မြန်မာနှင့်ထိုင်း ဗီဇာမလိုဘဲ အပြန်အလှန် သွားလာနိုင်တော့မည်

ထိုင်းနိုင်ငံ လေဆိပ် ၂၃ ခုတွင် မြန်မာခရီးသွားများ ၀င်ထွက်နိုင်မည်
မြန်မာနိုင်ငံနှင့် ထိုင်းနိုင်ငံတို့အကြား ခရီးသွားလာခွင့် ဗီဇာမလိုဘဲ ခွင့်ပြုရက် ၁၄ ရက်အထိ နှစ်နိုင်ငံ ခရီး သွားများအပြန်အလှန် ခရီးသွားလာနိုင်မည့်အစီအစဉ်ကို နှစ်ဖက်အစိုးရတို့ နိုဝင်ဘာလအတွင်း သဘော တူစာချုပ် ချုပ်ဆိုရန်ရှိပြီး အတည်ပြုနိုင်ရန် ညွှန်ကြားချက်များ ထုတ်ပြန်သွားမည်ဟု ထိုင်းအစိုးရအဖွဲ့ ပြောရေးဆိုခွင့်ရှိသူ Mr Teerat Ratanasevi (မစ္စတာ ရာဒ်တနဇေ၀ီ)က မဇ္ဈိမကို ပြောသည်။
“ဒါက နှစ်နိုင်ငံအစိုးရ ဖော်ဆောင်နိုင်တဲ့ လုပ်ငန်းစဉ်တွေအနက် အင်မတန်ကောင်းမွန်တဲ့ အစီအစဉ်တစ် ခုဖြစ်ပါတယ်၊ ဒါကိုလည်း လုပ်သင့်တယ်လို့မြင်ပါတယ်၊ မကြာခင် အာဆီယံစီးပွားရေး အသိုက်အ၀န်းဆီ ကို ဖော်ဆောင်ဖို့လုပ်နေတဲ့ အာဆီယံအဖွဲ့ဝင်နိုင်ငံတွေအကြား ခရီးသွားလာမှုကိုလည်း ပိုမိုလွယ်ကူစေ ပါတယ်”ဟု သူက ဆိုသည်။
မြန်မာနိုင်ငံမှတစ်ဆင့် ထိုင်းနိုင်ငံသို့ သွားရောက်လိုသည့် ခရီးသွားများအတွက် ထိုင်းနိုင်ငံရှိ လေဆိပ် ပေါင်း ၂၃ ခုဖြစ်သည့် သုဝဏ္ဏဘူမိ၊ ဒွန်မောင်း၊ မယ်ဟောင်ဆောင်၊ ချင်းမိုင်၊ ချင်းရိုင်၊ ဟာဒ်ယိုင်၊ ဖူးခက်၊ နန်း၊ ဖိစလုလွတ်(ခ်)၊ မဲဆောက်၊ ခွန်ကန်(မ်)၊ နခွန်ရာဒ်ချစီမာ၊ အူဒွန်ဌာနီ၊ အူဘွန် ရာဒ် ချဌာနီ၊ ကရဘီ၊ တရန်(င်)၊ နာရာသီဝါဒ်၊ ရနောင်း၊ ဆူရာဒ်ဌာနီ၊ ဟွေဟင်၊ ဆမွီ၊ ဆူဂိုးထိုင်းနှင့် ဥသဖောင်(၀်) လေဆိပ် များမှ ၀င်ရောက်လာသည့် မြန်မာနိုင်ငံသား ခရီးသည်များကို ထိုင်းအစိုးရမှ ခရီးသွားလာခွင့် ၁၄ ရက်ခွင့် ပြုမည်ဖြစ်သည်။
သို့သော် ထိုင်းနိုင်ငံမှတစ်ဆင့် မြန်မာနိုင်ငံသို့ သွားရောက်မည့် ထိုင်းနိုင်ငံသားများအား မည်သည့် လေ ဆိပ်များမှ စတင် ခွင့်ပြုသွားမည်ကို မြန်မာအစိုးရမှ ထုတ်ဖော်ပြောကြားခြင်း မရှိသေးပေ။
နှစ်နိုင်ငံအစိုးရ ခွင့်ပြုနိုင်ရေးအတွက် နိုဝင်ဘာလလယ်၌ နှစ်နိုင်ငံ သက်ဆိုင်ရာ ကိုယ်စားလှယ်များ၏ Joint Committee Meeting အစည်အဝေးကို နေပြည်တော်၌ ကျင်းပနိုင်ရေးအတွက် ပြင်ဆင်ထားပြီး ဖြစ်သည်ဟုလည်း Mr Teerat Ratanasevi က ပြောသည်။
