်။ အဲဒါတွေကို အလုပ်နဲ့တွဲပြီး မမြင်သင့်ဘူး။ အလုပ်အကြောင်းလည်း ရေးတာမဟုတ်ဘူး’’ဟု ဆိုသည်။

ကိုပြည့်ဖြိုးအောင်၏ မိတ် ဆွေအချို့ကလည်း ၎င်းပြောတာ ကို လှိုက်လှိုက်လှဲလှဲ ထောက်ခံ ကြပါသည်။ မြန်မာနိုင်ငံက ဒီမိုကရေစီခေတ် ကူးပြောင်းလာပြီး စာပေစိစစ်ရေးပင် မရှိတော့သည့် အချိန်မျိုး၌ ကိုပြည့်ဖြိုးအောင် အနေဖြင့် ဖေ့စ်ဘွတ်ခ်လူမှုရေး စာမျက်နှာပေါ်မှာ ရေးချင်တာရေးလို့ရသည်ဟု ထောက်ခံအားပေးကြသည်။ ပြောစရာရှိတာတစ် ခုက ပြည့်ဖြိုးအောင်သည် အစိုးရ မဟုတ်သောအ ဖွဲ့အစည်းတစ်ခု မှ မန်နေဂျာတစ်ဦး ဖြစ်သည်။ ၎င်းကကိုယ်ရေးကိုယ်တာ ဟု ပြောထားလင့်ကစား သူ၏အလုပ် အကိုင်နှင့် အဖွဲ့အစည်းကို သိနေသောသူများက ထိုရာထူးအလုပ် အကိုင်ကို စွဲကိုင်ပြီး မှတ်ချက်ရေး တုံ့ပြန်နေကြသောအခါ ဖေ့စ်ဘွတ်ခ်ပေါ်ကနေ အချေအတင် ပြဿနာများဖြစ်လာ၏။ ထို့ကြောင့် အထက်လူကြီးက ခေါ်ယူသတိပေးခြင်း ဖြစ်သည်။

ဖေ့စ်ဘွတ်ခ်၏ စာရင်းတွက် ချက်မှုအရ ၂၀၁၃ ခုနှစ် သြဂုတ်အထိ မြန်မာလူမျိုးများ ဖေ့စ်ဘွတ်ခ် လူမှုရေးအင်တာနက် စာမျက်နှာသုံးစွဲသူ တစ်သန်းကျော် ရှိနေပြီဟု ဆိုသည်။ ထိုအရေအ တွက်က အခြားနိုင်ငံများနှင့်နှိုင်းယှဉ် ပါက သိသိသာသာနည်းနေပါသေးသည်။ သို့သော် ဖေ့စ်ဘွတ်ခ်ကြောင့်
မြန်မာနိုင်ငံမှာ ကြုံဆုံနေရသည့် ပြဿနာများက တော့ နည်းလှသည်ဟု မဆိုနိုင် ပါ။

ကိုပြည့်ဖြိုးအောင်တို့ ကြုံခဲ့ သည့် ပြဿနာများမှာ မြန်မာ နိုင်ငံထက်အရင် ဖေ့စ်ဘွတ်ခ် သုံးစွဲခဲ့ကြသည့် အမေရိကန်၊ ဗြိတိန်နှင့် အနောက်နိုင်ငံများတွင် ယမန်နှစ်များက ကြုံတွေ့ခဲ့ရ သည့် ပြဿနာများ ဖြစ်ပါသည်။ ထိုပြဿနာများတွင် ၂၀၁၁ ခုနှစ် က ကြုံတွေ့ခဲ့ရသော ကမ္ဘာကျော် အိုင်တီကုမ္ပဏီကြီး ဖြစ်သည့် Apple ကုမ္ပဏီမှဝန်ထမ်းတစ်ဦး အား အထက်လူကြီးက ဖေ့စ်ဘွတ်ခ်ပေါ်မှ စာပိုဒ်တစ်ပိုဒ်ကြောင့် အ လုပ်ထုတ်ခဲ့ရာမှ တရားတပေါင်အထိပင် ရင်ဆိုင်ဖြေရှင်းခဲ့ရသည်။

