စာရေးသူ ပြောချင်သည်က နိုင်ငံရေးအကြောင်း။ သို့သော် ဘောလုံး
အကြောင်းနှင့် အစပျိုးပါမည်။
နာမည်ကျော် ဘောလုံးအသင်းေ
တ်ာတော်များများ လက်ကိုင်
ထားသော စကားတစ်ခွန်းရှိသည်။
ထိုစကားသည် အတော်လည်းမှန်
သည်။ ထိုစကားကြောင့် အောင်မြင်
မှုများလည်းရကြသည်။
ထိုစကားအပေါ် အားပေးသူ ပရိသတ်
များကလည်း ထောက်ခံကြသည်။ ဤသို့ဆိုလျှင်
ထိုစကားကား မည်သို့နည်း။ ပြောပြပါမည်။ ထိုစကားမှာ “အသင်းရဲ့ အပေါ်မှာ မည်သည့်ကစားသမားမှ မရှိ” ဆိုသည့် စကားပင် ဖြစ်သည်။ အချို့ကစားသမားများမှာ အောင်မြင်မှုရလာသည်နှင့် အသင်းအပေါ်
လွှမ်းမိုးလိုလာကြသည်။ ငါမရှိလျှင် မဖြစ်ဟု စိတ်ကြီး ၀င်ကာ ငါလုပ်ချင်ရာ လုပ်မည် ငါ့သာဗဟိုပြု ဆိုသည့် ပုံစံများ ချိုးလာကြသည်။ထိုအခါ အသင်း၏ ညီညွှတ်မှုသည် သူ့ကြောင့် ပျက်ရလေတော့သည်။ ကမ္ဘာကျော် နည်းပြကြီး ဖာဂူဆန် ကိုင်တွယ်သည့် မန်ချက်စတာ ယူနိုက်တက် အသင်းသည် ထိုစကားကို လက်ကိုင်ပြုသောကြောင့် အသင်းအပေါ် ရောက်လိုသော ကစားသမားများလည်း အသင်းမှ စွန့်ခွာခဲ့ရသလို အောင်မြင်မှုများစွာလည်း ရရှိခဲ့သည်။
နိုင်ငံရေးနှင့် အားကစား ဘာဆိုင်လဲ လို့ စာဖတ်သူမေးချင်လာပါလိမ့်မည်။ ဆက်ရှင်းပါအံ့။
တပ်မတော်အစိုးရနောက်ပိုင်း ပြည်သူလူထုအများတောင့်တနေသော ဒီမိုကရေစီအစိုးရ
ပေါ်ထွန်းလာမှုသည် ၃ နှစ် ကျော်လာပြီ ဖြစ်သည်။ ၃ နှစ်တာကာလအတွင်း ဆန္ဒပြမှုများစွာ ပေါ်ပေါက်လာခဲ့သလို နောက်တစ်ဆက် အစိုးရနေရာကို ရည်မှန်း၍ ကြိုးစားနေသူများလည်း
အများအပြား ပေါ်လာခဲ့သည်။ ထိုသူတို့အတွက် ၂၀၀၈ အခြေခံဥပဒေသည် ပေါ်ပြူလာဖြစ်လာခဲ့သည်။
အခြေခံဥပဒေ ပြင်ရေး မပြင်ရေး၊ ဘယ်အချက်ကို ပြင်မည် မပြင်မည်ဆိုသည့် ကွဲလွဲမှုများလည်း
ထွက်ပေါ်လာသည်။ နောက်တစ်ဆက်အစိုးရနေရာကို ရည်မှန်းသူများထဲမှ လူအချို့၏ အပြင်ချင်ဆုံးအရာကို လေ့လာကြည့်သော် သမ္မတအရည်အချင်းများထဲ
မှ ပုဒ်မ ၅၉(စ) ကို ပြင်လိုကြကြောင်းတွေ့ရသည်။ ပြင်လိုသူများက ထိုပုဒ်မကို ပြင်နိုင်ရန်အတွက် လူထုဆန္ဒကောက်ခံပွဲများ ပြုလုပ်ကြသလို မပြင်စေလိုသူများဘက်ကလည်း မပြင်ဆင်ရေး ဆန္ဒထုတ်ဖော်ပွဲများ ပြုလုပ်ခဲ့ကြသည်ကို သိကြမည် ဖြစ်သည်။ ၅၉(စ) ပြင်ရေး မပြင်ရေးဂယက်သည် အတော်ပင်လှိုင်းထန်ခဲ့ပြီး ထိုမှတဆင့် ပြင်လိုသူများက ခြေလှမ်းသစ်တစ်ရပ်အဖြစ် ပုဒ်မ ၄၃၆ ဘက်သို့ ဦးတည်လာခဲ့သည်ကို တွေ့ရမည် ဖြစ်သည်။
