Tuesday, January 28, 2014

သည်နှစ်ချက်နဲ့တင် ကျေးဇူးတင်ဖို့ကောင်းပါပြီ

From : https://www.facebook.com/photo.php?fbid=264417723722225&set=a.111179099046089.21550.
100004619984171&type=1 မြန်မာအင်ပါယာတွင် ထေရ၀ါဒ ဘယ်ကစဟု တိတိပပပြောဆိုရရင် ပုဂံခေတ် အနော်ရ ထာမင်းလက်ထက်က စသည်ဟုဆိုနိုင်သည်။ နဂိုမူလကြီးစိုးနေကြသော အရည်းကြီးများ ၏ ရေငုပ်၊မီးလှုံ၊တုံးခုံ၊ဇယ်ခတ် မိစ္ဆာအယူ တစ်ရပ်ကို ဖယ်ရှားသုတ်သင်၍လည်းကောင်း ၊သထုံဘုရင် မနူဟာမင်းထံမှ ပိဋကတ်သုံးပုံကို ပင့်ဆောင်၍ ဗုဒ္ဓသာသနာကို စည်ပင်ပြန့်ပွားစေခြင်း ဖြင့်လည်းကောင်း အားတက်သရော် သာသနာပြုခဲ့ခြင်းကြောင့် ထိုခေတ်အခါမှစ၍ သာသနာနေလ ထွန်းပခဲ့သည်မှာယနေ့ထက်တိုင်ပင်ဖြစ်သည်။ခေတ်စကားအရဆိုသော်ဗိုလ်ချုပ်မှူးကြီး အနော်ရထာနှင့် မြန်မာ့တပ်မတော်၏ကျေးဇူးကြောင့် စစ်မှန်သော ဗုဒ္ဓအရိပ်အာဝါသအား မြန်မာပြည်သူပြည်သားများ စတင်နားခိုခံစားခွင့်ရသည်ဟု ဆိုနိုင်သည်။နောက်တစ်ချက်အနေဖြင့် ကွန်မြူနစ်ကာလက ဖြစ်သည်။တရုတ်ပြည်၌ မော်စီတုံးနှင့် ကွန်မြူနစ်ပါတီ ကြီးစိုးနေချိန် အိမ်နီးချင်း မြန်မာနိုင်ငံတွင်လည်း ကွန်မြူနစ်ဝါဒ ခေါင်းထောင်ထလာသည်။ အစိုးရနှင့်စဉ်ပြိုင် တုဖက်နိုင်သည်ထိအင်အားကြီးမားလာသော ကွန်မြူနစ်တို့သည် တောင်ငူမှစ၍ မြန်မာပြည်အထက်ပိုင်းတစ်ပိုင်းလုံးကို သိမ်းယူရန်၊ထိုမှတစ်ဆင့် လွတ်မြောက်မြောက်သော နယ်မြေအဖြစ် ကမ္ဘာသို့ ကြေညာရန် ၊ထို့မှတစ်ဆင့် တရုတ်ကွန်မြူနစ်ပါတီက မြန်မာပြည်သို့စိမ့်ဝင် အခြေချရန် အကွက်ချစီမံခဲ့ပြီး နိုင်ငံရေးနှင့်စစ်ရေးလမ်းနှစ်သွယ်ကို တစ်ပြိုင်တည်းတွဲကာ နေရာအနှံ့အပြား၌ တိုက်ကွက်ဖော်ခဲ့ပြီး အစောပိုင်းတွင် အသာစီးရခဲ့သည်။

