Wednesday, August 28, 2013

လွှတ်တော်နှင့် တပ်မတော်သားကိုယ်စားလှယ်များ၏ အခန်းကဏ္ဍ

   သြဂုတ် ၂၆ ရက်က ကျင်းပသော အမျိုးသား လွှတ်တော်အစည်းအဝေးတွင် နိုင်ငံသားမဟုတ် သူများအား နိုင်ငံရေးပါတီတည်ထောင်ခွင့်ကို
 ပြင်ဆင်သည့် ဥပဒေကြမ်းကို လက်ခံဆွေးနွေး ရန် မဲခွဲဆုံးဖြတ်ရာတွင် အာဏာ ရပြည် ခိုင် ဖြိုးလွှတ်တော်ကိုယ်စားလှယ် အများစုက မထောက်ခံသော်လည်း တပ်မတော်သား လွှတ်တော်ကိုယ်စားလှယ် အားလုံးထောက်ခံ၍ လွှတ်တော်၌ ဆွေးနွေးမည်ဖြစ်ကြောင်း ကြား သိရ သည်။
   ဒါဟာ အရာအားလုံးထက် နိုင်ငံကို ချစ်တဲ့စိတ်၊ အမျိုးသားရေးတာဝန်နှင့်ပတ်သက်လာလျှင် မည်သူပင်ဖြစ်ဖြစ် တပ်မတော်ကလက်ခံမည်မဟုတ်ကြောင်း တွေ့မြင်ရမည်ဖြစ်ပြီး လက်ရှိ တပ်မတော်တွင် တာဝန်ထမ်းဆောင်နေတဲ့ တပ်မတော်သား လွှတ်တော်ကိုယ်စားလှယ် က တပ် မတော်တွင် တာဝန်ထမ်းဆောင်ခဲ့ဖူးသူအများစုနဲ့ စုဖွဲ့ထားတဲ့ပြည်ခိုင်ဖြိုးပါတီ ထက် ပို၍  နိုင် ငံအပေါ်ချစ်တာပြလိုက်တယ်လို့   ပြည်သူလူထုမှ  ထင်မြင်ယူဆနေကြပါတယ်။

    လွှတ်တော်သက်တမ်း နှစ်နှစ်ကျော်ကာလ အတောအတွင်းမှာ တပ်မတော်သား လွှတ်တော် ကိုယ်စားလှယ်တွေ မကြာခဏပြောင်းလဲခဲ့ပေမယ့် ယခုလို တက်တက်ကြွကြွနဲ့ ပါဝင်ဆွေးနွေး တာမျိုး မကြားမိခဲ့ပါဘူး။ ဒါ့အပြင် ပြီးခဲ့တဲ့ သြဂုတ်လ ၂၃ ရက်နေ့က ပြည်သူ့လွှတ်တော် အစည်း အဝေးမှာ တပ်မတော်သား ကိုယ်စားလှယ် သုံးဦးဖြစ်တဲ့ ဗိုလ်မှူးကြီးဥာဏ်နိုင်၊ ဗိုလ်မှူးကြီးမြင့်ကိုကို နဲ့  ဗိုလ်မှူးကြီးတင့်ဆန်းတို့ ဆွေးနွေးချက်တွေဟာ လည်း MRTV မှကြည့်ရှူနေကြတဲ့ ပြည်သူ များအကြား တပ်မတော်အပေါ် ပိုလို့ ယုံကြည်အားကိုးလာစေခဲ့ပါတယ်။

   တကယ်တော့ တပ်မတော်ဆိုတာ အမိန့်နဲ့အလုပ်လုပ်တာ ဖြစ်ပါတယ်။ မီဒီယာတွေက တပ်က ကိုယ်စားလှယ်တွေကို မေးတဲ့အခါ ပြေးကြတာ များပါတယ်။ ဗိုလ်မှူးလောက်ကို မေးရင် ဗိုလ်မှူးကြီး ကို မေးဖို့ တွန်းလွှတ်ပါတယ်၊ ဗိုလ်မှူးကြီးကို မေးဖို့သွားရင် ဗိုလ်မှူးချုပ်လောက် ကို မေးဖို့ ပြောပါတယ်။ တချို့ကတော့ ကျွန်တော် မသိဘူး၊ မဖြေတတ်ဘူးလို့ ပြောခဲ့ကြပါတယ်။

  ယခုလိုထဲထဲဝင်ဝင် အားတက်သရောနဲ့ ဆွေးနွေးလာကြတဲ့အပေါ် တပ်မတော်ကာ ကွယ်ရေး ဦးစီးချုပ်ရဲ့    အမျိုးသားရေးတာဝန်နဲ့ပတ်သက်တဲ့သဘောထားကို သိရှိနိုင်တဲ့အပြင်နိုင်ငံတော်နှင့် ပြည် သူလူထုအပေါ်ထားရှိတဲ့ ပျော့ပြောင်းတဲ့ သဘောထားတွေကို မြင်တွေ့ရလာတယ်၊ တစ်နည်း အားဖြင့် လွှတ်တော်နိုင်ငံရေးဘက်ကိုလည်း အလေးထားပြီး စိတ်ပါဝင်စားမှုရှိလာတယ်လို့ သုံးသပ်နေကြပါတယ်။

