Thursday, May 30, 2013

မြန်မာပို့စ် ဂျာနယ်ပါ ဦးရောဘတ်စန်းအောင် ရှင်းပါ

နိုင်ငံတော်အလံ ဇောက်ထိုးဖြစ်တာနဲ့ပတ် သက် လို့ယခုအ ပါတ် ထုတ်  မြန်မာပို့စ် ဂျာ နယ်မှာ ဖော်ပြ  ထား တာ တစ်ခု တွေ့ရှိရ ပါ တယ်။ ဖြစ်စဉ်က ၂၀၁၃ ခုနှစ် မေလ ၂၂ ရက်၊ မွန်းလွဲ ၂ နာရီအချိန်မှာ နေပြည်တော်ရှိ လွှတ်တော် အဆောက်အအုံ အမျိုးသား လွှတ်တော်ဧည့်ခန်း
မဆောင်မှာ ပြည်ထောင်စု လွှတ်တော် နာယ က၊အမျိုးသား လွှတ်တော်ဥက္ကဌဦးခင်အောင်မြင့် ဆွစ်ဇာ လန်နိုင်ငံ အထက် လွှတ်တော်ဥက္ကဌ မစ္စတာဖိလစ်ပိုလွန်ဘာဒီနဲ့အဖွဲ့ကိုလက်ခံတွေ့ ဆုံတဲ့ သတင်းမှာ နိုင်ငံတော်အလံ ဇောက်ထိုး ဖြစ်နေတာ နဲ့ပတ်သက်ပြီးသဘောထား အမြင်တွေ ဖော်ပြထားတာ တွေ့ရပါတယ်။
အဲဒီနေ့က အဲဒီတွေ့ဆုံပွဲကို တက်ရောက်ခဲ့သူတွေက

(၁) ပြည်ထောင်စုလွှတ်တော်နာယက ဦးခင်အောင်မြင့်၊
(၂) အမျိုးသားလွှတ်တော်ဒုတိယဥက္ကဌ ဦးမြညိမ်း၊

အမျိုးသားလွှတ်တော်ကော်မတီဥက္ကဌများ ဖြစ်ကြတဲ့
(၃) ဦးဇော်မြင့်ဖေ၊
(၄) ဦးသိန်းဝင်း၊
(၅) ဦးအောင်ထွန်း၊
(၆) ဦးစံထွန်း၊
(၇) ဦးညွန့်တင်၊
(၈) ဦးအောင်ငြိမ်း၊
(၉) ဒေါ်ခင်ဝိုင်းကြည်၊
(၁၀) ဦးနေဝင်းထွန်း၊
(၁၁) ဗိုလ်မှူးကြီး မောင်မောင်ထူး၊
(၁၂) လွှတ်တော်ရုံးမှ တာဝန်ရှိသူများ ဖြစ်ကြောင်း ဖော်ပြထားပါတယ်။

တရားလွှတ်တော် ရှေ့နေ၊ ဦးရောဘတ်စန်းအောင်ရဲ့ ပြောကြားချက်ကို လည်း ဖော်ပြ ထား ပါတယ်။"အခုလို နိုင်ငံခြားသားတွေ လာတဲ့အချိန်မှာ နိုင်ငံတော်အလံကို ဇောက်ထိုး ထိုးပြတယ် ဆိုတာ ပြောရမယ် ဆိုရင် အစိုးရအဖွဲ့က ကိုယ့်ကိုယ်ကို ဆွဲကြိုးချသေတာပဲ။ ကောင်းတာကတော့ သမ္မတကြီး ဦးသိန်းစိန်တို့ အစိုးရတစ်ဖွဲ့လုံး နှုက်ထွက်ပြီးတော့ တာဝန်ရှိတဲ့သူကို တရားစွဲပေးဖို့၊ အရေးယူဖို့ လိုတယ်။""အင်မတန်မှ တိုင်းပြည်အတွက် အရေးကြီးတဲ့အလံတစ်ခုကို ဂုဏ် ကျက်သရေ ညှိုးနွမ်းအောင် ပြုလုပ်တယ်ဆိုတဲ့အတွက် နိုင်ငံတော်အလံဥပဒေ ပုဒ်မ ၁၄၊ ပုဒ်မခွဲ (စ)အရ ဂုဏ်ကျက်သရေ ပျက်ပြားစေရန် တမင်သက်သက်ပြုခြင်း၊ မပြုရလို့ တားမြစ်ချက်ကို ချိုးဖောက်တာ ဖြစ်တော့နိုင်ငံတော်အလံဥပဒေပုဒ်မ(၁၆)အရသုံးနှစ်ထက် မပိုသော ထောင် ဒဏ် ဖြစ်စေ၊ ကျပ်သုံးသိန်းထက်မပိုသော ငွေဒဏ် ဖြစ်စေ၊ ဒဏ်နှစ်ရပ်စလုံး ဖြစ်စေ ချမှတ်ရမယ် လို့ ဆိုထားတယ်။"

