Friday, September 27, 2013

ဇာဂနာ ကျန်းမာရေး ဆိုးရိမ်ရ၊

လူရွှင်တော် ဇာဂနာ (ဦးသူရ) ဟာ မနေ့ည
က အဆုတ်ရောင်ရမ်းပြီး အမော
ဖောက်လာတာကြောင့် နေအိမ်မှာ ဆေးကု

သမှု ခံယူနေရတယ်လို့ ဦးဇာဂနာ အနားမှာ 
အနီးကပ် ပြုစုပေးနေတဲ့ ကိုဇော်သက်ထွေးက
 ပြောပါတယ်။
Sky Net ရုပ်သံလိုင်း က ထုတ်လွှင့်နေတဲ့ လူရွှင်တော်ပြိုင်ပွဲ အတွက် အလုပ်ကိစ္စတွေနဲ့ ပင်ပန်းပြီး မနေ့ညက အိမ်အပြန်

မှာ အမောဖောက် နေခဲ့တာကြောင့် အရေးပေါ် ဆရာဝန် ခေါ်ယူကုသနေရတယ်လို့ သိရပါတယ်။ 
ဦးဇာဂနာက သူရဲ့ သားဖြစ်သူမောင်ဉာဏ်ကောင်း နဲ့ တာမွေမြို့နယ်က အိမ်မှာ နေထိုင်ပြီး ကျန်တဲ့မိသား

စုဝင်တွေ ကတော့ အမေရိကားမှာ ရှိနေတာ ဖြစ်ပါတယ်။
“ညကတည်းက ဖြစ်နေတာ ဘယ်သူမှ မသိလိုက်ဘူး။ မနက်မှာ သိရတော့ အဆုတ် က တော်တော်ရောင်နေပြီ။ အခု အိမ်မှာပဲ ဆရာဝန်ခေါ်ပြီး ကုသနေတုန်းပေါ့။ အဆုတ်ထဲက ချွဲတွေ ထုတ်ပစ်နေရတာ ရေဖလား နှစ်လုံးစာတောင် ရတယ် အခြေအနေကို စောင့်ကြည့်နေ တယ်။ ဒီနေ့ အခြေအနေ ဆိုးလာတယ် ဆိုရင်တော့ ဆေးရုံကို မဖြစ် ဖြစ်အောင် တင်မယ်၊ မဆိုးဘူး ဆိုရင်တော့ အိမ်မှာဘဲ ဆက်ကုသမယ်လို့ အကြမ်းဖျဉ်း ဆုံးဖြတ်ထားတယ်” လို့ ကိုဇော်သက်ထွေးက ပြောပါတယ်။ဇာဂနာရဲ့ လက်ရှိ ကျန်းမာရေး အခြေအနေကတော့ အဆုတ်မှာ ချွဲတွေ ပိတ်ဆို့နေတာကြောင့် အသက်ကို ခက်ခက်ခဲခဲ ရှုနေရပြီး အောက်ဆီဂျင်
ပေးထားရတယ်လို့ သိရပါတယ်။





No comments:

Post a Comment