ပုဒ်မ ၄၃၆ သည် အဘယ်သို့နည်း။ ၂၀၀၈ ခုနှစ် အခြေခံဥပဒေတွင် အခန်း(၁၂)ဖွဲ့စည်းပုံ အခြေခံ ဥပဒေပြင်ဆင်ခြင်း အခန်းမှာ ပါဝင်သော ပုဒ်မ ၄၃၆ ပုဒ်မခွဲ(က)၌ ‘‘ဤဖွဲ့စည်းပုံ အခြေခံဥပဒေ၏ အခန်း(၁)ပုဒ်မ ၁ မှ ၄၈ ထိ၊ အခန်း(၂) ပုဒ်မ ၄၉ မှ ၅၆ ထိ၊ အခန်း(၃)ပုဒ်မ ၅၉၊ ၆၀ ၊ အခန်း(၄)ပုဒ်မ ၇၄၊၁၀၉၊ ၁၄၁၊ ၁၆၁၊ အခန်း(၅)ပုဒ်မ ၂၀၀၊ ၂၀၁၊ ၂၄၈၊ ၂၇၆၊ အခန်း(၆)ပုဒ်မ ၂၉၃၊ ၂၉၄၊ ၃၀၅၊ ၃၁၄၊ ၃၂၀၊ အခန်း(၁၁) ပုဒ်မ ၄၁၀ မှ ၄၃၂ ထိ၊ အခန်း(၁၂) ပုဒ်မ ၄၃၆ တို့ရှိ ပြဋ္ဌာန်းချက်များကို ပြင်ဆင် လိုလျှင် ပြည်ထောင်စုလွှတ်တော် ကိုယ်စားလှယ်အားလုံး၏ ၇၅ ရာခိုင်နှုန်းကျော်က ပြင်ဆင်ရန် သဘောတူလက်ခံပြီးနောက် ပြည်လုံးကျွတ် ဆန္ဒခံယူပွဲကျင်းပ၍ ဆန္ဒမဲပေးပိုင်ခွင့်ရှိသူအားလုံး၏ ထက်ဝက်ကျော်ဆန္ဒမဲဖြင့်သာ ပြင်ဆင်ရမည်’’ဟု ဆိုထားသည်။ တစ်ခါပုဒ်မခွဲ(ခ)၌ ‘‘ပုဒ်မခွဲ(က)တွင်ဖော်ပြထားသည့် ပြဋ္ဌာန်း ချက်များမှာအပ အခြားပြဋ္ဌာန်းချက်များကို ပြည်ထောင်စုလွှတ်တော်ကိုယ်စားလှယ်အားလုံး၏ ၇၅ ရာခိုင်နှုန်းကျော်ထောက်ခံ ဆန္ဒမဲဖြင့်သာ ပြင်ဆင်ရမည်’’ဟု ဆိုထား၏။ ထိုအချက်သည် ပုဒ်မ ၅၉(စ) ကိုပြင်ဆင်ရန်အတွက် တားဆီးထားသော ပုဒ်မဖြစ်သည်ဟု ပြင်လိုသူများက ယူဆထားသည်။ ၅၉(စ) ကို ပြင်နိုင်ဖို့ အတွက် ပုဒ်မ ၄၃၆ ကို အရင်ပြင်မှ ရမည်ဟု ပြင်လိုသူများက တွေးမိလာကြသည်။ ထို့ကြောင့် အစက ၅၉ မှ ၅၉ ဖြစ်နေရာမှ ၄၃၆ ဘက်ကို ခြေလှမ်းလှည့်လာခြင်းပင်ဖြစ်သည်။
ဖွဲ့စည်းပုံအခြေခံဥပဒေသည်ဒီမိုကရေစီ နိုင်ငံတစ်ခုအတွက် အသက်သွေးကြောပင် ဖြစ်သည်။ ထိုအခြေခံဥပဒေကို နိုင်ငံထဲရှိ အလွှာပေါင်းစုံမှ တတ်သိပညာရှင်များ စုပေါင်းရေးဆွဲထားခြင်းဖြစ်သလို ပြည်သူများ၏ ထောက်ခံမဲဖြင့် အတည်ပြု ပြဋ္ဌာန်းထားခြင်း ဖြစ်သည်။ ထိုအခြေခံဥပဒေထဲတွင် ပြည်သူများ အကျိုးအတွက် ပါသည်။ နိုင်ငံ့အကျိုးအတွက်ပါသည်။ သို့ဖြစ်၍ အခြေခံဥပဒေသည် အလွန်အရေးကြီးသည်။ ထို့ကြောင့် တစ်စုံတစ်ဦး သို့မဟုတ် တစ်သင်းတစ်ဖွဲ့၏ ပယောဂ ဖြင့် ဖွဲ့စည်းပုံကို ပြင်၍မရ ဖျက်ဆီး၍ မရအောင် ကာကွယ်ထားသည်။ ရှင်းရှင်းဆိုရသော် ပြည်သူအများ ထောက်ခံမှုဖြင့် ဖွဲ့စည်းထားသော အခြေခံဥပဒေ၏ အထက်တွင် မည်သူမျှ မရှိ။ ပြည်သူအားလုံးသာ ရှိသည်။ အခြေခံဥပဒေကို တစ်ဦး တစ်ယောက် တစ်သင်း တစ်ဖွဲ့ အတွက် ရေးဆွဲထားခြင်း မဟုတ်ဘဲ တစ်နိုင်ငံလုံး ပြည်သူအားလုံးအကျိုးကို ရှေးရှု၍သာ
ရေးဆွဲထားခြင်း ဖြစ်သည်။ ပြီးခဲ့သော မတ်လ ၂၇ ရက် က တပ်မတော်နေ့အခမ်းအနား တွင်လည်း တပ်မတော်ကာကွယ် ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်က ၂၀၀၈ ဖွဲ့စည်းပုံအခြေခံဥပဒေသည် လူပုဂ္ဂိုလ် တစ်ဦးချင်းအတွက်၊ ပါတီတစ်ခု အတွက်၊ အဖွဲ့အစည်းတစ်ခုအ တွက်၊ တိုင်းရင်းသားလူမျိုးစု တစ် ခုအတွက်၊ တပ်မတော်အတွက် ရေးဆွဲခဲ့ခြင်းမဟုတ်ကြောင်း ပြင် ဆင်ရန် လိုအပ်လာပါကလည်း ဖွဲ့စည်းပုံအခြေခံဥပဒေပြင်ဆင် ခြင်း အခန်း(၁၂)ပါ ပြဋ္ဌာန်းထား မှုများနှင့်အညီ ဆောင်ရွက်သွား ရမည်ဖြစ်ကြောင်း ပြောဆိုခဲ့သည်ကို တွေ့ရသည်။ မှန်ပါသည်။ သို့ ဖြစ်၍ မည်သူတစ်ဦး တစ်ယောက် အတွက်မှ အခြေခံ ဥပဒေကို ပြင်ဆင်ပေးရန် မလိုသလို အများအကျိုးအတွက် ပြင်ဆင်ရန် လိုအပ်လာပါကလည်း ပြည်သူအများစု၏ ထောက်ခံမှု ဖြင့်သာ ပြင်ဆင်နိုင်အောင် ပုဒ်မ ၄၃၆ ကို ထည့်သွင်းထားခြင်းဖြစ်သည်။ ဒီမိုကရေစီ စနစ်တွင် အများစု၏ တရားမျှတသော ဆန္ဒကို အနည်းစုက လက်ခံရမည်သာ ဖြစ်သည်ကို ပုဒ်မ ၄၃၆ က ပုံဖော်ထားခြင်း ဖြစ်သည်။
ဘောလုံးအသင်းတစ်သင်းသည် တစ်ဦးတစ်ယောက်ကို ကိုယ်စားပြုခြင်းမဟုတ်ဘဲ နိုင်ငံသို့မဟုတ် သက်ဆိုင်ရာ မြို့တစ်ခုကို ကိုယ်စားပြုသည် ဖြစ်သည်။ အများကို ကိုယ်စားပြုသော အသင်းတစ်ခုအပေါ်
ကစားသမားတစ်ယောက်က လွှမ်းမိုးလိုလာမှုကို မည်သည့် ပရိသတ်မှ လက်ခံမည် မဟုတ်ပေ။ အောင်မြင်မှုဆိုသည်ကလည်း လိုလားမည် မဟုတ်ပါ။ထို့ကြောင့်
