ဘယ်ဆီဘယ်ဝယ် လုံးလည်ချာလည်လိုက် ခွင့်သာခိုက်ကမှ မလိုက်ချင်လျှင်

ရဲကျော်သူရ
ဇန်နဝါရီလ ၂၀ ရက်နေ့ထုတ် The Voice Daily သတင်းစာပါ ဆရာကျော်ဝင်း၏ ၂၀၁၃ မှ ၂၀၁၄ သို့ မပြီးသေး သော ပန်းချီကား ဆောင်း ပါးကို ဖတ် ရသည်။
၂၀၁၄ ဇန်နဝါရီလ ၄ ရက်က UMFCCI တွင်ဟောပြောခဲ့သည်များကို အနှစ်ချုပ်ပြန်ရေး ထားခြင်းဟု ဆရာကပြောပါသည်။

"တိုင်းပြည်တစ်ပြည် ကံဆိုးမိုးမှောင်ကျပြီဆိုလျှင် သူရဲကောင်းတွေပေါ်ထွက်တတ်ပါသည်။ သို့တစေ သူရဲကောင်း တွေ လိုသည်ထက်ပိုများနေလျှင်လည်း အဆိုပါတိုင်းပြည် ပြန်ကံ ဆိုးသွား တတ်သည်။" ဆိုသည့် Time မဂ္ဂဇင်း အက်ဆေး တစ်ပုဒ်ထဲက စာပိုဒ်လေးတစ်ခုကို ကိုးကား၍ မီးမောင်းထိုးပြသည်။
ပကတိ အခြေအနေက ခွင့်ပြုသည်ထက်ကျော်လွန် လုပ်ဆောင်ခြင်းကို လက်ဝဲသွေဖည်ရေးဟု လည်းကောင်း ပကတိ အခြေအနေက ခွင့်ပြုသည်ထက် နောက်ကျကျန်ရစ်ခြင်းကို လက်ယာသွေ ဖည်ရေးဟု လည်းကောင်း ကင်ပွန်းတပ်၍ လက်ယာသွေဖည်ရေးကို အရှိန်တင်အဖတ် ဆယ်နိုင်သော်လည်းလက်ဝဲသွေဖည်ရေး မှောက်ထိုးလဲပါက ပြန်ထရန်မလွယ်ကူကြောင်းထောက်ပြ ပါသည်။

အမေရိကန်ပင် ဒီကနေ့အခြေအနေရောက်အောင် နှစ်ပေါင်း ၂၀၀ ကျော်ဖြတ်သန်းခဲ့ရပြီး ဒီမို ကရေ စီ အုတ်မြစ်ခိုင်မာ စေရန် ၁၂ နှစ် အချိန်ယူ ပြင်ဆင်ခဲ့ရသည်ဟု ဆိုပါသည်။

ထို့အပြင် လွှတ်တော်နိုင်ငံရေး၊ လမ်းပေါ်နိုင်ငံရေး ခွဲခြားပြပြီး အများကြိုက် ပေါ်ပြူလာ နိုင်ငံရေး အန္တရာယ် ရှိပုံကို ထောက်ပြသည်။

ဆရာက ကိုယ့်ကိုယ်ကိုယ် ပညာရှင်ဟုကြွေးကြော်လေ့မရှိသော်လည်း ပညာရှင်ဆန်ဆန် ပညာရှိဆန်ဆန်ပြောသွား သည်။ သို့နှင့်တိုင် ဆရာ့ကို မလိုမုန်းထားသူများရှိနေကြပြန်သည်။

ကျွန်တော်ရဲကျော်သူရကတော့ လူပြိန်းတစ်ယောက်ဖြစ်၍ လူပြိန်းနားလည်သည့် စကားနှင့်ပြော ကြည့် ချင်ပါသည်။

၁။ မြန်မာ့နိုင်ငံရေးအရွေ့သည် တရုတ်နိုင်ငံ အင်အားကြီးမားလာခြင်းနှင့် တိုက်ရိုက်နီးပါး အဆက်အစပ်ရှိသည်။

