ထားရှိသင့်သော အမျိုးသားရေးသတိနှင့် လူ့အခွင့်အရေးအသိ

တရားဥပဒေစိုးမိုးမှုရှိမှ တည်ငြိမ်အေးချမ်းမှုရှိမည်။ တည်ငြိမ်အေးချမ်းမှုရှိမှ ဖွံ့ဖြိုးတိုးတက်မည်ဆိုတဲ့ စကားရပ်၏ဆက်စပ်မှုကို မည်သူမှ ငြင်းဆိုမည်မဟုတ်ပါ။ ထို့ကြောင့် နိုင်ငံသားများ ကိုယ်စိတ်နှစ် ပါးမြင့်မားတက်ကြွတဲ့ခံစား မှုတွေရရှိနိုင်ဖို့ ခေတ်မီဖွံ့ဖြိုးတိုးတက်သည့် 

 နိုင်ငံတော် ကြီးဖြစ်စေ ဖို့ရာ နိုင်ငံတိုင်းမှာ တည်ငြိမ်အေးချမ်းပြီး တရား ဥပဒေစိုးမိုးစေရန် မဖြစ်မနေလိုအပ် ပါတယ်။ မြန်မာနိုင်ငံတော်ကြီးတွင် တိုင်းရင်းသားမျိုးနွယ်စုပေါင်း ၁၀၀ ကျော်ခန့် မှီတင်းနေထိုင်ကြပြီး ထိုအထဲမှာ လူမျိုးနွယ်စုအလိုက် အသားအရောင်၊ ရုပ်ရည်၊ ဟန်ပန်၊ အစားအသောက်၊ ကိုးကွယ်မှုဘာသာ၊ အယူဝါဒ၊ ယဉ်ကျေးမှု ဓလေ့ထုံးစံ၊ စကားအသုံးအနှုံးတို့သည်လည်း များစွာကွဲပြားနေမှာ ကို တွေ့ရ မည်ဖြစ်ပါတယ်။ ဤကဲ့သို့ အမျိုးမျိုးသော ကွဲပြားမှုများစွာကြောင့် ပေါင်းစည်း၍ မရနိုင်ဟုလည်း မသတ် မှတ်နိုင်ပါ။ ဘယ်လို ပင်ကွဲပြားနေပါစေ ညှိနှိုင်းပူးပေါင်းဆောင်ရွက်မှုနဲ့ စည်းလုံးညီညွတ်မှုကို တည်ဆောက်နိုင်ခဲ့သော သာဓက များစွာ ကမ္ဘာမှာရှိပြီးသားဖြစ်ပါတယ်။ မတူညီတာတွေရှိကြပေမဲ့ အသက် ရှင်ရပ်တည်နေထိုင်ကြရတဲ့ ဘဝတွေမှာ တူညီတာတွေကို ကျစ်လျစ်တဲ့စည်းလုံးမှုနဲ့ စိန်ခေါ်မှုများမှ စွမ်းအားစုတစ်ခုအဖြစ် တည်ဆောက်နိုင်လျှင်အကောင်းဆုံး မဟုတ်ပါလား။

        
မြန်မာနိုင်ငံ၏ ရေမြေသယံဇာတနှင့် ရာသီဥတု အခြေအနေတွေဟာ လွန်ကဲဆိုးရွားတဲ့ အပျက်ဘက်ကိုမခံစား ရသည့်အပြင် ရလာဒ်ကောင်းများကိုဖြစ်ပေါ်စေတဲ့ အရင်းအမြစ်များစွာရှိနေတာကြောင့် အမှန်တစ်ကယ် သာ စည်းလုံးကြမယ်ဆိုရင် အရှေ့တောင်အာရှ၊ အာရှတွေမဆိုထားနဲ့ ကမ္ဘာမှာထိပ်တန်း ဆိုတဲ့အဆင့်ထိရနိုင်ဖို့ အခြေအနေ တွေရှိနေတာပါ။ ဒါပေမဲ့လည်း