၂ဝဝ၈ ခုနှစ်၊ ဖွဲ့စည်းပုံအခြေခံဥပဒေ ပြင်သင့် - မပြင်သင့် သုံးသပ်ချက်စာတမ်း

မြန်မာ့သမိုင်းကြောင်း
* မြန်မာ့လွတ်လပ်ရေးဗိသုကာ 
အမျိုးသားခေါင်းဆောင်ကြီး
 မြန်မာတို့ အသိအမှတ်ပြုခဲ့ကြ
ရသည့် ကွယ်လွန်သူ အာဇာ
နည်ခေါင်းဆောင်ကြီး ဗိုလ်ချုပ်အောင်ဆန်းသည် မြန်မာနိုင်
ငံနှင့် မြန်မာနိုင်ငံသား တစ်မြေပေါ် အတူဖွားတိုင်းရင်းသားလူမျိုး မြန်မာပြည်သူများကို တကယ့်မျိုးချစ်စိတ်အမှန်ဖြင့် ချစ်ခဲ့သူ ဖြစ်ပါသည်။
* မြန်မာပြည်သူများကို ကိုယ်ကျိုးမမြှော်ဘဲ အမှန်တကယ် ချစ်ခဲ့သူဖြစ်၍လည်း မြန်မာပြည်သူတို့ အဖိနှိပ်ခံသွေးစုပ်ခံကျွန်ဘဝသို့ ၁၈၂၅ ခုနှစ် (ပထမအင်္ဂလိပ်တို့ သိမ်းယူကျွန်ပြုချိန်မှ ၁၉၄၈ ခုနှစ် ဇန်နဝါရီ ၄ ရက်နေ့အထိ) နှစ်ပေါင်း ၁၂၃ နှစ်ကျော် ဖိနှိပ်ချုပ်ချယ် ညှင်းပမ်း သွေးစုပ်ခံရ ဆင်းရဲမွဲတေကျန်ခဲ့ရသည်ကို မခံမရပ်နိုင်ဖြစ်ပြီး ကျောင်းသားခေါင်းဆောင် ကိုအောင်ဆန်းဘဝ၊
တို့ဗမာအစည်းအရုံး အထွေထွေအတွင်းရေးမှူး သခင်အောင်ဆန်းဘဝ၊ ရဲဘော်သုံးကျိပ်နှင့် ဗမာ့လွတ်လပ်ရေးတပ်မတော်ကို ဦးဆောင်ဖွဲ့စည်းကာ နယ်ချဲ့အင်္ဂလိပ်တို့ကို လက်နက်ကိုင်တော်
လှန်ခဲ့သည်။
* ဗိုလ်တေဇ (ခေါ်) ဗိုလ်အောင်ဆန်း စစ်သေနာပတိချုပ်၊ ဖဆပလ ဥက္ကဌ၊ အောင်ဆန်း-အက်တလီ စာချုပ် ချုပ်ဆိုကာ လွတ်လပ်ရေးအရယူပေးခဲ့သည်။ သခင်အောင်ဆန်းသည် မျိုးချစ်စိတ်ဓာတ်၊ ပင်လုံညီလာခံဖြင့် ပြည်ထောင်စုလွတ်လပ်ရေးကို ရယူပေးသည့် ပြည်ထောင်စုစိတ်ဓာတ်၊ နယ်ချဲ့ ဆန့် ကျင်ရေးစိတ်ဓာတ်၊ အမျိုးသားလွတ်လပ်ရေး (သို့မဟုတ်) လွတ်လပ်ရေးစိတ်ဓာတ်၊ နယ်ချဲ့ တို့ နှစ်တစ်ရာကျော် ကျွန်ပြုသွေးစုပ် ကြွယ်ဝသွားသလောက် မြန်မာအများစုဖြစ်သော အလုပ်သ မား၊ တောင်သူလယ်သမား၊ ခေါင်းရွက်ဗျက်ထိုး၊ ကုန်ထမ်းကူလီ- လယ်ကူလီဘဝ ရောက်နေရသည့် ဆင်းရဲသားများ လူတန်းစေ့နေထိုင်စားသောက်စေလိုသည့် အများကောင်းစားရေး (ဆိုရှယ်လစ် စိတ်ဓာတ်) အလွန်ထက်သန်သော တကယ့်ခေါင်းဆောင် အာဇာနည် ဖြစ်ပေသည်။