ထိုင်းနိုင်ငံအနေဖြင့် ယခုကဲ့သို့အကန့်အသတ်ဖြင့် ဗီဇာကင်းလွတ်ခွင့် ခရီးသွားလာခြင်းကို ခွင့်ပြုသည်မှာ အာဆီယံနိုင်ငံများအနက် နောက်ဆုံးနိုင်ငံတစ်ခု ဖြစ်သည်။ အခြား အာဆီယံနိုင်ငံများဖြစ်သည့် မလေး ရှား၊ စင်ကာပူ၊ အင်ဒို၊ ဘရူနိုင်းနှင့် မကြာမီလများက ဂျပန်ကဲ့သို့ နိုင်ငံများပင်လျှင် အကန့်အသတ်ဖြင့် ထိုင်းနိုင်ငံအနေနှင့် နှစ်နိုင်ငံ အကန့်အသတ် ဗီဇာကင်းလွတ်ခွင့် ရရှိထားပြီဖြစ်သည်။
ယခုကဲ့သို့ ထိုင်းနှင့် မြန်မာနိုင်ငံအကြား အကန့်အသတ်ဖြင့် ဗီဇာကင်းလွတ်ခွင့် ခရီးသွားလာရေးသည် ထိုင်းနိုင်ငံခြားရေးဝန်ကြီးဌာနအနေဖြင့် ခွင့်ပြုခြင်းဆိုသော်လည်း ထိုင်းနိုင်ငံ၏ ပြည်တွင်းလုံခြုံရေးအား ထိခိုက်စေမည်မဟုတ်ဟုလည်း သက်ဆိုင်ရာ ထိုင်းဝန်ကြီးဌာနများမှ သုံးသပ်ကြောင်းလည်း Mr Teerat Ratanasevi က ပြောသည်။
“နိုင်ငံခြားရေးဝန်ကြီးဌာနအနေနဲ့ ဒီကိစ္စကို ခွင့်ပြုတယ်ဆိုပေမယ့်လို့ ဒါက လုပ်ဆောင်သင့်သည့် အချင်း အရာဖြစ်တယ်လို့ ထိုင်းကာကွယ်ရေးဝန်ကြီးဌာနနှင့် လုံခြုံရေးပိုင်းတွေက ပြီးခဲ့တဲ့ အစိုးရအဖွဲ့ အစည်း အဝေးမှာ သုံးသပ်တယ်၊ ထိုင်းနဲ့ မြန်မာနိုင်ငံ နယ်စပ်လုံခြုံရေးနှင့် ပြည်တွင်းလုံခြုံရေးအတွက် အဆိုး ဘက် အကျိုးသက်ရောက်မှုရှိစေမည့် လုပ်ငန်းမဟုတ်ဘူးလို့ သုံးသပ်ကြတယ်”ဟု ဆိုသည်။
ထို့ပြင် နယ်စပ်ဖြတ်ကျော်ဂိတ်များမှတစ်ဆင့် ထိုကဲ့သို့ အကန့်အသတ်ဖြင့် ဗီဇာကင်းလွတ်ခွင့် ခရီးသွား လာရေးကို အနာဂတ်တွင်လည်း ဖွင့်လှစ်သွားနိုင်မည်ဟု ထိုင်းအစိုးရမှ ယုံကြည်ထားသည်ဟုလည်း သူ က ပြောသည်။
ထိုင်းမြန်မာ နယ်စပ်ဂိတ် (၄) ခုမှတစ်ဆင့် MOU စာချုပ်ဖြင့် ထိုင်းနိုင်ငံတွင်းသို့ လာရောက် အလုပ်လုပ် ကိုင်ကြမည့် မြန်မာနိုင်ငံသား အလုပ်သမားများကိုလည်း ယခုလ ၂၁ ရက်မှစ၍ နိုင်ငံကူးလက်မှတ်အနီ (ပတ်စပို့စ်အကြီးဟု အလုပ်သမားများအခေါ်)အား စတင် ထုတ်ပေးနေပြီဖြစ်ကြောင်း အောက်တိုဘာလ (၁၈)ရက်၌ မဇ္ဈိမသတင်းဌာန၏ မေးမြန်းချက်အား ထိုင်းနိုင်ငံဆိုင်ရာ မြန်မာအလုပ်သမား သံအရာရှိဦး ကျော်ကျော်လွင်က ဖြေကြားထားသည်။
၎င်းဂိတ်တို့မှာ တာချီလိတ်-မယ်ဆိုင် နယ်စပ်ဂိတ်၊ မြ၀တီ-မဲဆောက် နယ်စပ်ဂိတ်၊ ထီးခီး နယ်စပ်ဂိတ်၊ ကော့သောင်း-ရနောင်း နယ်စပ်ဂိတ်တို့ဖြစ်ကာ မောတောင် နယ်စပ်ဂိတ်မှာမူ မြန်မာဘက်မှ ဖွင့်လှစ်ရန် အဆင်သင့် မရှိသေးသဖြင့် စောင့်ဆိုင်းရဦးမည် ဖြစ်သည်။