လူမျိုးရေး၊ ဘာသာရေး၊ နိုင်ငံရေး၊ စီးပွားရေး အခြေအနေများကိုအခြေခံပြီး လိုရာ ဆွဲယူလို့ အတ္တတွေ၊ မာန်မာနတွေ နဲ့အချင်းချင်း တိုက်ခိုက်ခဲ့ကြတာ နှစ်ပေါင်းကြာခဲ့သော်လည်းလမ်းမှန်ကိုသိလျက်နဲ့ ပန်းတိုင်ကို မရောက်နို င်သေး ဖြစ်နေတာမဟုတ်ပါလား။ မတူတာတွေဘေးဖယ်ပြီး တူညီတာတွေ လက်တွဲလုပ်ဖို့ ဆိုတာ အခြေခံအားဖြင့် လူသားတိုင်းရဲ့လူ့အခွင့်အရေးနှင့်ချိန်ထိုးပြီး ဥပဒေကိုလိုက်နာကြဖို့ အဓိက လိုအပ်ပါတယ်။ လူသားအားလုံး၏ မွေးရာပါဂုဏ်သိက္ခာနှင့် တန်းတူညီမျှရှိပြီး ဖယ်ရှားထုတ်ပယ်၍မရသော အခွင့်အရေးများကို အသိ အမှတ်ပြုခြင်းသည် ဤကမ္ဘာပေါ်တွင် လွတ်လပ်မှု၊ တရားမျှတမှုနှင့် ငြိမ်းချမ်းမှုတို့အတွက် အခြေခံအုတ်မြစ်ပင်ဖြစ် ပါတယ်။

        
သြစတြီးယားမြောက်ပိုင်းမှာ မွေးဖွားခဲ့တဲ့ သြစတြီးယား-ဂျာမန်လူမျိုး ဟစ်တလာဟာငယ်စဉ်ဘ၀ကတည်းက ပန်းချီဆွဲတာကို လွန်စွာဝါသနာပါခဲ့ရာက ၁၉၀၃ ခုနှစ်၊ သူ၏အဖေကွယ်လွန်သွားတဲ့နောက် စက်မှု သင်တန်း ကျောင်းကနေထွက်ပြီး သူဝါသနာပါရာ ပန်းချီသင်တန်းကျောင်း ကို ပြောင်း ဖို့ကြိုးစားခဲ့ရာမှာ Vienna မြို့က ယဉ်ကျေးမှုတက္ကသိုလ်ဝင်ခွင့် စာမေးပွဲမအောင်မြင် ခဲ့တဲ့အတွက် ပန်းချီဆရာ တစ်ယောက်ဖြစ်ဖို့ အရည်အချင်းမရှိဘူး ဆိုပြီး ငြင်းခံခဲ့ရပါတယ်။ သူ့ကိုအဲဒီ လိုငြင်းလိုက် တဲ့ ကျောင်းအုပ်ချုပ်သူတွေက ဂျူးလူမျိုးတွေဖြစ်တဲ့အတွက် ဟစ်တလာရဲ့ ဂျူးလူမျိုး မုန်းတီးရေး စတင်ပေါက်ဖွားလာရာကနေ သူအာဏာ ရရှိချိန်မှစပြီး ကမ္ဘာစစ်ကြီးကာလ အတွင်း ဂျူးလူမျိုးတွေကို နည်းမျိုးစုံနဲ့ သုတ်သင်ရှင်းလင်းခဲ့ပါတယ်။ ဂျူးလူမျိုးစုတစ်ခုလုံး မျိုးဆက်မကျန်အောင် သုတ်သင် ရှင်းလင်းခဲ့ပုံက ရက်စက်ပြီး အဓိပ္ပါယ်မဲ့နေပေ မယ့်လည်း သူ့အတွက်တော့ သူဟာ ဂျာမန်လူမျိုးတွေ တိုးတက်ဖို့၊ ဂျာမန်လူမျိုး သန့်စင်ဖို့ အတွက်လုပ်တယ်လို့ ယုံကြည်ခံယူပြီး သတ်ဖြတ်နေ ခဲ့တာ ဖြစ် ပါတယ်။ အကြွင်းမဲ့ အာဏာရှင်စနစ်နဲ့ လူမျိုးတုံးသတ်ဖြတ်မှုကြီးဟာ များစွာသောလူများ  အတိ ဒုက္ခခံစားခဲ့ရပြီး ဂျူးလူမျိုး ၆ သန်းကျော် သေဆုံးခဲ့ကြပါတယ်။ မည်သို့ဆိုစေ ဥရောပတိုက် ကြီးတစ်ခုလုံးနီးပါး စိုးမိုးသိမ်း ပိုက်နိုင်ခဲ့ပေမဲ့လည်း ဟစ်တလာ သေဆုံးသွားပြီးနောက် ချိနဲ့ပြိုကွဲသွားခဲ့တဲ့ တိုင်းပြည်ဘ၀ကနေ ယနေ့ဂျာမ နီနိုင်ငံအခြေအနေဟာ လူမျိုးတုံးသတ်ဖြတ်မှုကို လက်မခံသော လူသားတို့၏ လူ့အခွင့် အရေးနှင့်အညီ နေထိုင်နိုင်ရေးအတွက် ထိရောက်သောကြိုးပမ်းဆောင်ရွက်မှု များနှင့် ရပ်တည်ပြီး အင်အားတောင့်တင်းသော ဖွံ့ဖြိုးပြီးနိုင်ငံတစ်ခုဖြစ်နေပြီဆိုတာဟာ လူမျိုးရေးအခြေခံတဲ့ ဟစ်တလာ ၀ါဒ မှန်တယ် မှားတယ်ဆိုတာ သက်သေပြနေတာဖြစ်ပါတယ်။

         
လွန်ခဲ့သောအနှစ်တစ်ရာခန့်မှစပြီး အမေရိကန်နိုင်ငံမှာ လူဖြူ ၊ လူမည်း ပြဿနာ၊ လူမျိုးရေးပြဿ နာများအကြီးအကျယ်ရှိခဲ့ဘူးပါတယ်။ အာဖရိကတိုက်မှ ကျွန်အဖြစ်ဖမ်းဆီးခံရသော လူမည်းများဟာ လွတ်လပ်ရေးရသော် ငြားလည်း ကဲ့ရဲ့၊ ညှင်းပန်းနှိပ်စက် ခွဲခြားဆက်ဆံမှုတွေကြောင့် အသားမည်းတစ်ချို့ လက်နက်ဆွဲကိုင်ပြီး တော်လှန် ရန်ကြိုးစားနေချိန်မှာ ဒေါက်တာ မာတင်လူသာကင်း ဟာ နူးညံ့ သိမ်မွေ့သော နည်းလမ်းကို အခြေခံပြီး လူထုကို ဦးဆောင်ခဲ့ပါတယ်။ ၁၉၅၅-၅၆ ခုနှစ်များ၌ Alabama ပြည်နယ် Montgomery မြို့တွင် လူမည်းများဘတ်စ်ကား မစီး၊ ခြေလျင် ပဲလျှောက်သွားခဲ့ကြပါတယ်။ ဤကဲ့သို့ ပြုမူခြင်းအားဖြင့် မျက်နှာဖြူများကို စိတ်ထိခိုက်စေခဲ့တယ်။ မာတင် လူသာကင်း၏ အဆိုမှာ ‘‘ ငါတို့မျက်နှာဖြူများကို မမုန်းပါ၊ ရန်မူရန်မဟုတ်၊ ငါတို့၏ရန်သူသည် မျက်နှာဖြူများ မဟုတ်၊ သူတို့အထဲ၌ ရှိသော စိတ်နေသဘောထားသာလျှင် ဖြစ်သည်။  မကောင်းမှုကို မကောင်းမှုနှင့်ပင် အနိုင် မယူနိုင်ပါ။ ’’ ဟူ၍ဖြစ်ပါသည်။ မည်သို့ဆိုစေ လူဖြူလူမည်း ပဋိပက္ခဆိုးရွားစွာဖြစ်ပွားခဲ့သည့် အမေရိကန်နိုင်ငံကြီး၏ ယနေ့အချိန်ကား ရေးသားဖော်ပြရန်ပင် လိုမည်မထင်ပေ။

         