* မြန်မာနိုင်ငံကို မသိမ်းပိုက်မီ ကုန်သွယ်ရေးလောက်ဖြင့် နယ်ချဲ့(အရင်းရှင် မတော်လောဘ) စီးပွားရေးပုံစံဖြင့် အင်္ဂလိပ်တို့၏ ဘုံဘေဘားမားကုမ္ပဏီသည် အဖိုးတန်မြန်မာ့ကျွန်းသစ်လုံးရေ ငါးသောင်းကျော် ခိုးထုတ်ခဲ့သည်။ ထိုကိစ္စအကြောင်းပြုပြီး နယ်ချဲ့စစ်တပ်များ အလုံးအရင်းဝင်ရောက်ကာ မြန်မာတစ်နိုင်ငံလုံးကို ကျူးကျော်သိမ်းပိုက်ခဲ့သည်။ ၁၈၈၅ ခုနှစ်၊ နိုဝင်ဘာလတွင် မြန်မာတစ်နိုင်ငံလုံးကို အလိုပြည့်သွားသော အင်္ဂလိပ်တို့သည် ဘုံဘေဘားမားကုမ္ပဏီဖြင့် မြန်မာ့အဖိုးတန်သစ်တောကြီးကို အပိုင်စီး စိတ်ကြိုက်ခုတ်ယူ စီးပွားဖြစ်သွားသည့် ဘုံဘေဘားမားနှင့်အလားတူ အင်္ဂလိပ်ကုမ္ပဏီများကပင် မြန်မာ့ မြေပေါ်မြေအောက် ရေပေါ်ရေအောက် သယံဇာတများကို လက်ကုန်နှိုက်ယူ ချမ်းသာသွားကြသည်။

* ဘီအိုစီ၊ အိုင်ဘီပီ စသည့် ကုမ္ပဏီများကပင် မြန်မာ့ရေနံများ စိတ်တိုင်းကျ ထုတ်ယူ သူဌေးဖြစ်သွားခဲ့သည်။ စတီးဘရားသားဘူလင်ဂျာပူးလ်စ် ကဲ့သို့သော အင်္ဂလိပ်ကုမ္ပဏီများက မြန်မာတောင်သူလယ်သမား ကိုင်းကျွန်းယာသမား စိုက်ပျိုးသည့် ဆန်စပါးမှအစ ပဲ၊ ပြောင်း၊ နှမ်း၊ ဝါ၊ ရော်ဘာ၊ ဂုံလျှော်၊ ကောက်ပဲသီးနှံမှန်သမျှ ဈေးနှိမ်ဝယ်၍ ပြည်ပသို့ ဈေးတင်ပြီး ဘောဂသူဌေးကြီးများဖြစ်သွားကြသည်။ မြန်မာ့အလုပ်သမား၊ တောင်သူလယ်သမား၊ ဆင်းရဲသားများအား စားတော့တစ်လုပ်၊ ဝတ်တော့အစုတ်၊ နေတော့တဲပုတ်ဘဝက မတက်ကြတော့ပေ။ ထို့ကြောင့် ရေနံမြေအလုပ်သမားသပိတ်ကြီးနှင့်တကွ စက်ရုံ၊ အလုပ်ရုံ၊ အလုပ်သမားသပိတ်များ၊ အလုပ်သမားအခွင့်အရေးတိုက်ပွဲများ၊ ကျောင်းသားသပိတ်များ၊ ကိုလိုနီ သူ့ကျွန်ဘဝတစ်လျောက် တန်းစီပေါ်ပေါက်လာခဲ့သည်။