ဗြိတိန်နိုင်ငံမှ ဖေ့စ်ဘွတ်ခ်၊တွစ်တာစသော လူမှုစာမျက်နှာ များနှင့်ပတ်သက်ပြီး
ဖြေရှင်းပေးနေသော ရှေ့နေဖီလစ်လန်ဒူးက ၀န်ထမ်းများအနေဖြင့် ကုမ္ပဏီ ရုံးအမည်ကို သုံးသည်ဖြစ်စေ၊ မသုံးသည်ဖြစ်စေ တစ်ခုခု မရေး သားမီ စဉ်းစားဆင်ခြင်သင့်သည် ဟု ဆိုပါသည်။

‘‘ဒါကကိုယ့်ရဲ့ ကိုယ်ရေး ကိုယ်တာဆိုပေမယ့် တခြားသူ တွေကလည်း မြင်နိုင်တယ်။ ကိုယ့်ရဲ့ လက်ကိုင်ဖုန်းကပဲ ရေး ရေး၊ အလုပ်စားပွဲကပဲ ရေးရေး၊ အိမ်ကပဲ တင်တင်’’

ထို့ကြောင့် ယခုအခါ လွတ် လပ်စွာ ပြောဆိုရေးသားခွင့် ရှိသည်ဆိုသော အမေရိကန်နှင့် အနောက်နိုင်ငံများတွင် လူမှုကွန်ရက်အင်တာနက်စာမျက်နှာများ၊ ဘလော့ဂ်များနှင့် ပတ်သက်ပြီး မူဝါဒများကို အလုပ်စာချုပ်ချုပ် ဆို ချိန်တွင် အလုပ်ရှင်နှင့် ၀န်ထမ်းများက ထည့်သွင်းချုပ်ဆို ထားကြ သည်။ ထိုအချက်များတွင် အလုပ်လုပ်ချိန်အတွင်း မိမိ၏ အလုပ်ကွန်ပျူတာမှ ဖေ့စ်ဘွတ်ခ် ကဲ့သို့ လူမှုအင်တာနက် စာမျက်နှာများ သုံးစွဲခြင်း မပြုပါဆိုသည့် အချက်လည်း ပါဝင်သည်။ ထိုအထဲတွင် Apple ကဲ့သို့ကုမ္ပဏီကြီးများလည်း ပါဝင်သည်။ Appleကယင်း၏ ထုတ်ကုန်ပစ္စည်းများနှင့်ပတ်သက်ပြီး
ဝန်ထမ်းအားလုံးကို တံဆိပ်အမှတ်အသားနှင့်ပတ်သက်၍ လူမှုအင်တာနက်စာမျက်နှာများတွင်
ပြောကြားခြင်း မရှိစေရ။ ပြောလျှင် အရေးယူမည့်အကြောင်း တရားဝင်သတိပေးထားသည်။

အမေရိကန် နယူးဂျာစီအ ခြေစိုက် ကုမ္ပဏီကြီးတစ်ခုတွင် လုပ်ကိုင်နေသော မစုသွယ်က လည်း သူ့အနေဖြင့် ဖေ့စ်ဘွတ်ခ် အကောင့်ရှိသော်လည်း မည် သည့်နေရာတွင် လုပ်ကိုင်နေ သည်ဆိုသော အလုပ်အကိုင်ကို ခွင့်မတောင်းဘဲ ရေးသားဖော်ပြ ခွင့် မရှိဟုဆိုပါသည်။