ဒီအခြေအနေအရပ်ရပ်များသည် အားလုံးမြင်လွယ်သည့် နိုင်ငံကြီးများမှ ဖြစ်ရပ်များ သာဖြစ်ပြီးအမျိုးမျိုးကွဲပြားမှုများ၏ နောက်ဆုံးအခြေအနေတွင် စုစည်းမှု အင်အားရပ်များ အဖြစ် ပြောင်းလဲ သွားခဲ့ကြသော အခြားနိုင်ငံ များ၏ ဖြစ်စဉ်သာဓကများစွာ သမိုင်းတွင်မှတ်တမ်းတင် လျက်ရှိနေပါ တယ်။ ရှေးမြန်မာဘုရင်များ လက်ထက်တွင်လည်း လူ့အခွင့်အရေးဆိုင်ရာတန်ဘိုးအဖြစ် ဘာသာရေး ကိုလွတ်လပ်ခွင့်ပေးခဲ့သည်။ လူမျိုးဘာသာ ခွဲခြားခြင်းမပြုဘဲ ချီးမြှင့်မြောက်စားထိုက်သူများ ကို နေရာပေး အသိအမှတ်ပြုခြင်းများ ဆောင်ရွက်ခဲ့သည့် သာဓကများစွာရှိခဲ့သည်။ အနောက်ဘက် လွန်မင်း ကလည်း ပေါ်တူဂီနယ်ချဲ့ ငဇင်ကာကိုကွပ်မျက်ပြီး သံလျင်ကို သိမ်းယူခဲ့ရာတွင် သုံ့ပန်း များကို ကွပ်မျက်ခြင်းမပြုဘဲ ချင်းတွင်းမြစ်ကမ်းအမြင့်မြို့သို့ နေရာချပေးခဲ့သေးသည်။ ဘာသာရေးကိုရော၊ လူမျိုးရေးပါ နှိပ်ကွပ်ခြင်းမပြုခဲ့ပေ။ ကုန်းဘောင်မင်းများသည်လည်း အိန္ဒိယအရှေ့ဖျားပြည်နယ်များကို သိမ်းပိုက် ခဲ့သည့်တိုင် သုံ့ပန်းများကို မန္တလေးတ၀ိုက် တွင် နေရာချပေးယုံမျှမက သင့်လျော်ရာ တာဝန်ပေး၍ မင်းမှုထမ်းစေခဲ့ သည်မှာလည်း တန်းတူညီမျှသောလူသားတန်ဘိုးဆိုင်ရာပြယုဂ် များပင်ဖြစ် သည်။

ရည်မှန်းချက်တစ်ခု အောက်တွင် ဘာသာလူမျိုးမခွဲဘဲ ညီညွတ်သည့် အင်အားကြော င့် မြန်မာပြည်ကြီးလွတ်လပ်ရေးရခဲ့သည်မှာလည်း မည်သူမျှမငြင်း နိုင်သည့်ကိစ္စဖြစ်သည်။ ဤသို့ဆို လျှင် မြန်မာနိုင် ငံသားတို့သည် ဘာသာလူမျိုးမခွဲဘဲ တန်းတူညီမျှသော အခြေခံစိတ် ထားရှိ သူများဖြစ်ကြောင်း ထင်ရှားပါသည်။ မည်သည့်ဘာသာတွင်မဆို လူသားတစ်ဦးနှင့်တစ်ဦး