“ Air Force One နှင့်အတူ မြန်မာ့ရေပြင်သို့ ရောက်ရှိလာဖွယ်ရှိသည့် အမေရိကန်ရေတပ်၏ Landing Helicopter Deck စစ်ရေယာဉ် ”

လွန်ခဲ့သောရက်အနည်းငယ်က ဧရာဝတီ ရေတပ် စခန်းဌာနချုပ် အရာရှိ ရိပ်သာ ဧည့်ခန်းမမှာ ကာကွယ်ရေး ဦးစီးချုပ်(ရေ) ဗိုလ်ချုပ်ကြီး သူရသက်ဆွေ နဲ့ အမေရိကန်ရေတပ် Seventh Fleet မှ Amphibious Forces ရဲ့ Commander ဖြစ်သူ Rear Admiral Hugh Wetherald တို့ Call တွေ့ဆုံခဲ့ပြီး နှစ်နိုင်ငံ ရေ တပ်အချင်းချင်း ပူးပေါင်းဆောင်ရွက်မှု ကဏ္ဍများ၊ လူသားချင်း စာနာထောက်ထားမှု အကူအညီပေးရေး၊ သဘာဝဘေးအန္တရာယ် ရှာဖွေကယ်ဆယ်ရေးကိစ္စရပ်များ နဲ့ အမေရိကန် သမ္မတ ခရီးစဉ်နှင့်ပတ်သက်သည့် ကိစ္စရပ်များအား ရင်းနှီးပွင့်လင်းစွာ ဆွေးနွေးခဲ့ကြတယ်လို့ တရားဝင်သတင်းထုတ်ပြန်ချက်များအရ သိရှိရပါတယ်။
ဒီအခြေအနေအရ နှစ်နိုင်ငံရေတပ်အချင်းချင်း ဆက်ဆံရေး နဲ့ ပူးပေါင်းဆောင်ရွက်နိုင်မှု အနေ အထားဟာ အနုတ်လက္ခဏာကနေ တဆင့်ပြီးတဆင့် သာမန်အဆင့်တစ်ခုကို တက်လှမ်းနိုင်ဖွယ်ရှိ တယ်လို မြင်ရပါတယ်။ ဒါ့အပြင် ရေတပ်ဆိုင်ရာ Humanitarian Aid ၊Natural Disaster  Relief and Recovery Arrangements ၊ Search and Rescue (SAR) ကဏ္ဍတွေမှာလည်း လက်တွေ့ပြယုဂ်တစ်ခုဖြစ်ခြင်း/မဖြစ်ခြင်းထက် အတွေ့အကြုံနဲ့ နည်းလမ်းတွေကိုတော့ ဆွေးနွေး ဖလှယ်မှုတွေ ရှိလာနိုင်ပါတယ်။
တစ်နေ့ရွှေ ၊ တစ်နေ့ငွေ ဖြစ်ပြီး ကမ္ဘာ့အနှံ့အပြားတွင်သာမက သမိုင်းသက်သေ သင်ခန်းစာ ဇာတ်လမ်းစုံများ မြင်တွေ့နေရပြီးဖြစ်၍ မျှော်ကိုးဆောင်ရွက်ခြင်းမျိုးထက်
ပါးနပ် လိမ္မာသော ပေါင်း သင်း ဆက်ဆံရေးဖြင့် Win-Win အခြေအနေတစ်ခုကို ဖန်တီးနေသည်ဟု နားလည်မိပါတယ်။ ဒါ့အပြင် မဟာအင်အားကြီး Global Navy တစ်ခုရဲ့ ရန်ဖက်မဖြစ်ရေး / မဟာမိတ်ဖြစ်ရေး ထက် Neutral ဖြစ်ရေးသည်သာ အရှည်ခံသော မဟာဗျုဟာအမျိုးသားအကျိုးစီးပွားရေး ဖြစ်သည်ကိုလည်း စောကြောနေဟန် ရှိပါတယ်။

နောက်တစ်ခုကတော့ အမေရိကန်သမ္မတ ခရီးစဉ်ဖြစ်ပါတယ်။ ၂၀၁၂ ခုနှစ် နိုဝင်ဘာလတုန်းက သမ္မတအိုဘားမား ခရီးစဉ်မှာ Air Force One နဲ့အတူတူ ခရီးစဉ်လုံခြုံရေးအတွက် ကြိုတင်ညှိနိူင်း သဘောတူညီချက်ယူပြီး ဝင်ရောက်လာတဲ့ USS Bonhomme Richard (Landing Helicopter Deck LHD-6) ကို ရန်ကုန်မြို့နဲ့ မလှမ်းမကမ်း မြန်မာ့ရေပြင်မှာ မြန်မာ့စစ်ရေယာဉ်များ မြန်မာ့
ရေတပ်သားများနဲ့အတူ တွေ့မြင်ခဲ့ရဘူးပါတယ်။

ယခုလည်း မကြာခင် နေပြည်တော်မှာကျင်းပတော့မဲ့ အာဆီယံထိပ်သီးအစည်းအဝေးပွဲကို သမ္မတအိုဘားမားတက်ရောက်မှာ ဖြစ်ပါတယ်။ ဒါကြောင့် လာမဲ့နိုဝင်ဘာလအတွင်းမှာ နေပြည်တော်လေဆိပ်မှာ Air Force One ကို တွေ့မြင်ရမှာဖြစ်သလို အမေရိကန်ရေတပ် Seventh Fleet ရဲ့ Amphibious Forces မှ Landing Helicopter Deck- LHD အမျိုးအစားစစ်ရေယာဉ်တစ်စီးကိုလည်း မြန်မာ့ရေပြင်မှာ မြန်မာ့စစ်ရေယာဉ်များ မြန်မာ့ရေတပ်သားများနဲ့
အတူ တွေ့မြင်ရအုံးမှာ ဖြစ်ပါတယ်။

မောင်ဝါဆို(Myanmar Navy)