* အင်္ဂလိပ်တို့သည် ရေမြေဩဇာကောင်းသော မြန်မာ့လယ်ယာမြေများကို
မြန်မာ့တောင်သူလယ်သမားများ စိုက်ပျိုးထွက်ရှိသလောက်ဖြင့် မရောင့်ရဲမတင်းတိမ်ဘဲ ရလေလိုလေ အိုတစ္ဆေ ဝိသမလောဘဖြင့် မြန်မာနိုင်ငံကို အင်္ဂလိပ်ပိုင် အိန္ဒိယနိုင်ငံ၏ အစိတ်အပိုင်းပြည်နယ်တစ်ခုအဖြစ် သွတ်သွင်းကာ အိန္ဒိယမှ ဇာတ်နိမ့်ဆင်းရဲသားများ၊ ငွေတိုးချေးစားသည့် ချစ်တီးများ၊ သိန်းချီသွင်းလာခဲ့ကာ မြန်မာမြေများ၌ စိုက်ပျိုးစေခဲ့သည်။ မြန်မာတောင်သူလယ်သမား၊ အလုပ်သမား၊ လစာနည်းအမှုထမ်း၊ ခေါင်းရွက်ဗျက်ထိုးဆင်းရဲသားများကို ချေးငွေတစ်ရာလျှင် အတိုးနှုန်း(၂ဝ)ကျပ်မှ (၃ဝ)ကျပ်အထိယူကာ ချေးခဲ့သည်။ အင်္ဂလိပ်ဘဏ်များက ချစ်တီးများကို ငွေလိုသလောက် တစ်ရာလျှင်အတိုးနှုန်း(၃)ကျပ်ဖြင့် ထုတ်ချေးခဲ့သည်။ အမြတ်ငွေနှင့် ချေးငွေ မဆပ်နိုင်လျှင် တရားစွဲ ဝရမ်းကပ်ကာ အိမ်ရာ၊ စိုက်ပျိုးမြေ၊ သီးနှံ၊ နှမ်း၊ နွား၊ ထွန်တုံး၊ ထွန်ဆံပါမကျန် ကြွေးသိမ်းခဲ့ရာ မြန်မာများ မချိမဆန့် ခံခဲ့ကြရသည်။

* ဤသည်ကို ကျောင်းသားဘဝ၊ သခင်ဘဝ၊ ဖဆပလ၊ ခေါင်းဆောင်ဘဝဖြင့် သိနေသော ဗိုလ်ချုပ်အောင်ဆန်းသည် မြန်မာပြည်ကို မြန်မာတို့မပိုင်၊ နိုင်ငံခြားသားစုံ အင်္ဂလိပ်နှင့်အပေါင်းအပါ ဥရောပအရင်းရှင်နိုင်ငံများ တရုတ်၊ ကုလား၊ ချစ်တီးများလက် လုံးဝကျရောက်နေသည်ကို သတိပြုမိ၊ မခံမရနိုင်ဖြစ်ခဲ့သည်။

* အင်္ဂလိပ်တို့ အုပ်စိုးသည့်ကာလ ဘုရင်ခံ၏ အတိုင်ပင်ခံ (မင်းတိုင်ပင်အမတ်) ဥပဒေပြုကောင်စီတို့တွင်လည်းအင်္ဂလိပ်များ၊ အင်္ဂလိပ်ကပြားများ၊ တရုတ် ကုလားများက ကြီးစိုးပြီး မြန်မာတို့ကို ဖိနှိပ်ချုပ်ချယ် ကန့်သတ်ဆောင်ရွက်ကာ ကြိုးစင်တင် စသည်ဖြင့် မတော်မတရားလုပ်နေသည်များကိုဗိုလ်ချုပ်အောင်ဆန်းက မျက်မြင်ကိုယ်တွေ့ သိရှိခဲ့၊ ဒေါသဖြစ်ခဲ့ရသည်။

** ဗိုလ်ချုပ်အောင်ဆန်း၏ အမျိုးသားရေးခံယူချက် **

* ၁၉၄၇ ခုနှစ် ဇွန်လ ၁၆ ရက်နေ့တွင် ကျင်းပသည့် တိုင်းပြုပြည်ပြုလွှတ်တော် အစည်းအဝေး အမှတ်(၄)တွင် “လွတ်လပ်ရေးအချုပ်အခြာအာဏာပိုင် မြန်မာနိုင်ငံတော်အတွက် ရေးဆွဲရမည့် ဖွဲ့စည်းပုံအခြေခံဥပဒေနှင့် ပတ်သက်သည့် လမ်းညွှန်ပြဌာန်းချက်” အဆိုကို ရန်ကုန်မြို့မ(လမ်းမတော်) မဲဆန္ဒနယ် ကိုအောင်ဆန်း(ဗိုလ်ချုပ်အောင်ဆန်း)က အဆိုတစ်ရပ်တင်သွင်းခဲ့သည်။