         လွှတ်တော်နဲ့ တပ်မတော်သား လွှတ်တော်ကိုယ်စားလှယ်များရဲ့ အခန်းကဏ္ဌကတော့
ပိုလို့ အကြိတ်အနယ်ရှိလာပြီလို့ သတ်မှတ်ရမှာပါ။ ယခင်ကတပ်မတော်နှင့် တိုက်ရိုက်သက်ဆိုင် တဲ့ကိစ္စများမှအပ ကျန်သောကိစ္စများမှာ ၀င်ရောက်ပြောဆိုခြင်းမပြုကြတဲ့ တပ်မတော်သား ကိုယ် စားလှယ်များအနေနဲ့ ယခုလို အများနဲ့ဆိုင်တဲ့ကိစ္စရပ်တွေမှာ တက်တက်ကြွကြွ ပါဝင်ဆွေးနွေး လာကြတာ နိုင်ငံတော်နဲ့ပြည်သူလူထုအတွက် အင်မတန်မှကောင်းမွန်ပါတယ်။          ဗိုလ်ချုပ် ကြီးဟောင်း  တဦးဖြစ်တဲ့ ပြည်သူ့လွှတ်တော် ဥက္ကဌ သူရ ဦးရွှေမန်းကလည်းဒီလို တပ်မတော်သား ကိုယ်စားလှယ်တွေ အသံထွက်လာကြတာ ၀မ်းသာစရာကောင်းတယ်လို့ ပြောပါတယ်။
     ''စဉ်းစားဆွေးနွေး သင့်တယ်လို့ ယူဆတဲ့ ဥပဒေတစ်ရပ်ဖြစ်လို့ ထောက်ခံခြင်းဖြစ်ပါတယ်။ ကျွန်တော်တို့ အနေနဲ့ ထောက်ခံကန့်ကွက်ရာမှာ လူပုဂ္ဂိုလ်၊ပါတီအဖွဲ့အစည်း မကြည့်ဘဲ နိုင်ငံတော် အတွက် အကျိုးပြုမယ်လို့ ယူဆတဲ့ အမျိုးသားနိုင်ငံရေး အမြင်နဲ့ပဲ အမြဲကြည့်ပါတယ်။ အခုဆုံးဖြတ် တာကလည်း ပြင်ဆင်တဲ့ဥပဒေကြမ်းကို အတည်ပြုတာ မဟုတ်သေးပါဘူး။ ဆွေးနွေးစဉ်းစားဖို့ ဆုံးဖြတ်တာပါ။ဆွေးနွေးတဲ့ လွှတ်တော် ကိုယ်စားလှယ်များရဲ့ တင်ပြချက်တွေကို နားထောင်ရ ပါဦးမယ်။လိုအပ်ရင်လည်း ပါဝင်ဆွေးနွေးသင့်ရင် ဆွေးနွေးရမှာပေါ့'' ဟု တပ်မတော် သား လွှတ်တော်ကိုယ်စားလှယ် ဗိုလ်မှူးချုပ် ကျော်ဦးလွင်က The Daily Eleven သို့ပြောကြား ခဲ့သည်ကိုလည်း ဖတ်ရသည်။
  နိုင်ငံတော်သမ္မတ၏ မူဝါဒအပေါ် တပ်မတော်ကာကွယ်ရေးဦးစီးချုပ်၏ လမ်းညွှန်မှုဖြင့် အမျိုးသားပြန်လည် စည်းလုံး ညီညွတ်ရေး၊ တိုင်းရင်းသား စည်းလုံး ညီညွတ်ရေးကို အကောင် အထည် ဖော်နိုင်မည့်၊ ထာဝရ ထိန်းသိမ်း ထားနိုင်မည့် အခြေအနေ
ကောင်းများကို ဖော်ဆောင် ပေးသကဲ့သို့ အမျိုးသား ပြန်လည် စည်းလုံး ညီညွတ်ရေး၊တိုင်းရင်းသား စည်းလုံး ညီညွတ်ရေး လုပ်ငန်းစဉ်များကို ထိခိုက်အောင်၊ ပျက်ပြားအောင်   လုပ်ဆောင် လာသည့် ပြည်တွင်း ပြည်ပ အင်အားစုများ၏ အဖျက်အမှောင့်
လုပ်ရပ်များကိုလည်း ကာကွယ် တားဆီးနေရသည့် တပ်မတော်သည် အတိတ် ကာလကကဲ့သို့    နိုင်ငံရေးသက်သက်၊ စစ်ရေး သက်သက် အမြင်ဖြင့် ဆောင်ရွက်ခြင်းမျိုးမဟုတ်ဘဲ နိုင်ငံရေး၊ စီးပွားရေး၊ စစ်ရေး၊ လူမှုရေး၊ ဖွံ့ဖြိုးတိုးတက်ရေး၊ အုပ်ချုပ်ရေးစသည်ဖြင့် ဘက်စုံထောင့်စုံမှ စဉ်းစား ဆောင်ရွက်နေသည်ကိုလည်း       လေ့လာလျှင်တွေ့ရှိနိုင်ပေသည်။

No comments:

Post a Comment