၂။ သိခွင့်မရှိသူ မည်သူမှ မသိနိုင်သော အချိန်တစ်ချိန်မှစ၍ မြန်မာ့တပ်မတော်အစိုးရနှင့် အမေရိကန်အစိုးရတို့ မြန်မာနိုင်ငံ အပြောင်းအလဲအတွက် နှစ်ဖက်ညှိနှိုင်းမှုများရှိခဲ့နိုင်သည်။ (ယင်းဖြစ်စဉ်တွင် ဒေါ်အောင်ဆန်းစုကြည်ပါ ပါဝင်နိုင်သည်။)

၃။ ယင်းကဲ့သို့ ညှိနှိုင်းပြီးနောက် ယခုလက်ရှိအခြေအနေ ရောက်လာစေရန် တပ်မတော်အစိုးရက လမ်းခင်းပေး ခဲ့ခြင်း ဖြစ်သည်။

၎။ ဒီမိုကရေစီသည် Export မဟုတ်ဆိုသည့်အတိုင်း မြန်မာ့ဒီမိုကရေစီသည် အမေရိကန်ကဲ့သို့ အနောက်တိုင်း နိုင်ငံ များစွာတွင် ကျင့်သုံးနေသည့် ဒီမိုကရေစီနှင့် ထပ်တူထပ်မျှ တူနိုင်စရာအကြောင်းမမြင်။

၅။ တိုင်းရင်းသားများ၏ အခွင့်အရေးများ၊ ကိုယ်ပိုင်အုပ်ချုပ်ခွင့်များနှင့် စပ်လျဉ်း၍ လူများစုဖြစ်သော မြန်မာ့နိုင်ငံရေး သမားများနှင့် တိုင်းရင်းသားများ အတိုင်းအတာတစ်ခုအထိ ညှိနှိုင်း၍ ရနိုင်သော်လည်း ကမ္ဘာပေါ်ရှိ လူမျိုးပေါင်းစုံ ရှိသော အခြားတိုင်းပြည်များ ကဲ့သို့ မြန်မာလူမျိုးစုကြီးစိုးမှုနှင့် ထိုလူမျိုးစုကိုးကွယ်သည့် ဗုဒ္ဓဘာသာ လွှမ်းမိုးမှုကို ထိခိုက်စေမည့် ပြောင်းလဲမှုမျိုးကို အချိုးအရ မြန်မာလူမျိုးအများစုဖြစ်သော တပ်မတော်က မည်သည့်နည်းနှင့်မျှ ခွင့်ပြုလိမ့်မည်မဟုတ်။

၆။ ပုဒ်မ ၅၉ (စ) မပြင်ဘဲ ဒေါ်အောင်ဆန်းစုကြည် သမ္မတဖြစ်ကောင်းဖြစ်နိုင်သည်။ ဒေါ်အောင်ဆန်းစုကြည် သမ္မတ ဖြစ်၊ မဖြစ် မသေချာသော်လည်း ပုဒ်မ ၅၉ (စ) ပြင်ဆင်ရန်လမ်းစ မရှိသည်မှာ သေချာသည်။

၇။ ပုဒ်မ ၅၉ (စ) ကို အတင်းပြင်ရန်ကြိုးစားသည့်နေ့သည် တပ်မတော် အာဏာပြန်သိမ်းသည့်နေ့ဖြစ်လိမ့်မည်။

၈။ တိုင်းရင်းသားလက်နက်ကိုင်တပ်ဖွဲ့များ လူ၊ လက်နက်အင်အားတိုးပွားလာခဲ့သည်မှာ မှန်သော်လည်း သမိုင်း တစ်လျှောက် စစ်ရေးသင်ခန်းစာများကို နမူနာယူ၍ မြန်မာစစ်တပ်သည် ၄င်း၏အင်အား အစစ်အမှန်ကို မည်သည့် အခါမှ ထုတ်ပြလေ့မရှိဆိုသည့် အချက်အား သတိမူသင့်သည်။