* ယင်းလမ်းညွှန်ပြဌာန်းချက်တွင် အခြေခံရမည့်လမ်းညွှန်ချက်(၇)ရပ်ကို ရှင်းလင်းတင်ပြပြီး နိုင်ငံခြားသား လွှမ်းမိုးမှု၊ စွက်ဖက်ဩဇာပေးမှု ကင်းရှင်းသော မြန်မာ့လွတ်လပ်ရေးဖြစ်စေရန်တင်ပြပြောကြားချက်အချို့ကို အောက်ပါအတိုင်း ကောက်နှုတ်တင်ပြပါမည်။

* “အင်္ဂလိပ်ဟာ အမှန်စင်စစ် အနှေးနှင့်အမြန် သူ့လက်အောက်ခံ တိုင်းနိုင်ငံတွေက ထွက်သွားရတော့မှာပဲ၊ ဘယ်လိုပဲဖြစ်ဖြစ် သည်လိုဖြစ်နေပြီ။ ကမ္ဘာ့အလားအလာကြီးထဲမှာ သည်လိုစိတ်ထား (အင်္ဂလိပ်ကို ဆက်လက်အားကိုးအားထားပြုလိုသူများကို ရည်ရွယ်သည်) ရှိတဲ့လူတွေဟာ ကိုးကွယ်ရာ ဘယ်နည်းနှင့်မျှ ရှိနိုင်မှာ မဟုတ်ဘူးဆိုတာ ကျွန်တော် သတိပေးလိုတယ်။ အဲသည်တော့ ကျွန်တော်တို့ တိုင်းပြုပြည်ပြုလွှတ်တော်အကြောင်း ပြောရလျှင် ဘယ်အင်္ဂလိပ်ရဲ့အကူအညီနှင့်မျှ ဒီတိုင်းပြုပြည်ပြုလွှတ်တော်ကို လာပြီးတော့ ဩဇာမပေးနိုင်ဘူးဆိုတာ သိစေချင်ပါတယ်။”

