ကေးထျိုးဘိုးခေါ် တံခွန်တိုင်ရိုးရာပွဲတော်မှာ ပွဲလည်သူပရိတ်သတ်တွေ ပျော်ရွင်နိုင်ဖို့ အတွက် မြန် မာ ရုပ်ရှင် သရုပ်ဆောင် ရာဇာနေဝင်း၊ မြင့်မြတ်၊ သူထူးစံ၊ ကျော်ကျော်ဗို၊ ဇာနည်၊ ဟက်ကက်၊ မိုးယံဇွန်၊ ထွန်းထွန်း၊ နေဒွေး၊ဝင်းထွန်းထွန်းဒါရိုက်တာ)အနုပညာရှင်များ၊ဘိုဖြူ၊အိုင်ရင်းဇင်မာမြင့်၊ ငဲရယ် နှင့် တခြားအဆိုရှင်တွေကို ဖိတ်ခေါ်ပြီး ဖျော်ဖြေရေး အစီအစဉ်တွေ လည်း ပြုလုပ်ပေးပါ တယ်။
"ကျနော်တို့ ဒီနှစ်ကတော့ပွဲတော်ဆိုလို့ရှိရင် ကျနော်တို့ဂေါပကအဖွဲ့တွေအနေနဲ့ လုပ်တာက ဒီနေ့ပွဲနဲ့ဆို ၅၅ ကြိမ်မြောက် ပွဲတော်ဖြစ်သွားပြီ ဒီနှစ်ပွဲတော်ကတော့ ဟိုရင်ကတည်းလိုပဲ ရိုးရာ နဲ့ပဲ ကျနော်တို့ရိုးရာစဉ်လာမပျက်ပဲ ကျနော်တို့ လုပ်ဆောင်ပါတယ် နောက်ပြီးတော့ ခေတ် နဲ့အညီ ဒီတနှစ်ကတော့ အားကစား မျိုးစုံနဲ့ထည့်ပီးတော့မှကျင်းပပါတယ်။ ပျော်ပွဲရွှင်ပွဲ လည်းဖြစ်အောင် စည်စည်ကားကားလည်းဖြစ်အောင် စတိတ်ရှိုးအဆိုတော်တွေ ဖိတ်ကြားပြီးတော့ မှ ဒါကျနော်တို့ လုပ်ဆောင်ပါတယ်" လို့ ကေးထျိုးဘိုး ဂေါပကအဖွဲ့ချုပ် ဒု-ဥက္ကဌ ဦးဖိုးရယ်က ပြော ပါတယ်။
ကယားပြည်က ကရင်နီမျိုးနွယ်စုတို့ဟာ မိမိတို့အမှီတဟဲပြုနေရတဲ့ ရေမြေတောတောင်နဲ့ ကောင်း ကင်၊ နေ၊လ၊ကြယ်တို့ရဲ့သခင်ကိုချီးမွန်းပူဇော်ခြင်းနဲ့တိရိစ္ဆာန်၊သီးနှံလယ်ယာမြေတို့အတွက် ကောင်း ကြီးမင်္ဂလာ တောင်းခံဖို့အတွက် တံခွန်တိုင်ပွဲတော်ကို ကျင်းပပြုလုပ်ကြတာပါ။
ကရင်နီအမျိုးသားတွေဟာ တံခွန်တိုင်ပွဲတော်ကို ခရစ်ယန်သာသနာ မထွန်းကားခင်ကတည်းက အစဉ်အလာအရ တနှစ်တခါပြုလုပ်လာခဲ့ကြတဲ့အတွက် အမျိုးသားတို့ရဲ့ သမိုင်းယဉ်ကျေးမှု ဓလေ့ ထုံး တမ်း အစဉ်အလာကို ဖေါ်ညွန်းတဲ့ ပွဲလမ်းသဘင် ဖြစ်ပါတယ်။
"ဒီပွဲတော်ကတော့ အခုခေတ်မှာတော့ ကျနော်တို့ ဘာသာရေးတခုအနေနဲ့ သတ်မှတ်လို့မရပါ ဘူး ရှေးရှေးတုန်းကတော့ ဒီဘာသာရေး မထွန်းကားသေးတဲ့အချိန်မှာ ကိုယ့်ရိုးရာတခုလိုမျိုး အစဉ်အလာမပျက် ရှေးဘဝင်သနီကတည်းက လုပ်လာတဲ့ပွဲတော်ဆိုတော့ ကျနော်တို့ ဒီဘာသာတခုလို့ သတ်မှတ်လို့မရပါဘူး။ ရိုးရာပွဲတော်တခုအနေနဲ့ပဲ သတ်မှတ်ပါတယ်"လို့ ဒု-ဥက္ကဌ ဦးဖိုးရယ်က ပြောပါတယ်။
အမျိုးသားလက္ခဏာနဲ့ သမိုင်းယဉ်ကျေးမှုကိုဆောင်တဲ့ တံခွန်တိုင်ပွဲကို ကရင်နီမျိုးနွယ်စုတွေဖြစ်ကြ တဲ့ ကယား၊ ကယန်း၊ ကယောတို့ကနေ ယနေ့ထိတိုင် မိမိတို့ဘိုးဘွားအစဉ်အရ ကျင်းပပြု လုပ် နေ ကြ တာပါ။
ယနေ့အခမ်းအနားပြီး ညအစီအစဉ်အနေနဲ့ ဖျော်ဖြေရေးအစီအစဉ်တွေဆက်လုပ်သွားကြမှာဖြစ်ပြီး လာ မည့်မနက်ဖြန်မှာတော့ စုပေါင်းကေးထျိုးဘိုးတိုင်တော်ကို မြေစိုက်ထူကြမှာ ဖြစ်ပါတယ်။
No comments:
Post a Comment