Friday, August 30, 2013

" ခင်ဗျားတို့ ပြောတဲ့  သတင်း ခေတ် "


အွန်လိုင်းမှာရော.....မီဒီယာတွေမှာပါ.....
တလစပ် တက်တက် နေတဲ့ ....သတင်းတွေကို   ကြည့်ရင်း .....
သတင်းမှောင်ချခံရတဲ့ ခေတ်ကနေ....
သတင်း အဆိပ် ခတ်ခံနေရတဲ့ ခေတ် ကို.....
ရောက်သွားပြီ ပဲလို့ တွေးမိလိုက်ပါတယ်.....
သတင်းရေးသူ တစ်ချို့ ကတော့ ....
မှန်ကန် တိကျမှုကို .....
လျှင်မြန်မှုထက် ပိုအလေးထားတာ တွေ့ ရပေမယ့် ....
အများစု က တော့ .....
ချဉ်ချဉ် တူးတူး ... ဦးရင် ပြီးတာပဲ ဆိုတဲ့ ....
ပုံစံမျိုးတွေ အတော်များပါတယ်...။

ကျိုးကြောင်းဆင်ခြင်မှုနဲ့ .....သတင်းကို စိစစ်နိူင်စွမ်း .....
အားနည်းသေးတဲ့  ကျွန်တော်တို့ ပြည်သူတွေမှာ ....ရည်ရွယ်ချက်မျိုးစုံ နဲ့ ထင်ရာမြင်ရာ .....
ဖြန့် ဖြူးနေတဲ့  သတင်းတွေကြောင့် ....ထင်ယောင်ထင်မှား သံသယ တွေအမျိုးမျိုးနဲ့ 
အလုပ်ပျက် အကိုင်ပျက် ဖြစ်ရတာတွေ....နာကျည်းချက် အမုန်းတရားနဲ့  ဒေါသတွေ ....
ဖြစ်ခဲ့ ရပေါင်းလဲ မနည်းတော့ပါဘူး....။
ဖတ်ဖူး မှတ်ဖူး သလောက်တော့ ....မီဒီယာတွေအတွက်....ခွေးက လူကို ကိုက်တာသည် သတင်းမဟုတ်ပဲ....လူက ခွေးကို ကိုက်တာကမှ ...သတင်းလို့  ဆိုပါတယ်.....
တပ်မတော်မှာတော့ ....သတင်း ဆိုတာက....ဘယ်သတင်းပဲ ဖြစ်ဖြစ် ....
ရလာသမျှကို.....ဒီ အချက်တွေနဲ့ ....ပြန် ချိန်ထိုး အတည်ပြု ရပါတယ်....
မှန် တိ စီ ထင်.........
၁။ မှန်ကန်ရမယ်
၂။ တိကျရမယ်
၃။ စိစစ်ပြီး ဖြစ်ရမယ်
၎။ ထင်ကြေး တွေ မဖြစ်ရဘူး .......။

တစ်ခါ .....
သတင်းအခြေအမြစ် ( သတင်းကိုရတဲ့ နေရာ) ကို.....
၁။ လုံးဝအားထားရသည် ..................." က "
၂။ နဂိုအားထားရသည် ..................." ခ "
၃။ အသင့်အတင့် အားထားရသည်........." ဂ "
၎။ နဂို အားထားရမှုမရှိ ....................." ဃ "
၅။ အားထားခြင်း မပြုနိူင် ....................." င "
၆။ အားထားမှု မဆုံးဖြတ်ရသေး ............" စ "
ဆိုပြီး ပြန်စိစစ် ရပါတယ်.......။