‘‘ကျွန်မကုမ္ပဏီရဲ့ အင်တာ နက်စာမျက်နှာဖေ့စ်ဘွတ်ခ်မှာ ရှိ ပါတယ်။ ဒါပေမဲ့ အဲဒီက ၀န်ထမ်း လို့ ကိုယ်ကဖေ့စ်ဘွတ်ခ်မှာ ဖော် ပြမယ်ဆိုရင် သူတို့စောင့်ကြည့် တာကို ခံရမယ်။ ကိုယ်ရေး ကိုယ် တာကအစ လွတ်လွတ်လပ်လပ် ပြောလို့ မရတော့ဘူး။ အဲဒီတော့ ကျွန်မတို့ အလုပ်အကိုင်နဲ့ ပတ် သက်ပြီး ဘာမှမရေးတော့ပါဘူး’’

သို့ရာတွင် အမေရိကန်ရှိ လူမှုရေးအဖွဲ့အစည်း အချို့က လုပ်ငန်းခွင်တွင် အလုပ်ရှင်က မတရားပြုခြင်း၊ လစာနှင့် အခြား အခွင့်အရေး မမျှမတလုပ်ခြင်း စသော မတရားပြုကျင့်မှုများ ရှိပါ က ၀န်ထမ်းများက အင်တာနက် စာမျက်နှာများမှတစ်ဆင့် ဖော် ပြခွင့်ရှိသည်ဟု ဆိုသည်။ အ လုပ်၊ ကုန်ပစ္စည်းနှင့် မဆိုင်ဘဲ လုပ်ငန်းခွင် အခွင့်အရေး ဖောက်ဖျက်သည်များကို အင်တာနက် ပေါ်တင်မိသောကြောင့် ၀န်ထမ်းများအလုပ်ဖြုတ်ခံရပါက ထိုအဖွဲ့အစည်းများက ပါဝင်ဆောင်ရွက်ပေး ကြသည်များ ရှိသည်။

အမေရိကန် နိုင်ငံခြားရေးဝန် ကြီးဌာနစစ်တပ်နှင့် လုံခြုံရေးတပ် ဖွဲ့ဝင်ဝန်ထမ်းအများစုမှာ အငြိမ်း စားများမှလွဲပြီး အများစုက ဖေ့စ် ဘွတ်ခ်တွင် အလုပ်အကိုင်ဖော်ပြ ခြင်း မရှိကြပါ။ ထို့အတွက် ဖေ့စ် ဘွတ်ခ်လုံခြုံရေးဆောင်ရွက်မှု တွင်လည်း အသိမိတ်ဆွေများနှင့် သာ ဆက်သွယ်ပြီး အပြင်တွင် သိ ကျွမ်းခြင်းမရှိသော သူများအား လက်ခံခြင်းမရှိကြပေ။ အဖွဲ့အစည်း၊ အလုပ်အကိုင် ဖော်ပြသူများကလည်း ဖေ့စ်ဘွတ်ခ်တွင် ဆောင်ရွက်လှုပ်ရှားမှု နည်းပါး ကာ ဓာတ်ပုံ၊ စကားအသုံးအစွဲများ အစဆင်ဆင်ခြင်ခြင် သုံးစွဲကြ သည်ကို တွေ့ရသည်။ ၀ါရှင်တန် ဒီစီ အခြေစိုက်အလုပ်သမား အခွင့်အရေးဆိုင်ရာ ဥပဒေပညာ ရှင် ဒန်ပရိုင်းက ‘‘အလုပ်ရှင်တွေ မှာ လူမှုကွန်ရက် စာမျက်နှာတွေ သုံးစွဲတာ ကန့်ကွက်ဖို့၊ အခွင့်အရေးနဲ့ ကိုယ်ရေးအချက် အလက်တွေကို တင်တာကို ကန့် သတ်ဖို့အခွင့်အရေး ရှိပါတယ်။ ၀န်ထမ်းတွေအနေနဲ့ ကိုယ်တင် လိုက်တာနဲ့ ပတ်သက်ပြီး ဖြစ် လာမယ့် အကျိုးဆက်အတွက် ပြင်သာထားကြပေါ့’’