အသင်း၏ အထက်တွင် မည်သည့်ကစားသမားမှမရှိ ဟူသော စကားပေါ်လာခြင်း ဖြစ်သည်။ ဖွဲ့စည်းပုံ အခြေခံဥပဒေသည်လည်း ပြည်သူအများက ထောက်ခံအတည်ပြုထားသည် ဖြစ်၍ တစ်ဦးတစ်ယောက် တစ်သင်းတစ်ဖွဲ့၏ လွှမ်းမိုးလိုလာခြင်းကို မည်သူမှ လက်ခံနိုင်မည် မဟုတ်သလို တစ်စုံတစ်ယောက် အကျိုးအတွက် ပြင်ဆင်ခြင်းကိုလည်း လက်ခံမည် မဟုတ်ပေ။ သမ္မတအရည်အချင်း ဖြစ်သည့် ပုဒ်မ ၅၉(စ) ဆိုသည်မှာလည်း မိမိနိုင်ငံကို မိမိလူမျိုးတို့သာ အုပ်ချုပ်လိုပြီး မည်သည့် သြဇာခံ လက်အောက်မှမရောက်ရအောင်ကြိုတင်ကာကွယ်ထားသော ပုဒ်မ သာဖြစ်၍ ထိုပုဒ်မအပေါ် မျိုးချစ်စိတ်ရှိသော မြန်မာလူမျိုးများကလည်း လက်ခံကြသည်။ ထိုသို့ အရေးကြီးသော ပုဒ်မ ၅၉ ကို ပုဒ်မ ၄၃၆ က ကာကွယ်ပေးထားကာ အမျိုးသားရေးအတွက် ရှေးရှု၍ ကာကွယ်ထားခြင်းသာ ဖြစ်၍ လက်ခံကြမည်သာ
ဖြစ်သည်။ အခြေခံ ဥပဒေက မည်သည့် ပုဒ်မကို မဆို ပြင်လိုလာသည် ဆိုပါကလည်း ပုဒ်မ ၄၃၆ ပါ ပြဋ္ဌာန်းချက်များအတိုင်း စနစ်တကျ ပြင်ရမည် ဖြစ်သည်။
အောင်မြင်သော အသင်းတစ်သင်းအပေါ်တွင် တစ်ဦးတစ်ယောက်တည်း ရှိခြင်းမဟုတ်ဘဲ
အားလုံး၏ ညီညွတ်မှု ကြိုးစားမှုတို့၏ ရလဒ်သာ ဖြစ်သည်။ တစ်ယောက်တည်းကိုသာ အားကိုးလွန်းသော၊ တစ်ယောက်တည်းကသာ မရှိမဖြစ်ဟုဆိုသော အသင်းသည် ထိုသူမရှိလျှင် အောင်မြင်မှုရမည် မဟုတ်ဘဲ
ကျရှုံးခြင်းသို့ ရောက်သွားနိုင်ပေသည်။ ထို့ကြောင့် အများအကျိုးအတွက် ရည်မှန်းရေးဆွဲထားသော အခြေခံဥပဒေကိုလည်း တစ်စုံတစ်ယောက်ကသာ လွှမ်းမိုးမည် ချုပ်ကိုင်မည် ချယ်လှယ်မည် ပြင်ဆင်ဖို့ ဖြည့်စွက်ဖို့ အခွင့်အရေးရှိမည်ဆိုပါက အခြေခံဥပဒေပါ အများအခွင့်အရေး အကျိုးစီးပွားများလည်း ပျက်စီးသွားနိုင်ပြီး နိုင်ငံတော်၏ လုံခြုံရေး အန္တရာယ်ကိုပါ
ထိခိုက်လာနိုင်သည်။ ထိုသို့ မဖြစ်ရအောင် နဂိုကတည်းက အများဆန္ဒဖြင့်သာ ထောက်ခံအတည်ပြုထားသော အခြေခံဥပဒေကို အများဆန္ဒဖြင့်သာ
ပြင်ဆင်နိုင်အောင် စနစ်တကျ ရေးဆွဲထားခြင်းဖြစ်သည်။ သို့ဖြစ်၍ အများ၏ဆန္ဒကို
ထင်ဟပ်စေယုံသာမက အခြေခံဥပဒေအထက်တွင် တစ်စုံတစ်ယောက် တစ်သင်းတစ်ဖွဲ့မရှိကြောင်း ပြသသည့်အပြင် အမျိုးသားရေးအတွက် အရေးကြီးသော ပုဒ်မ ၅၉ ကိုပါ တစ်မျိုးသားလုံး အကျိုးစီးပွားအတွက် ကာကွယ်ပေးထားသည့် ပုဒ်မ ၄၃၆ ကို ပြည်သူများကလည်း ကာကွယ်ရမည်သာ ဖြစ်သည်။
သီဟမြင့်အောင်
No comments:
Post a Comment