ကျောင်းလခ ၃၅ ရာခိုင်နှုန်း ထပ်မံတိုးမြှင့်မည်ကို ကျေနပ်မှု မရှိ၍ ISM နိုင်ငံခြားကျောင်းရှေ့တွင် ကျောင်းသားမိဘ ၃၀၀ ခန့် စုဝေးမှုဖြစ်ပွား

အတန်းများအားလုံး၏ ကျောင်းလခအား ၃၅ ရာခိုင်နှုန်း ထပ်မံတိုးမြှင့်မည်ကို မကျေနပ်၍ International School of Myanmar (ISM) နိုင်ငံခြားကျောင်းရှေ့တွင် ကျောင်းသားမိဘ ၃၀၀ ခန့် စုဝေးမှု ဖြစ်ပွား ခဲ့ကြောင်း သတင်း ရရှိသည်။ အဆိုပါကျောင်းမှာ နှစ်စဉ်ကျောင်း လခ တိုးမြှင့်နေသော်လည်း ယခု ၂၀၁၃-၂၀၁၄ ပညာသင်နှစ်တွင် တိုးမြှင့် မည့် ကျောင်းလခမှာ ၄၀ ရာခိုင်နှုန်းအထိ ဖြစ်နေကြောင်း၊ ထို့အတွက် ISM ကျောင်းသား မိဘများနှင့် မေ ၇ ရက်က ညှိနှိုင်းခဲ့ရာ ထပ်မံတိုးမြှင့်မည့် ရာခိုင်နှုန်းထဲမှ ၄ ရာခိုင်နှုန်း သာ လျှော့ချပေးနိုင် မည် ဆိုခြင်းကြောင့် ယခုလို စုဝေးမှု ဖြစ်ပေါ်ခဲ့ခြင်း ဖြစ်သည်။
၎င်းအပြင် ကျောင်းသားမိဘများအား ယခုလို ကျောင်းလခ တိုးမြှင့်မည်ကို ကြိုတင်အသိမပေးခြင်းနှင့် ISM နိုင်ငံခြားကျောင်းသည် စီးပွားရေးသဖွယ် လုပ်ကိုင် လာဟန်ရှိကြောင်း ကျောင်းသား မိဘများ က ဝေဖန်သုံးသပ်နေကြသည်။ISM နိုင်ငံခြားကျောင်းရှိ မူလတန်း ကျောင်းသားတစ်ဦး၏ ဖခင် ကိုရန်နိုင်က "အခုက ပညာရေးဘက်ကို မရောက်တော့ဘူး။ စီးပွားရေးဘက် ကို ပြောင်းနေ သလို ဖြစ်နေ တယ်။ ပုံမှန်က နှစ်စဉ် ၇ ရာခိုင်နှုန်းကနေ ၁၅ ရာခိုင်နှုန်းကြားပဲ တက်တာ။ အခု ၃၅ ရာခိုင်နှုန်း ကို လျှော့ချပေးဖို့ ကျောင်းသားမိဘတွေ စုပေါင်းပြီး ဆက်လက်ညှိနှိုင်း သွားပါမယ်" ဟု ပြောသည်။
ISM နိုင်ငံခြားကျောင်းမှ ယခုလို ၃၅ ရာခိုင်နှုန်းခန့်အထိ ထပ်မံတိုးမြှင့်ရခြင်းအပေါ် တရားဝင် ထုတ်ပြန်ပြော ကြားခြင်း မရှိသေးသော် လည်း ISM နိုင်ငံခြားကျောင်းတွင် စာသင်ကြားပေးနေ သူ နိုင်ငံခြားသား ဆရာ၊ ဆရာမများအတွက် နေစရိတ်၊ စားစရိတ် ပိုမိုမြင့်တက်လာသည့် အတွက် ဖြစ်ကြောင်း ကျောင်းသားမိဘ အသိုင်းအ၀န်းများမှ ပြောကြားနေကြသည်။