ဗြိတိသျှရှေ့နေဖီလစ်လန် ဒူးက ၀န်ထမ်းများသာမက အခြားသူများလည်း ဖေ့စ်ဘွတ်ခ်တွင်
စာပိုဒ်များ ရေးသားခြင်း၊ ဓာတ်ပုံများတင်ခြင်းတို့ကိုအမြဲ ဆင်ခြင်သင့်သည်ဟု ဆိုပါသည်။ ၂၀၁၃ ခုနှစ်က အမေရိကန်နိုင်ငံ ဖလော်ရီဒါပြည်နယ်တွင် လူတစ်ဦးက ဒူးဂေါင်းဆိုသော ရေနွားသတ္တ၀ါ
နှင့် ဆော့ကစားနေသည့် ပုံကို ဖေ့စ်ဘွတ်ခ်ပေါ်တင်ခဲ့သည်။ ထိုအခါ တိရစ္ဆာန်ညှဉ်းပန်းနှိပ်စက်ရေးအဖွဲ့များက ထိုဓာတ်ပုံကိုပြ ပြီး တိရစ္ဆာန်ညှဉ်းပန်းနှိပ်စက်မှု ဖြင့် တရားစွဲသဖြင့် အပြစ်ဒဏ် ခံခဲ့ရသည်။ အမျိုးသမီးတစ်ဦးမှာ လည်း ခရီးထွက်မည်ဖြစ်ကြောင်း
ဖေ့စ်ဘွတ်ခ်တွင် ရေးသားခဲ့ရာ ၎င်းမရှိခိုက် သူခိုးကအိမ်ကိုဖောက်ထွင်းခိုးယူသွားသည်။

မြန်မာနိုင်ငံတွင်လည်းကိုပြည့်ဖြိုးအောင်ကဲ့သို့ တစ်ဦးချင်းဖေ့စ် ဘွတ်ခ်မှ ပြဿနာများ အပြန်အလှန် အချေအတင် ဖြစ်မှုများကြောင့် အချို့ကုမ္ပဏီများက ၀န်ထမ်းများအား လုပ်ငန်းခွင်အတွင်းဖေ့စ်ဘွတ်ခ်သုံးစွဲခွင့် မပေးတော့ချေ။

ထိုပြင် လူမှုအင်တာနက် စာမျက်နှာပေါ်တွင် ၀န်ထမ်းများ ကုမ္ပဏီကိုယ်စား တစ်စုံတစ်ရာ ပြောဆိုချေပခွင့်ကို တားမြစ်ပိတ်ပင်ထားသည့် ကုမ္ပဏီများလည်း ရှိလာသည်။

ကိုပြည့်ဖြိုးအောင်ကို ခေါ် ယူသတိပေးအပြီးမှာ သူတို့အဖွဲ့ အစည်းက ၀န်ထမ်းများဖေ့စ် ဘွတ်ခ်ကို ရုံးချိန်အတွင်းမသုံးစွဲ ကြရန်နှင့် ဖေ့စ်ဘွတ်ခ်သုံးစွဲသည့် အခါ အလုပ်နှင့်ပတ်သက်သော ကိစ္စရပ်များကို မဆွေးနွေးရန် တရားဝင်စာထုတ် အကြောင်းကြားလိုက်ပါသည်။ ကိုပြည့်ဖြိုးအောင်ကတော့ ယင်းကိစ္စနှင့်ပတ်သက်ပြီး မကျေနပ်လှချေ။

သူဖေ့စ်ဘွတ်ခ်ပေါ်မှာ ကိုယ်ရေးကိုယ်တာ တုံ့ပြန်ရေးသားသည်မှာ ဘာမှားလို့တုံးဟု လူတွေ့တိုင်း ပြောကြားနေ တော့ သည်။ ။

No comments:

Post a Comment