Monday, September 23, 2013

နျူကလီးယားဗုံး မတော်တဆပေါက်ကွဲမည့်ဘေးမှ အမေရိကန် လက်မတင်လေးလွတ်မြောက်ခဲ့


Monday, September 23, 2013
အမေရိကန်နိုင်ငံတွင် မတော်တဆဖြစ်ရပ်တစ်ခုကြောင့်မီဂါတန်၎အဆင့်ရှိ နျူကလီးယားဗုံးပေါက်  ကွဲမည့် ဘေးအန္တရာယ်ဆိုးကနေသီသီလေးလွတ်ခဲ့ကြောင်းအစိုးရ၏လျှို့ဝှက်အဆင့်  လျှော့ချလိုက် သည့် မှတ်တမ်းသစ်အရ အတည်ပြုသိရှိရကြောင်း ဘီဘီစီသတင်းတွင် စက်တင် ဘာ ၂၂ ရက်

က ဖော်ပြသည်။
၁၉၆၁ခုနှစ် ဇန်နဝါရီ ၂၃ ရက်က မြောက်ကယ်ရိုလိုင်းနားပြည်နယ်တွင် Mark 39 နျူကလီးယား ဗုံးနှစ်လုံး တင်ဆောင်လျက် B-52 လေယာဉ်တစ်စင်း ပုံမှန်လေ့ကျင့်ပျံသန်းစဉ် အထိန်းအချုပ် မဲ့သွားခဲ့ရာ ဝေဟင်တွင် ပတ်ချာလည်ဝေ့ဝိုက်နေခဲ့ကြောင်း၊ ယင်းကြောင့် နျူကလီးယားဗုံးနှစ်လုံး အထိန်းအကွပ်မှ ပြုတ်ထွက်ကာ ဂိုးစဘောရိုဒေသသို့ ပြုတ်ကျခဲ့ကြောင်း ဂါးဒီးယန်းသတင်းစာ က ဖော်ပြသည်။
ပြုတ်ကျခဲ့သော ဗုံးနှစ်လုံးတွင် တစ်လုံးမှာ စက်ပိတ်ထားသော်လည်း ကျန်တစ်လုံးမှာ မူရန်သူ ပစ် မှတ် ကို ချိန်ရွယ်ပစ်ခတ်ဟန်စစ်ရေးဆင်ထားသည့် စက်ဖွင့်လျက်သား ဗုံးဖြစ်ကြောင်း ယခု မှတ် တမ်းကို ဦးစွာရရှိခဲ့သူ ဂျာနယ်လစ်အီရစ်ရှာလိုဆာက ဆိုသည်။
''အဲဒီဗုံးသာ ပေါက်ကွဲသွားမယ်ဆိုရင် သမိုင်းလမ်းကြောင်းဟာ တစ်ဆစ်ချိုးပြောင်းလဲသွားမှာပဲ။ ဗုံးရဲ့ ခလုတ်လေးတစ်ချက်ကို အချိန်မီ ပိတ်လိုက်နိုင်လို့သာ တကယ့်ကပ်ဘေးက လက်မတင်လေး လွတ်မြောက်သွားခဲ့ရတာပါ''ဟု အီရစ်က ပြောကြားသည်။
အဆိုပါဗုံးများသည် ဟီရိုရှီးမားနှင့် နာဂါဆာကီမြို့များကို ကြဲချခဲ့သည့် အဏုမြူဗုံးများ ထက် ပြင်း အား အဆ ၂၆ဝ ပိုပြင်းသည်။အမေရိကန်အစိုးရက မတော်တဆဖြစ်ရပ် ကိုဝန်ခံ ဖူးသော်လည်း ဗုံးပေါက်ကွဲခါနီးထိ ဖြစ်ခဲ့သည်ကိုမူ ပြည်သူသို့ အသိပေးခြင်းမရှိခဲ့ကြောင်း သိရသည်။
သတင်းနှင့်စာနယ်ဇင်းလုပ်ငန်း
Source: Myawady News

No comments:

Post a Comment