ယင်းဖြစ်စဉ်နှင့် စပ်လျဉ်း၍ ISM နိုင်ငံခြားကျောင်းမှ တာဝန်ရှိသူများအား မေးမြန်းရန် တွေ့ဆုံ ခွင့် တောင်း ခဲ့သော်လည်း ပြန်လည်ရှင်းလင်းခြင်း မရှိခဲ့ကြောင်း သတင်းရရှိသည်။
ISM နိုင်ငံခြားကျောင်းရှိ ကျောင်းသားတစ်ဦး၏ မိခင်ဒေါ်မာလာက "အဲဒီကျောင်းမှာလည်း နိုင်ငံခြားသား ဆရာ/ဆရာမ ၆၀ လောက်ရှိတဲ့ အတွက်ကြောင့် ဟိုတယ်မှာ ထားရတယ် ပြောတယ်။ ကျောင်းလခကို ၃၅ ရာခိုင်နှုန်းထိ တိုးမြှင့်တယ်လို့ သိရပါတယ်" ဟု ပြောသည်။
လက်ရှိ ISM နိုင်ငံခြားကျောင်းတွင် အမေရိကန်ဒေါ်လာဖြင့် ကျောင်းလခကို ကောက်ခံပြီး Pre-K 3 ၃၆၀၀၊ Pre-K 4 ၅၆၀၀၊ KG ၆၁၀၀၊ Grade 1 မှ Grade 5 ထိ ၈၄၀၀၊ Grade 6 မှ Grade 8 ထိ ၉၇၀၀၊ Grade 9 မှ Grade 11 ထိ ၁၀၆၀၀၊ Grade 12 ၁၁၅၀၀ ထိ လက်ရှိ ၂၀၁၂-၂၀၁၃ ပညာရေးနှစ်တွင် ကောက်ခံလျက်ရှိကြောင်း သိရသည်။
၎င်းအပြင် International School of Myanmar (ISM) ကျောင်းသည် ကျောင်းလခကို ၂၀၀၉-၂၀၁၀ ပညာသင်နှစ်တွင် ကျောင်းလခ ၅ ရာခိုင်နှုန်း၊ ၂၀၁၁-၁၂ ပညာသင်နှစ်တွင် ၇ ရာခိုင်နှုန်း၊၂၀၁၃-၁၄ ပညာသင်နှစ်တွင် ၁၅ ရာခိုင်နှုန်းဖြင့် ကျောင်းလခများ တိုးမြှင့်ခဲ့ကြောင်း သိရသည်။
(ISM) ကျောင်းအား ၁၉၉၀ ခုနှစ်နောက်ပိုင်းမှ စတင်ဖွင့်လှစ်ခဲ့ပြီး ယင်းကျောင်းတွင် နိုင်ငံခြားသား အများစုကိုသာ သင်ကြားပေးခဲ့သော ကျောင်းဖြစ်သည်။
အဆိုပါ ကျောင်းသည် International ကျောင်းဖြစ်သည့် အားလျော်စွာ English 4 skill အပြင် သင်ရိုးညွှန်းတမ်းအတိုင်း အမေရိကန် course ဖြင့် သင်ကြားပေးနေပြီး အသက်သုံးနှစ်အရွယ်မှစ၍ မူလတန်း (Elementary School)၊ အလယ်တန်း (Middle School)၊ အထက်တန်း (High School) Grade 12 အထိ သင်ကြားပေးလျက်ရှိပြီး အမေရိကန်နိုင်ငံရှိ နာမည်ကျော် တက္ကသိုလ်များ ကောလိပ်များနှင့် ချိတ်ဆက်ထားကြောင်း သိရသည်။
၂၀၁၃ ဖေဖော်ဝါရီလ အတွင်းကလည်း Horizon International School တွင် ကျောင်းလခ တိုးမြှင့်ကောက် ခဲ့မှုနှင့် စပ်လျဉ်း၍ ယခုဖြစ်စဉ်ကဲ့သို့ ဖြစ်ပွားခဲ့ကြောင်း သိရသည်။