နီပေါပါလီမန်မှာ မနေ့က မိန့်ခွန်းပြောကြားချိန်မှာ အဲဒီလိုပြောကြားတာပဲဖြစ်ပါတယ်။
ဒေါ်အောင်ဆန်းစုကြည်ဟာ နီပေါဝန်ကြီးချုပ်ဟောင်း BP Koirala ရာပြည့်မွေးနေ့ အထိမ်းအမှတ် အဖြစ်ကျင်းပတဲ့ ဒီမိုကရေစီညီလာခံကို တက်ရောက်ပြီး မိန့်ခွန်းပြောကြားဖို့ အစိုးရက ဖိတ်ကြားလို့ နီပေါနိုင်ငံကို လေးရက်ကြာခရီး ရောက်ရှိနေတာပါ။
လွတ်လပ်ရုံသက်သက်မဟုတ်ဘဲ တရားမျှတမှုရှိတဲ့ စစ်မှန်တဲ့ ဒီမိုကရေစီနည်းကျတဲ့ ရွေးကောက်ပွဲ မှာ ပါဝင်လိုတာဖြစ်တယ်လို့လည်း ဒေါ်အောင်ဆန်းစုကြည်က ပါလီမန်မှာ ပြောကြားပါတယ်။
ကမ္ဘာတလွှားက မိတ်ဆွေအားလုံးဟာ မြန်မာနိုင်ငံကအဖြစ်အပျက်တွေကိုမပြတ်ကြည့်ပြီးစစ်မှန်တဲ့ နိုင်ငံရေး လိုအပ်ချက်တွေကနေ လမ်းကြောင်းလွဲသွားအောင် ကြိုးစားနေသူတွေရှိနေတာကို သတိ မူဖို့ အထူးအရေးကြီးတဲ့အကြောင်းလည်း ဒေါ်အောင်ဆန်းစုကြည်က ပြောကြားပါတယ်။
ဒါ့အပြင် Future of Social Democracy အနာဂတ်လူမှုရေးဒီမိုကရေစီ ခေါင်းစဉ်နဲ့ မနေ့ကကျင်းပတဲ့ ဒီမိုကရေစီညီလာခံမှာ ဒီမိုကရေစီဟာ နိုင်ငံရေးယဉ်ကျေးမှုဖြစ်ပြီး အစိုးရရဲ့နိုင်ငံရေးအယူအဆ သက်သက်သာမဟုတ်ဘူးလို့ ဒေါ်အောင်ဆန်းစုကြည်က ပြောကြားလိုက်ပါတယ်။ ပြောကြားလိုက် တာပါ။ဒီမိုကရေစီရေးမှာတာဝန်ခံမှုလည်းပါပါတယ်လို့ ဒေါ်အောင်ဆန်းစုကြည်က ပြောကြားပါတယ်။
ဒီမိုကရေစီရဲ့ အုတ်မြစ်ဟာ လူထုကိုလေးစားတာပဲဖြစ်ပါတယ်။ ကျမအဖို့ လူထုကို လေးစားတယ်ဆို တာ ဟာ လူထုရဲ့အခွင့်အရေးကိုပဲ အသိအမှတ်ပြုတာမဟုတ်ပါဘူး။ တာဝန်ခံမှုပါ အဓိပ္ပာယ်ဆောင် ပါတယ် လို့ ပြောကြားပါတယ်။ နိုင်ငံ့အနာဂါတ်ကိုဆုံးဖြတ်တဲ့နေရာမှာ အားလုံးပါဝင်နိုင်အောင် လူထုအခြေပြုအဖွဲ့စည်းတွေပါဝင်မှ ဆိုရှယ်ဒီမိုကရေစီ ဖြစ်တယ်လို့လည်းပြောပါတယ်။ မြန်မာနိုင်ငံမှာတော့ ဒီမိုကရေစီနည်းကျတဲ့ အစိုးရဆိုတာဘာလဲ ဆိုတာရှင်းပြနေရတုန်းပဲလို့လည်း ပြောကြားပါတယ်။ မြန်မာစစ်တပ်ဟာ စစ်သားပီသတဲ့ တပ်မျိုးပြောင်းဖို့လိုတယ် လို့လည်း ညီလာခံမှာ ပြောကြားပါတယ်။
ဒေါ်အောင်ဆန်းစုကြည်ဟာ နီပေါသမ္မတ Dr. Ram Baran Yadav နဲ့ သမ္မတအိမ်တော်မှာ မနေ့က မိနစ် ၂၀ နီးပါး တွေ့ဆုံပြီး နှစ်နိုင်ငံရေးရာတွေဆွေးနွေးကြပြီး ဒီမိုကရေစီရေးနဲ့ ဖွံ့ဖြိုးတိုးတက်ရေးဆိုင်ရာ အတွေ့အကြုံတွေကို ဖလှယ်ကြပါတယ်။
(RFA Burmese)
No comments:
Post a Comment