* “လွတ်လပ်တဲ့နိုင်ငံတော်ဆိုပြီး ဖွဲ့စည်းတည်ဆောက်လိုက်တဲ့ နိုင်ငံတော်အသီးသီးရှိကြပေမယ့် အချုပ်အခြာအာဏာနဲ့ပြည့်စုံတဲ့နိုင်ငံတော် Sovereign State အချို့နိုင်ငံတွေကတော့ အဲသည်လိုမဟုတ်ဘဲနဲ့ ပြည်ထောင်အချင်းချင်း ဆက်သွယ်တဲ့ နိုင်ငံရေးစကားမှာဆိုလို့ရှိရင် Vassal State လို့ အဆိုခံရပေတယ်။ Vassal ဆိုတာက တပည့်၊ ကျွန်နိုင်ငံလို သဘောထားမျိုးပဲ။ ကျွန်ဆိုပေမယ့် Colony မဟုတ်ဘူး။ သူ့ဖာသာသူ၊ သူ့မင်းနဲ့သူ့ချင်းနဲ့၊ သူ့အစိုးရနဲ့ပဲ။ အပြင်ဘမ်းအားဖြင့်တော့ လွတ်လပ်တယ်။ သို့သော်လည်း နိုင်ငံကြီးတစ်နိုင်ငံရဲ့ ဩဇာလွှမ်းမိုးမှု၊ ချုပ်ချယ်မှုကို အထူးတလည် ခံနေရတဲ့နိုင်ငံဖြစ်လို့ Vassal State လို့ ခေါ်တယ်။ နောက်ပြီးတော့ ကျွန်တော်တို့ နိုင်ငံကြီးနှစ်နိုင်ငံအကြားမှာ နယ်နိမိတ်ခြားပေးရုံလောက်ဖြစ်တဲ့ နိုင်ငံတော်မျိုးလည်း ရှိပါတယ်။ Buffer State အဲသည်လို နိုင်ငံတော်အမျိုးမျိုး လက်တွေ့အားဖြင့်ရှိတယ်ဆိုတာကို ကျွန်တော်တို့ တွေ့ရပါတယ်။ ကျွန်တော်လိုချင်တာကတော့ နိုင်ငံတော်ဟာ နှစ်နိုင်ငံကြားမှာ နယ်နိမိတ်ကြားပေးရုံလောက်ဖြစ်တဲ့ Buffer State မျိုးလို နယ်ခြားနိုင်ငံကလေးမျိုးလည်း မဖြစ်စေချင်ဘူး။ နောက်ပြီးတော့ နိုင်ငံကြီးတစ်နိုင်ငံရဲ့ ဩဇာလွှမ်းမိုးမှု အထူးတလည်ခံရတဲ့ Vassal State လိုမျိုးလည်း မဖြစ်စေချင်ဘူး။ ကျွန်တော်တို့ ဖြစ်စေချင်တဲ့ နိုင်ငံကတော့ “ဆန်မရှိ၊ စောက်စားကြီး”ပဲ ခေါ်ခေါ်၊ ကျွန်တော်တို့ ဖြစ်စေချင်တဲ့ နိုင်ငံကတော့ လွတ်လပ်ပြီး အချုပ်အခြာအာဏာပိုင်တဲ့ နိုင်ငံတော်ဖြစ်ချင်တယ်။”
[ဩဘာသံများ]

* “အမှန်စစ်စစ် နိုင်ငံတော်ရယ်လို့ ဖွဲ့စည်းလိုက်တဲ့အခါမှာ အဲဒီနိုင်ငံတော်မှာရှိတဲ့ အချုပ်အခြာအာဏာတွေကို ပိုင်တဲ့လူတွေဟာ ဘယ်သူတွေဖြစ်ရမလဲဆိုရင် ကျွန်တော်တို့ ယုံကြည်ယူဆချက်ကတော့ နိုင်ငံသူနိုင်ငံသားတို့ဟာ အဲဒီနိုင်ငံမှာရှိတဲ့ အချုပ်အခြာအာဏာကို ပိုင်ဆိုင်တဲ့လူတွေလို့ ယူဆပါတယ်။”

* ဗိုလ်ချုပ်အောင်ဆန်း(ဦးအောင်ဆန်း)၏ လမ်းညွှန်ပြဌာန်းချက်အဆိုကို မန္တလေးကျေးလက် မြောက်ပိုင်းအမတ် ဦးသန်းညွန့်က ထောက်ခံရာတွင် ဤသို့ ပြောကြားခဲ့သည်။