လူသားချင်း စာနာ ထောက်ထားစွာ ဆက်ဆံရန်နှင့် လူသားသည် အမြင့်မြတ်ဆုံးဖြစ်သည့်အတွက် လူသားတို့၏ တန်ဖိုး၊ ဂုဏ်သိက္ခာ ကို လေးစားတန်ဖိုး ထားသင့်ကြောင်းတို့ကို သွန်သင်ဆုံးမထားသည်။ ကွဲပြားသောဘာသာ အသီးသီးတိုင်းတွင် ထိုကဲ့ သို့သော တူညီသည့်သဘောတရားမျိုးရှိနေခြင်းကြောင့် လူ့အခွင့်အရေး ဆိုသည်မှာ လူသားတိုင်း အတွက် ဖြစ်သည် ဟူသော အခြေခံအချက်များသည် ဘာသာ တရားတိုင်းတွင် မူလအစကတည်းက အမြစ်တွယ်ကိန်းအောင်းနေသည်ဟု ဆိုနိုင်သည်။ ထိုအချက် များကြောင့်ပင်လျင် ၁၉၄၆ ခုနှစ်တွင် ကုလသမဂ္ဂကဖွဲ့စည်းခဲ့သော လူ့အခွင့်အရေးကော် မရှင်က နေ၍ ကုလသမဂ္ဂ ပဋိညာဉ်စာတမ်း တွင်ပါဝင်သောလူ့အခွင့်အရေးနှင့် လွတ်လပ်ခွင့်ဟူသော အဓိပ္ပါယ်များကို ဖွင့်ဆို ရှင်းပြနိုင်မည့် အပြည်ပြည်ဆိုင်ရာ လူ့အခွင့်အရေးကြေညာ စာတမ်း ကို ပြင်ဆင်ရေးဆွဲခဲ့သည်။ ၁၉၄၈ ခုနှစ်၊ ဇွန်လတွင် ထိုကြေညာစာတမ်းကို အပြီးသတ်နိုင်ခဲ့ပြီး ဒီဇင်ဘာလ ၁၀ ရက်နေ့တွင် ပြင်သစ်နိုင်ငံ ပဲရစ်မြို့တွင် ကျင်းပခဲ့သော ကမ္ဘာ့ကုလသမဂ္ဂအထွေထွေ ညီလာခံကနေ၍ ထိုကြေညာစာတမ်းကို အတည်ပြုပြ​​ဌာန်းနိုင်ခဲ့သည်။ ထိုစာတမ်းကို မြန်မာနိုင်ငံကလည်း လက်မှတ်ရေးထိုးပြီး တလေး တစား လိုက်နာလျက်ရှိသည်။

         
မြန်မာနိုင်ငံသူ၊နိုင်ငံသားများနှင့် ဒီမိုကရေစီအရေး လှုပ်ရှားတောင်းဆိုနေသူများအကြားတွင် လူ့အခွင့်အရေးအကြောင်းကို နားလည်လက်ခံလာမှု ရေချိန်ပိုမိုမြင့်မားလာလျက်ရှိသည်။ ဂုဏ်သိက္ခာနှင့် တန်းတူညီမျှမှုကို အခြေခံ နားလည်လာ၍ မတူကွဲပြားမှုများအပေါ် လက်ခံမှုပိုမိုလာလျက်ရှိသည်။ တစ်ဦးချင်း၏ ဂုဏ်သိက္ခာအပေါ်ပိုမိုလေးစား လာလျက်ရှိသည်။ အမျိုးသမီးများနှင့် အခြား အထူးကာကွယ်ပေးရန် လိုအပ်သော အုပ်စုဝင်များ၏ အခွင့်အရေးများ အကြောင်းကို နက်နက် ရှိုင်းရှိုင်းဆွေးနွေးလာ၍ ယခင်ကထက် ပိုမိုတန်ဖိုးထားလာသည်ကို တွေ့နေရသည်။ အဖွဲ့ အစည်းအသီးသီးက လူ့အခွင့်အရေးအကြောင်း သင်တန်းများပို့ချ ပြန့်ပွားစေလျက် ရှိကြောင်း တွေ့နေ ရသည်။ သို့သော်လည်း တစ်ယူသန်စိတ်၊ အတ္တစိတ် လွန်ကဲသူများ များစွာ ကျန်ရှိနေခြင်းကြောင့် ပြည်တွင်း လက်နက်ကိုင် သောင်းကျန်းမှုများနှင့် ဘာသာရေးအကြောင်းပြ အဖျက်လုပ်ရပ်များ ဖြစ်ပေါ်နေခြင်းကို လည်း တွေ့နေရသည်။ ငြိမ်းချမ်းစွာ အတူယှဉ်တွဲနေထိုင်ပြီး ပူးပေါင်းဆောင်ရွက်မှုများရှိမှ သာလျင် နိုင်ငံအတွက်၊ ပြည်သူပြည်သားများ အတွက် ရေရှည် အကျိုးဖြစ်ထွန်းနိုင်မည်ကို သိလျက်နှင့် မျက်စိစုံမှိတ်ထားသူများ ရှိသေးသည်။ ထိုသူများကြောင့် ပင်လျှင် အပြန်အလှန် ရန်ကိုရန်ချင်း တုန့်ပြန်မှုများကြောင့် နိုင်ငံတော်၏ အကျိုးစီးပွားများ များစွာထိခိုက်နစ်နာ လျက်ရှိသည့်  အခြေအနေများသည် နိုင်ငံတကာ၏ အားပေးထောက်ခံမှုဖြင့် ရှေ့သို့ချီတက်ဆဲ ၂ နှစ်ခွဲသား ဒီမိုကရေစီ မြန်မာနိုင်ငံ၏အခြေအနေအပေါ် နိုင်ငံတကာ၏ ယုံကြည်မှုများ၊ ရင်းနှီးမြုပ်နှံလိုမှုများ ထိခိုက်စေနိုင်ပါသည်။

         
နှစ်ပေါင်း ၆၀ ကျော် တစ်ဖက်နှင့်တစ်ဖက် လက်နက်ကိုင်တိုက်ခိုက်ကြခြင်း အားဖြင့် မည်သူ မျှအနိုင်မရဘဲ နိုင်ငံတော်နှင့် ပြည်သူပြည်သားများသာ နစ်နာဆုံးရှုံးခဲ့ရသည်ကို အားလုံးသိရှိ ကြပြီး ဖြစ်ပါတယ်။ ဒါ့ကြောင့် စေ့စပ် ဆွေးနွေးပြီး နိုင်ငံရေးနည်းဖြင့် အဖြေရှာရန် အားလုံးကြိုးပမ်းနေမှု၏ ရလဒ်ကို ပြည်သူများမှ အားကိုးတကြီး စောင့်စား လျက်ရှိနေပါတယ်။ ကချင်ပြည်နယ်တွင်ဖြစ်ပွားခဲ့သော စစ်ပွဲများကြောင့် စစ်ဘေးရှောင်ဒုက္ခသည်များ အတွက် ပြန်လည် ထူထောင်ရေးများစွာ လုပ်ဆောင်ပေး ရဦးမည့်အပြင် သာမန်အငြင်းပွားမှု၊ ရာဇဝတ်မှုကို အကြောင်းပြုပြီး လူမျိုးရေး၊ ဘာသာရေး ပဋိပက္ခ အသွင်ဖြစ်အောင် အကြမ်းဖက်မှုများ ဆောင်ရွက်ခဲ့သည့် ပြီးခဲ့သည့်နှစ်ကစတင် ဖြစ်ပွားခဲ့သည့် ရခိုင်ပြည် နယ်အတွင်း ပဋိပက္ခများကြောင့် လက်ရှိအချိန်တွင် ဒုက္ခသည် တစ်သိန်းကျော်အား စားဝတ်နေရေး ထောက်ပံ့ပေး ထားရပြီး နေအိမ်တန်း လျားများပါ ဆောက်လုပ်ပေး ကာ ပြန်လည် ထူထောင်ရေး လုပ်ငန်းများအ တွက် နိုင်ငံတော်အထူးရန်ပုံငွေမှ ငွေကျပ် ၅ ဒဿမ ၅ ဘီလီယံ ကျော် အပါအ၀င် ၈ ဘီလီယံကျော် ကျခံသုံးစွဲထားရပြီး ပြည်နယ်အတွင်း ဖွံ့ဖြိုးတိုးတက်မှုများ ထိခိုက်ရသည့်အပြင် ဒေသတွင်းနှင့် နိုင်ငံတကာ နယ်ပယ်တွင်ပါ နိုင်ငံ၏ ပုံရိပ်ကို ထိခိုက်စေခဲ့တယ်လို့ အခုအောက်တိုဘာလ ၂ ရက်နေ့ စစ်တွေမြို့သို့ ရောက်ရှိစဉ် နိုင်ငံတော်သမ္မတက ထုတ်ဖော်ပြောကြား ထားချက်သည်လည်း အလေးထားဂရုပြုသင့်စရာပင် ဖြစ်ပါတယ်။ ပဋိပက္ခ ဖြစ်စဉ် များကြောင့် နိုင်ငံတော် မှ ပြန်လည်ထူထောင်ရေးအတွက် ငွေကြေးများသုံးစွဲမှုသည် အနုတ်လက္ခဏာ တစ်ရပ် ဖြစ်သလို ထိုနေရာများတွင် အသက်မွေးဝမ်းကျောင်းမှသည် စီးပွားဖြစ် အဆင့်ထိဆောင် ရွက်လျက်ရှိသော စိုက်ပျိုးရေး၊ မွေးမြူရေး၊ သား/ငါး ကုန်ထုတ်လုပ်ငန်းများ ဆောင်ရွက်နိုင်မှုမရှိ၍ လူတစ်ဦးချင်းစီ၏ လုပ်အားများ ဆုံးရှုံးခဲ့ရခြင်းကြောင့် ထိုသူတို့အတွက်သာမက နိုင်ငံတော်အတွက်ပါ ထပ်မံအနုတ် လက္ခဏာဖြစ်ရပြန်သည်။ နိုင်ငံတော်၏ ရှေ့ဆက်သွားမည့်လုပ်ငန်းစဉ်များအတွက် အနှောက်အ ယှက်ဖြစ်ရုံမက လုပ်ငန်းရပ်များက နောက်ပြန် လှည့်နေသည့် အခြေအနေမျိုး ကျရောက်နေသည်။ အချိန်မရွေးဝင်ရောက်လာနိုင်သည့် ပြည်ပမှအကြမ်းဖက်မှု အန္တရာယ်များကို လမ်းကြောင်းပြ ဖိတ်ခေါ်နေသကဲ့သို့ စိုးရ်ိမ်ဖွယ်ရာအလားအလာများ  မဖြစ်သင့်တော့ပါ။ ရှေ့ဆက် ကြရမည့် အခြေအနေများအတွက် ဒေသဖွံ့ဖြိုးတိုးတက်ရေးကို ၀ိုင်းဝန်းဆောင်ရွက်သကဲ့သို့ တည်ငြိမ်အေးချမ်းရေး အတွက်လည်း ပူးပေါင်းဆောင်ရွက်ရန်နှင့် သွေးထိုးမြှောက်ပင့်မှုများကို ဥာဏ်အမျှော်မြင်ဖြင့် စဉ်းစားဆင်ခြင် သုံးသပ်ကာ ပြဿနာများကို မှန်ကန်သော နည်းလမ်းဖြင့် ဖြေရှင်းကြဖို့ နိုင်ငံသားအားလုံးမှာ တာဝန်ရှိပါတယ်။  

         