ထိုသို့အခက်ကြုံစဉ်တွင် တပ်မတော်သည် ရင်မြေကတုတ်လုပ်ကာ ကွန်မြူနစ်များကို သုတ်သင်ချေမှုန်းခဲ့ရသည်။ထိုစဉ်က မြန်မာပြည်ကို ကွန်မြူနစ်များလက်မှ အသက်သွေးချွေး များစွာပေးကာ ကာကွယ်ခဲ့သော တပ်မကြီးများဖြစ်သည့် တပ်မ၇၇နှင့် တပ်မ၉၉ကို ဖျာစုတ်ကြီးနှစ်ချပ်ဖြင့်ဟု ဆိုစမှတ်ပြုခဲ့ရသည်။၎င်းဖျာစုတ်ကြီးနှစ်ချပ်သည်ပင်လျှင် မြန်မာ့သမိုင်းစဉ်တွင် ဂန္တ၀င်အဖြစ် စံတင်ရစ်ခဲ့သောတပ်မများဖြစ်ကြသည်။
အကယ်၍သာ ကွန်မြူနစ်တို့ စစ်ရေးအသာရ၍ ရည်ရွယ်ချက်ထမြောက်အောင်မြင်ပါက မြန်မာပြည်၌ သာသနာကပ်ဆိုက်သည်အထိ ဖြစ်နိုင်သည်။

ကွန်မြူနစ်တို့သည် မြန်မာနိုင်ငံ၏အထင်ကရဘုရား၂ဆူမှ ရွှေများကို အရည်ကြို၍ ပြည်သူ့ရံပုံငွေလုပ်မည်ဟု ကြွေးကြော်ခဲ့သူဖြစ်သည်။ပဲခူးရိုးမဘက်ခြမ်းတွင် သိက္ခာချမှ လိပ်ပြာလှမည်ဆိုကာ ဘုန်းကြီးနှင့် မယ်သီလ အတူတွဲကစေသည်အထိ စည်းလွတ်ဘောင်လွတ်လုပ်ခဲ့သူများဖြစ်သည်။မိဘဆိုတာမရှိ၊သူတို့ ကမြင်းကြောထ၍ လူဖြစ်လာရသည်ဟု စွပ်စွဲနှုတ်သရမ်းခဲ့သည်အထိ ယုတ်ကမ်းခဲ့သူများဖြစ်သည်။မိဘရင်းကိုပင် အရင်းရှင် ဖောက်ပြန်ရေးသမားဟု သမုတ်၍ ၀ါးရင်းတုတ်ဖြင့်လည်မြိုရိုက်သတ်ခဲ့သည်အထိ ကြမ်းကြုတ်ခဲ့ကြသူတွေဖြစ်သည်။ထိုသို့သော ကံကြီးထိုက်သည့်အပြုအမူ၊အယူအဆ၊၀ါဒများကြောင့် မြန်မာပြည်တွင် ကွန်မြူနစ်ဝါဒဆိတ်သုဉ်းခဲ့ရသည်ဟုလည်း ကောက်ချက်ချနိုင်ပေသည်။

ထိုသို့ ဗုဒ္ဓသာသသနာ ကွယ်ပနိုင်သည့် မိစ္ဆာဒိဌိတို့၏ဘေးမှ ကင်းဝေးအောင် တပ်မတော်ကပင်စွမ်းဆောင်ခဲ့လေသည်။တပ်မတော်၏နဂါးမင်း၊ရန်ကြီးအောင်စသော ဘင်္ဂါလီစစ်ဆင်ရေးများနှင့် နောက်ပိုင်းအခြားအခြားသော ပြုမူဆောင်ရွက်ချက်များကို မဆိုထားဘိ။

အထက်တင်ပြပါ ၂ချက်ကို ထောက်ဆကြည့်လျှင်ပင် အမျိုး၊ဘာသာ၊သာသနာတွက် တပ်မတော်၏ဆောင်ရွက်ချက်များကို အလွန်ကျေးဇူးတင်စရာ ကောင်းလှပေပြီ။

(မော်ကွန်းဝင်စစ်သားဟောင်းကြီးတစ်ဦးနှင့် စကားစမြည်ပြောဆိုရာမှ ရရှိလာသော အတွေးစများ)
  

No comments:

Post a Comment