* “ယခု ကျွန်တော်တို့မှာ မြန်မာပြည် လုံးဝ အချုပ်အခြာအာဏာပိုင်နှင့် ပြည့်စုံတဲ့ သမ္မတနိုင်ငံတော်အဖြစ် ဆောင်ကြဉ်းပေးဖို့ တာဝန်ရှိလာပါတယ်။ သည့်ပြင်တစ်ချက်ဟာ အချုပ်အခြာအာဏာပိုင်ဆိုတာ ဘာလဲ။ လုံးဝလွတ်လပ်ရေးဆိုတာ ဘာလဲ။ နည်းနည်းခွဲခြားပြီး ပြောဖို့ လိုပါတယ်။ လွတ်လပ်တိုင်း အချုပ်အခြာအာဏာပိုင်တာ မဟုတ်ဘူး။ ကျွန်တော်တို့ မကြာသေးမီက အင်ဒိုနီးရှားတိုင်းပြည်ဟာ ဒတ်ခ်ျ(နယ်သာလင်နိုင်ငံ) လက်ထဲက ရုန်းကန်ထွက်ခဲ့တဲ့အခါမှာ သူ့ကို လွတ်လပ်တဲ့နိုင်ငံရယ်လို့ အသိအမှတ်ပြုခြင်းခံရပေမယ့်၊အချုပ်အခြာအာဏာပိုင် လုံးဝမရှိပါဘူး ဆိုပြီး ဗြိတိသျှနှင့် အင်္ဂလိပ်တို့က ဆိုပါတယ်။ ကျွန်တော်တို့ ယခုလိုချင်တဲ့ လုံးဝလွတ်လပ်ရေး အချုပ်အခြာအာဏာပိုင် ဆိုတာ၊ နိုင်ငံရေးအုပ်ချုပ်မှုတွင်သာမက ပြည်တွင်းပြည်ပဆက်သွယ်ရေး၊ စီးပွားရေး၊ ကြီးပွားရေးတွေဟာ ပြင်ပက အချုပ်အချယ်ကင်းမဲ့ပြီး ကိုယ့်ကြမ္မာကိုယ် ဖန်တီးနိုင်တဲ့ လုံးလုံးအချုပ်အခြာအာဏာပိုင်တိုင်းပြည်အဖြစ်နှင့် ရှိဖို့ဆိုတာ ကျွန်တော်တို့ ရည်ရွယ်ပြီးတော့ကာ၊ လွတ်လပ်တဲ့ အချုပ်အခြာအာဏာပိုင် နိုင်ငံတော်ဖြစ်အောင် ဆောင်ရွက်နေကြပါတယ်။ ”

* တောင်တန်းဒေသများဆိုင်ရာ မဲဆန္ဒနယ်အမတ် ဦးထွန်းမြင့်ကလည်း ဦးအောင်ဆန်းအဆိုကို ထောက်ခံရာ၌ ဤသို့ ပြောကြားခဲ့သည်။

* “ကျွန်တော်တို့နိုင်ငံကို လွတ်လပ်တဲ့နိုင်ငံအဖြစ်နဲ့ တည်ဆောက်မယ်ဆိုလျှင် ဘိလပ်(လန်ဒန်)အစိုးရ လက်ထဲမှာရှိတဲ့ အာဏာတွေ၊ ဘုရင်ခံလက်ထဲမှာ ရှိတဲ့အာဏာတွေ အကုန်လုံး ရယူနိုင်မှ ဖြစ်မယ်။ ဒါတွေ မရလျှင် ကျွန်တော်တို့ လွတ်လပ်ရေးနဲ့ ဘာမှခြားနားမှာမဟုတ်ဘူး။ စီးပွားရေးအားဖြင့် ကြည့်မယ်ဆိုလျှင် နိုင်ငံခြားအရင်းရှင်၊ ကုမ္ပဏီတွေ၊ သွေးစုပ်နေတဲ့ ကုမ္ပဏီတွေ၊ ပရောဂျက်စီမံကိန်းတွေ၊ အမြန်ဆုံး အမျိုးသားပိုင်ဖြစ်စေ၊ တိုင်းသူပြည်သားပိုင်ဖြစ်စေ၊ သမဝါယမအဖွဲ့အစည်းပိုင်ဖြစ်စေ လုပ်ရမယ်။ အဲဒါတွေ မလုပ်ဘူးဆိုလျှင် နိုင်ငံရေး၊ စီးပွားရေးအားဖြင့် နိုင်ငံခြားသားတွေ ခြယ်လှယ်မယ်ဆိုလျှင် တကယ်ခေတ်မီတဲ့ နိုင်ငံတွေလို ကမ္ဘာ့ထိပ်တန်းရောက်အောင် လုပ်နိုင်မှာမဟုတ်ဘူး။”

* ဦးအောင်ဆန်း၏အဆိုကို တိုင်းရင်းသားလူမျိုးစုံအမတ်များ၊ မြန်မာနိုင်ငံဒေသစုံမှ အမျိုးသမီးအမတ်၊ အမျိုးသားအမတ်၊ ကွန်မြူနစ်အမတ်များကပါ ထောက်ခံဆွေးနွေးပြီး လွှတ်တော်က ကန့်ကွက်မရှိ တစ်ခဲနက်ထောက်ခံ အတည်ပြုခဲ့ပေသည်။

ဆက်လက်ဖော်ပြပါမည်။