မျက်မှောက်ပဋိပက္ခတို့သည် စည်းလုံးမှုအင်အားကို ပြိုကွဲစေသော လူတစ်စု၏ပယော ဂကြောင့်သာဖြစ်နိုင်ပါသည်။ အမျိုးသားရေးသည် အချုပ်အခြာအာဏာ၏ ကိုယ်စောင့်နတ်ဖြစ်သော်လည်း ဒီမိုကရေစီ အရေးသည် လူ့အခွင့်အရေး၏ တမန်တော်ဖြစ်ပါသည်။ စစ်မှန်သော ဒီမိုကရေ စီနိုင်ငံတော်တစ်ခုတွင် တန်းတူညီမျှမှုက အခရာကျပြီး လူ့တန်ဘိုးက အဓိကကျလှပါသည်။ ထို့ကြောင့် အမျိုးသားခေါင်းဆောင်ကြီး ဗိုလ်ချုပ်အောင်ဆန်းက ဒီမိုကရေစီရေး အတွက် မျက်ကန်း မျိုးချစ်များ မလိုအပ်ကြောင်း မိန့်ခွန်းများတွင် မကြာခဏပြောခဲ့ဖူးသည်။ ဗိုလ်ချုပ်လိုချင်သည်မှာ တိုင်းပြည် တိုးတက်ရေးအတွက် စည်းလုံးမှုပင်ဖြစ်သည်။ စည်းလုံးဖို့အတွက် စည်းရုံးကြရမည်။ ရန်ဖြစ်နေ၍မရ။ ရန်ကို ရန်ချင်းတုံ့နှင်းသမျှ အကောင်းဖြစ်မလာနိုင်ဘဲ အဆိုးကိုသာ ဖိတ်ခေါ်နေ သလိုရှိသည်။ ရန်လိုသော တိုင်းသူ ပြည်သားတို့၏ တိုင်းပြည်သည် စစ်မက်ထူပြောပြီး တိုင်းပြည်ချွတ်ခြုံ ကျနေမည်သာဖြစ်သည်။ ထို့ကြောင့် မြန်မာတွေ ဆင်ခြင်ကြရပါမည်။ လူမျိုးရေးစိတ်ဓာတ်၊ အမျိုးသားရေးစိတ်ဓာတ်များထားရှိ၍ အမျိုးဂုဏ်၊ ဇာတိဂုဏ် ထိန်းသိမ်း ကြရမှာ နိုင်ငံသားတိုင်း၏ တာဝန်ဖြစ်သည်မှန်သော်လည်း လူ့အခွင့်အရေးနှင့် နိုင်ငံတော်၏ ရေရှည်ဖွံ့ဖြိုးတိုးတက် မှုအတွက် ထိရောက်သော ပေါင်းစပ် ညှိနှိုင်းမှုများ ဆောင်ရွက်ကာ မူဝါဒများ၊ ကန့်သတ်ချက်များ၊ ရည်မှန်းချက်များ ခွဲခြားပြီး အတူယှဉ်တွဲကာကြိုးပမ်းအကောင်အထည်ဖော်ခြင်းသည်သာတိုင်းပြည်တိုးတက်ရာတိုးတက်
ကြောင်းအတွက်တစ်ခုတည်းသောနည်းလမ်းဖြစ်ပါကြောင်း နှိုးဆော်ရေးသားလိုက်ရပေသည်။

 ငြိမ်းဦး(မှော်ဘီ)