၉။ ဖက်ဒရယ်စနစ်ဖြစ်နိုင်သော်လည်း အမေရိကန်ဖက်ဒရယ် စနစ်မျိုးကဲ့သို့ ဖြစ်လာနိုင်စရာ အကြောင်းမမြင်။ ယင်းကဲ့သို့ ဖြစ်လာလျှင်လည်း မြန်မာပြည် အစိတ်စိတ် အမွှာမွှာကွဲ၍ တိုင်းပြည်ပြိုကွဲသွားနိုင်သည်။

၁၀။ မြန်မာပြည်ကို မိမိတို့စိတ်တိုင်းကျ နိုင်ငံရေးပုံစံမျိုးကျင့်သုံး သည့် နိုင်ငံတစ်နိုင်ငံ ဖြစ်လာစေ ရန်ရည်ရွယ်၍ အဓိက လွှမ်းမိုးကြီးစိုးထားသော တပ်မတော်ကို သွေးခွဲရန်ကြံစီပါက လုံးဝ (လုံးဝ) အောင်မြင်မည် မဟုတ်ပါ။ အကျင့်ပျက်ခြစားမှုများ၊ အဂတိလိုက်စားမှုများ ရှိနေသော်ငြား မြန်မာ့တပ်မတော်သည် အာဏာရှင်တစ်ဦး တစ်ယောက်က လွှမ်းမိုးခြယ်လှယ်ထားသော စစ်တပ်မဟုတ်ဘဲ အမျိုး၊ ဘာသာ၊ သာသနာကို ဦးထိပ်ထား၍ ဗမာလူမျိုးများကြီးစိုးထားသည့် တပ်မတော်ဖြစ်ခြင်းကြောင့် အပိုဒ် ၅ တွင်ဖေါ်ပြထားသော မြန်မာလူမျိုးစုကြီးစိုး မှုနှင့် ထိုလူမျိုးစုကိုးကွယ်သည့် ဗုဒ္ဓဘာသာ လွှမ်းမိုးမှုကို ထိခိုက်စေမည့် ပြောင်းလဲမှုမျိုးကို မည်သည့် တပ်မတော် အကြီးအကဲကမှ ဆောင်ရွက်မည်မဟုတ်။

တည့်တည့်ပြောတော့ နားဝင်ဆိုးပါလိမ့်မည်။

သို့သော်ဤသည်မှာ ပကတိအရှိတရားဖြစ်သည်၊ အမှန်တရားဖြစ် ပါသည်။ တိုင်းပြည်တစ်ပြည်တွင်ရှိနေသည့် ပကတိအရှိတရားကို ကျော်လွန်၍ စိတ်ကူးယဉ် ရတနာပုံဆိုက်ကိန်း စီမံချက်မျိုး အကောင်အထည်ဖေါ်၍ ရနိုင်၊ မရနိုင် နိုင်ငံရေး သုခမိန်များ ချင့်ချိန်တတ်ရန်လိုပါသည်။

နိုင်ငံရေးနဲ့ ဘုရားကျောင်းခွဲခြားထားရမယ်ဆိုတဲ့ စကားက အင်မတန်နားထောင်ကောင်းပါသည်။

သို့သော် အဆိုပါစကားမျိုးကို အရှေ့အလယ်ပိုင်းက နိုင်ငံများ၊ မလေးရှား၊ ဘရူနိုင်း၊ အင်ဒိုနီးရှား၊ အာဖဂန်နစ္စတန်လို နိုင်ငံမျိုးတွေ မှာ သွားပြောကြည့်ပါ။ သူ့အရပ်နှင့် သူ့ဇာတ်သာဖြစ်ပါသည်။

ဆရာကျော်ဝင်းကတော့ လက်ဝဲသွေဖည်ရေး မှောက်ထိုး လဲပါက ပြန်ထရန် မလွယ်ကူကြောင်း ပညာရှိဆန်ဆန် ထောက်ပြပါသည်။ ကျွန်တော်ကတော့ စစ်သားလူထွက်ဖြစ်၍ လိုရင်းတိုရှင်းသာ ပြောလိုက်ရပါသည်။ ကျွန်တော့်ကို လူမျိုးကြီး ဝါဒသမား ဘာညာနှင့် စကားလုံးကြီးများသုံး၍ တိုက်ခိုက်နိုင်ပါသည်။

