Saturday, September 28, 2013

NLDငွေရတုပွဲတွင် တက်ကြွလှုပ်ရှားသူ မစုစုနွေး မောင်းထုတ်ခံရ


မစုစုနွေး ရုံးရှေ့တွင်တားဆီး၊ အဖယ်ရှား ခံနေရစဉ်၊ ဓာတ်ပုံ- Su Su Nway

စက်တင်ဘာလ ၂၇ ရက်နေ့မှာ ကျရောက်တဲ့ အမျိုးသား ဒီမိုကရေစီအဖွဲ့ချုပ် ပါတီ တည်ထောင်ခြင်း ၂၅ နှစ်ပြည့် ငွေရတု အခမ်းအနားကို ရန်ကုန်မြို့ ရွှေဂုံတိုင် ပါတီရုံးချုပ်မှာ စည်စည်ကားကား ကျင်းပခဲ့ ပါတယ်။
အဲဒီအခမ်းအနားကို NLD ပါတီမှာ တက်တက်ကြွကြွ လူ့အခွင့်အရေး၊ လယ်သမားအရေး တက်ကြွ လှုပ်ရှားတဲ့ ထန်းမနိုင်ရွာသူ မစုစုနွေးက တက်ခွင့် မရခဲ့ဘူးလို့ သူ့ရဲ့ ဖေ့စ်ဘုတ်မှာ ရေးသား ထားပါတယ်။
ဘာကြောင့်များ မစုစုနွေးဟာ NLD ပါတီ ရဲ့ မွေးနေ့ပွဲ တက်ခွင့်မရတာလဲ၊ ဒီလို တက်ခွင့်မရလို့ မစုစုနွေး ဘာတွေ ပြောထားလဲဆိုတာ...
"ဒီနေ့ကျရောက်တဲ့အမျိုးသားဒီမိုကရေစီအဖွဲ့ချုပ် နှစ်ဆယ့်ငါးနှစ့်ပြည့် ငွေရတုအခမ်းအနားကို ကျွန်မ သွားပါတယ်။ 1990 ခုနှစ်၊ အသက်(၁၈)နှစ် ပြည့်ကတည်းက ဝင်ရောက်ခဲ့တဲ့ ပါတီ။ ကျွန်မဘဝရဲ့ အချိန် ထက်ဝက်ကျော် ပေးဆပ်ခဲ့တဲ့ ပါတီ။ စစ်အစိုးရရဲ့ ဖိနှိပ်မှုအမျိုးမျိုးကို ကျွန်မတတ်စွမ်းနိုင်သလောက် အတူတူ ရုန်းကန်ရင်ဆိုင်ခဲ့ရတဲ့ ပါတီမို့ ကျွန်မနဲ့လည်း သက်ဆိုင်တယ်လို့ ယူဆပြီး သွားရောက်ခဲ့တာပါ။ အတူတူ လက်တွဲ ရင်ဆိုင်ခဲ့ဖူးကြတဲ့ သူငယ်ချင်းတွေ၊ ရဲဘော်ရဲဘက်တွေနဲ့ ဆုံဆည်းချင်တာလည်းပါ ပါတယ်။ ဒါပေမဲ့ အခန်းအနားကျင်းပတဲ့ အရှေ့နားမှာတောင် ကျွန်မ ရပ်ခွင့်မရခဲ့ပါဘူး။ ကျွန်မ မသိတဲ့၊ ကျွန်မကိုလည်း မသိတဲ့ ပါတီဝင် လုံခြုံရေးတာဝန်ကျတွေက ခန်းမထဲကို ဝင်ခွင့်မပေးတဲ့အပြင်၊ အရှေ့မှာ လာ မရပ်ဖို့တောင် တားဆီးဖယ်ရှားခဲ့ကြပါတယ်။ ဒါ့ကြောင့် NLD ငွေရတုပွဲကို ပါဝင်ဆင်နွှဲ ခွင့်မရခဲ့ပါဘူး။ 1990 ကတည်းက ပါတီနဲ့အတူ တက်ကြွစွာ လှုပ်ရှားခဲ့ကြ သူတွေ အတော်များများလည်း ကျွန်မလိုပဲ ဝင်ခွင့်မရခဲ့ကြပါဘူး .... ။

No comments:

Post a Comment