ပြီးတော့....
သတင်းရဲ့ တိကျမှန်ကန်မှု အဆင့်အတန်းကို ......
၁။ အခြားအခြေအမြစ်မှ အတည်ပြုသော သတင်း .........." ၁ "
၂။ မှန်ကန်သောသတင်း .........................................." ၂ "
၃။ မှန်ကန်မည့် သတင်း ........................................." ၃ "
၎။ မှန်ကန်ကြောင်း သံသယရှိသည့် သတင်း ................." ၄ "
၅။ မဖြစ်နိူင်သောသတင်း ........................................." ၅ "
၆။ မှန်ကန်မှု ကို မဆုံးဖြတ်နိူင်သော သတင်း ................." ၆ "
ဆိုပြီး ထပ်စိစစ်ရပါတယ်................။

ရာခိုင်နူန်း နဲ့  တွက်ရင်တော့ ဒီအတိုင်းပါ.....
က.............၁...............၁၀၀%
ခ...............၂...............၅၀%
ဂ...............၃...............၂၅%
ဃ.............၄...............၁၂.၅%
င..............၅................၆.၅%
စ..............၆................၃.၁၂၅%

အဲတော့ .....
သတင်း တစ်ခုတင်ပြပြီဆို .....
က ၁ ....ပါ....
က ၂ .....ပါ....
ခ ၂ ....ပါ....
ဂ ၄ .....ပါ .........စသဖြင့် .....
စိစစ် တင်ပြရပါတယ်......

တင်ပြီးမှ......မှားသွားလို့ နော်...ဆိုပြီး.....ဘွာတေးလုပ်လို့ မရပါဘူး....ရူးချင်ယောင်လဲ ဆောင်နေလို့ မရပါဘူး.......

တစ်ချို့ သတင်းတွေ ဟာ.....ချက်ချင်း အတည်ပြုလို့ မရနိူင်သေးတဲ့ အတွက် ....အချိန်ကာလ တစ်ခုပေးပြီး.....စနစ်တကျ တည်ဆောက်ရပါတယ်.....

မှန်ကန်တဲ့ သတင်းတွေ ကို ....လျှင်လျှင်မြန်မြန် ရလာဖို့ ဟာ ....
ကိုယ် တည်ဆောက်ထားတဲ့  သတင်းကွန်ယက်...အဆက်အသွယ်....
အသုံးပြုတဲ့  ငွေကြေး ၊ အရင်းအမြစ် စတာတွေပေါ်လဲ ....အများကြီး မူတည်ပါတယ်.....

ကျွန်တော် တို့ ပြည်သူတွေ အနေနဲ့ ...အကြောင်းအကျိုးနဲ့ စနစ်တကျ စဉ်းစားပြီး....
ခွေးက လူကို ကိုက်တာပဲ ဖြစ်ဖြစ် ....လူကခွေးကို ကိုက်တာပဲ ဖြစ်ဖြစ်...............
ဘယ်ကခွေးလဲ ....ကိုက်ခံရတာ ဘယ်သူလဲ...ဘယ်အချိန် ဘယ်နားမှာ.....
ဘယ်နေရာကို ဘယ်လို ကိုက်လိုက်တာလဲ ...ဘာသွားလုပ်မိလို့  ကိုက်တာလဲ .....
မျက်မြင် သက်သေတွေက ဘယ်သူတွေလဲ....သူတို့ ကရော အဲနားကို ဘာလို့ ရောက်နေတာလဲ ....
ကိုက်ခံရတဲ့ ဒဏ်ရာအခြေအနေ ဘယ်လိုရှိလဲ....ကိုက်တဲ့ သူနဲ့  ကိုက်ခံရတဲ့ သူရဲ့ ...
အသေးစိတ် အချက်အလက်တွေက ဘာတွေလဲ.....နောက်ဆက်တွဲ ဘာတွေ ထပ်ဖြစ်လာနိူင်လဲ ....
စတာတွေကို စိစစ်မေးခွန်းထုတ်လိုက်ရင်သတင်း အဆိပ် သင့်တဲ့ ရောဂါကြီး.....
အမြန်ဆုံး သက်သာပျောက်ကင်း သွားမယ် ....ထင်မိကြောင်းပါ ........။

( သတင်းပေး ရဲမိုး )

No comments:

Post a Comment