ပကတိ အခြေအနေမှန်ကို သဘောမပေါက်ဘဲ မကြံကောင်းမစီရာ ကြံစီရန်တွေးတောနေသူများ၊ အားထုတ်မည့် သူများ အတွက် တိုင်းပြည်အကျိုး၊ ထိုသူများ၏ အကျိုးကို ရည်စူး၍ ကောင်းမြတ်သည့် မနောအတိဖြင့် သတိပေး ရေးသားရခြင်းဖြစ်ပါသည်။

ကွင်းပြင်တစ်ခုလုံး ပိုက်စိတ်တိုက် မိုင်းအပြည့်ခင်းထားရာမှ လူသွားလမ်းဖေါက်၍ မိုင်းရှင်းပေးထားသည်ကို ထိုလမ်းအတိုင်း မလိုက်နိုင်၍ မိုင်းကွင်းသို့ ဆင်းမည်ဆိုပါက မိမိတို့သဘောရှိတော်မူ
သည့်အတိုင်းသာ ဆောင်ရွက် ကြပါကုန်။

အရေးအခင်းပြီးကာစ KNU စခန်းကို ရောက်ခဲ့ဖူးသည့် ကရင်အမျိုးသား မိတ်ဆွေတစ်ယောက်က ပြောဖူးသည်။

"ကျွန်တော် တောထဲရောက်တော့ မန်းဘဇံသားကပြောဖူးတယ်ဗျ။ ဒီခွေးမသားတွေကွာ (မြန်မာ့တပ်မတော်ကို ဆိုလိုသည်။) ဒီလောက်ကွဲဖို့ ကောင်းတဲ့ အချိန်မှာ မကွဲကြဘူး။ ဒီအချိန်ဟာ တကယ့်အချိန်ကောင်းကွ။ ဒီအချိန်မှာ မကွဲရင် နောင်ကွဲဖို့ဆိုတာ မလွယ်ဘူး။ ဒီကောင်တွေ ဘယ်လိုများ အုပ်ချုပ်ထားလဲ မသိဘူး။ ဟေ့ကောင် မင်းသိလား…ဗမာစစ်တပ်ဆိုတာ ဂျပန်ဆီက စစ်ပညာသွားသင်ပြီးတည်ထောင်လာခဲ့တဲ့ စစ်တပ်ကွ။ အခုဂျပန် စစ်တပ်တောင် အမိန့်နာခံမှုနဲ့ ပတ်သက်ရင် ဒီကောင်တွေဆီမှာ သင်တန်းလာပြန်တက်ရမလို ဖြစ်နေတယ်။ ရှီးမှပဲ..။" ပါတဲ့ ခင်ဗျား။

မြန်မာ့တပ်မတော်နဲ့ နှစ်ပေါင်းများစွာကြာအောင် စစ်တိုက်လာတဲ့ တစ်ချိန်က ရန်သူ့တပ်က အကြီးအကဲ တစ်ယောက်ရဲ့ စကားပါ။

မြန်မာပြည်မှာ နိုင်ငံရေးလုပ်မယ်ဆိုရင် မြန်မာ့တပ်မတော်အကြောင်း ထဲထဲဝင်ဝင်သိနားလည်
အောင်ကြိုးစားပါ။

ပကတိ အခြေအနေနဲ့ကိုက်ညီပြီး စိတ်ရင်းစေတနာမှန်နဲ့ တပ်မတော်နဲ့ လက်တွဲနိုင်အောင်ကြိုးစားပါ။

ဒီလိုမှ မဟုတ်ရင်တော့ အပေါ်က အချက် ၁၀ ချက်ကို ဖတ်ကြည့်လိုက်ပါဦး ခင်ဗျား..။

နိုင်ငံရေးသမားမဟုတ်လို့ အပြောဆိုးတယ်ထင်ရင်လည်း ခွင့်လွှတ်နားလည်ပေးစေလိုကြောင်း……………

ရဲကျော်သူရ