ဦးရောဘတ်စန်းအောင်ခင်ဗျား-

တရားလွှတ်တော်ရှေ့နေလို့ ဖော်ပြထားတာ တွေ့ရှိရပါတယ်။ ဒါဆိုရင် ဖွဲ့စည်းပုံအခြေခံဥပဒေကို နားလည်ပါသလား။ နိုင်ငံတော်သမ္မတဟာ အုပ်ချုပ်ရေးအကြီးအကဲပါ။ ပြည်ထောင်စုလွှတ်တော် နာယကဟာ ဥပဒေပြုရေးမဏ္ဍိုင်ကပါ။ မဏ္ဍိုင်ကြီး(၃)ရပ် တတ်နိုင်သမျှ ခွဲခြားကျင့်သုံးပြီး အပြန်အလှန် ထိန်းကျောင်းတဲ့ စနစ်ကို ကျွန်တော်တို့နိုင်ငံက အခု သွားနေတာ ဖြစ်ပါတယ်။

လွှတ်တော်မှာ ဖြစ်တဲ့ကိစ္စ နိုင်ငံတော်သမ္မတနဲ့ အစိုးရတစ်ဖွဲ့လုံးနှုတ်ထွက်ပေးရမယ် ဆိုတဲ့ စကား ဟာ ဘာအဓိပ္ပါယ်နဲ့ ပြောကြားခဲ့ပါသလဲ။

နေပြည်တော်ကို ရောက်ဖူးပါသလား။ ဒါမှမဟုတ် ရောက်ဖူးတဲ့သူတွေရဲ့ စကားတွေကို နားထောင်ဖူးပါသလား။ သမ္မတအိမ်တော်က သတ်သတ်၊ လွှတ်တော်ကသတ်သတ်၊ တစ်ခြားစီပါ။
လွှတ်တော်မှာ ဖြစ်တဲ့ကိစ္စ နိုင်ငံတော်သမ္မတကြီးနဲ့ မဆီလေးရယ်တယ်မှ အို မဆိုင်ပါ။

ဖွဲ့စည်းပုံအခြေခံဥပဒေကို သေသေချာချာ ဖတ်ကြည့်ပါ။ ပုဒ်မ-၁၇ မှ "နိုင်ငံတော်အကြီး အကဲနှင့် နိုင်ငံတော်အုပ်ချုပ်ရေးအကြီးအကဲသည် နိုင်ငံတော်သမ္မတ ဖြစ်သည်"၊ ပုဒ်မ-၅၇ မှာ "နိုင်ငံတော်သမ္မတနှင့် ဒုတိယသမ္မတများသည် နိုင်ငံတော်ကို ကိုယ်စားပြုသည်" ၊ ပုဒ်မ-၅၈ မှာ "နိုင်ငံတော်သမ္မတသည် ပြည်ထောင်စုသမ္မတမြန်မာနိုင်ငံတော်တစ်ဝန်းလုံးတွင် နိုင်ငံသားအားလုံး ၏ အထွတ်အထိပ်နေရာ ရရှိသည်" လို့ အတိအလင်း ပြဌာန်းထားပါတယ်။ ရှေ့နေဖြစ်တဲ့ ဦးရောဘတ်စန်းအောင်အနေနဲ့ ဒီပြဌာန်းချက်တွေဟာ ဘာအဓိပ္ပါယ်လဲ ဆိုတာကို သေသေချာချာ နားလည်မယ် ထင်ပါတယ်။

နိုင်ငံတော်အလံလိုပါပဲ နိုင်ငံတော်သမ္မတဟာ နိုင်ငံတော်ကို ကိုယ်စားပြုနေပါတယ်။

ဒါ့ကြောင့် နိုင်ငံတော်သမ္မတကြီးကို ယခုလို မဆီမဆိုင် ကိုယ်ထင်မြင်ရာ ဆွဲပြီး ပြောကြားတာဟာ ဥပဒေကြောင်းအရ ဘယ်လိုဆိုတာကို လူကြီးမင်းတို့ ပိုပြီးနားလည်လိမ့်မယ် လို့ ယုံကြည်ပါတယ်။

လွှတ်တော်ဟာ အစိုးရလက်အောက်ခံ မဟုတ်ပါဘူး။ သီးခြားတည်ရှိနေတဲ့ မဏ္ဍိုင် တစ်ရပ် ဖြစ် ပါတယ်။

လွှတ်တော်မှာ နိုင်ငံတော်အလံ ဇောက်ထိုးဖြစ်တဲ့ကိစ္စဟာ နိုင်ငံတော်သမ္မတနဲ့ အစိုးရတစ်ဖွဲ့လုံး မှာ တာဝန်ရှိတယ် လို့ ပြောကြားလိုက်ခြင်း၊ လွှတ်တော်ကို မပြောဘဲ နိုင်ငံတော်သမ္မတကြီးနဲ့ အစိုးရအဖွဲ့ကို ပြောကြားလိုက်ခြင်းဟာ တော်တော်လေးကို လွဲမှားနေတယ်လို့ ယူဆပါတယ်။

လွှတ်တော်မှာ ဖြစ်ပွားခဲ့တဲ့ နိုင်ငံတော်အလံဇောက်ထိုး ဖြစ်တဲ့ ကိစ္စမှာ တာဝန်ရှိသူက ဘယ်သူလဲ တရားလွှတ်တော်ရှေ့နေတစ်ယောက်အနေနဲ့ မသိစရာ အကြောင်း မရှိဘူးလို့လည်း ယုံကြည် ပါတယ်။

ဖွဲ့စည်းပုံအခြေခံဥပဒေအရ နိုင်ငံသားတိုင်းဟာ လွတ်လပ်စွာ ပြောကြားခွင့် ပေးထားပါတယ်။ အလားတူပဲ နိုင်ငံသားတွေ လိုက်နာရမယ့် တည်ဆဲဥပဒေတွေ ရှိပါတယ်။

ဘာဖြစ်ရင် ဘယ်လို ဆိုတာတွေကိုလည်း တရားလွှတ်တော်ရှေ့နေ တစ်ယောက်ဖြစ်တဲ့ လူကြီး မင်းအနေနဲ့ ပိုပြီး နားလည် ထားမယ်လို့လည်း အခိုင်အမာ ယုံကြည်ပါတယ်။

ဒါကြောင့် ကျွန်တော့်အနေနဲ့ တောင်းဆိုချက် (၂)ရပ်ကတော့ အောက်ပါအတိုင်း ဖြစ်ပါတယ်-

(၁) ဆရာ ဦးရောဘတ်စန်းအောင်အနေနဲ့ လွှတ်တော်နဲ့ အုပ်ချုပ်ရေးကို ဒီလို မှားယွင်း ပြောကြား ချက်အတွက် တာဝန်ယူပါ။ ဒီဂျာနယ်မှာပဲ ဖြေရှင်းချက် ပြန်ထည့်ပေးပါ။

(၂)မြန်မာပို့စ်ဂျာနယ်အနေနဲ့ကျွန်တော့်ရဲ့ဒီရေးသားဖော်ပြချက်ကိုလာမယ့် အပါတ်ထုတ်  မြန်မာ ပို့စ်  ဂျာနယ်မှာ အပြည့်အစုံ ဖော်ပြပေးပါ။
(ရည်ညွှန်း-မြန်မာပို့စ်ဂျာနယ်၊ Vol.5, No.21, Wednesday, May 29, 2013)


From:Hmuu Zaw'
www.mmdailystar.com

No comments:

Post a Comment