မြန်မာ့လက်ရွေးစင် ဘောလုံးအသင်းနဲ့ ရန်ကုန်ယူနိုက်တက် အသင်းရဲ့ ကွင်းလယ်ကစားသမား ကြည်လင်းဟာ အသက် ၁၇ နှစ်အရွယ် မိန်းကလေးကို အဓမ္မကျူးလွန်ခဲ့တယ် ဆိုပြီး အမှုဖွင့် ခံထားရပါတယ်။ အဲ့ဒီကိစ္စကို နှစ်ဖက်မိဘတွေ ဆွေးနွေးမှု အပြီးမှာ ပြေလည်မှု ရသွားပြီလို့ ဆိုပါတယ်။
အခုတော့ အဲဒီမိန်းကလေးကို ကြည်လင်းက တောင်းရမ်း လက်ထပ် ရတော့မှာပါ။ လက်ထပ်ဖို့လည်း စီစဉ်နေပြီလို့ ကြည်လင်း မိသားစုဝင်တွေနဲ့ နီးစပ်
သူတွေ က ပြောပါတယ်။
အဓမ္မကျူးလွန်တယ် ဆိုပြီး အမှုဖွင့်ခံရတဲ့ ကိစ္စဟာ အုပ်ထိန်းသူတွေ နားလည်မှု လွဲသွားလို့ ဖြစ်သွားတာပါလို့ ကြည်လင်းက သူရဲ့ အင်တာနက် လူမှုစာမျက်နှာကနေ ပြောဆိုလိုက်ပါတယ်။ “ကျွန်တော်နဲ့ သူနဲ့ကချစ်သူတွေပါ”လို့ သူကဖွင့်ဟလိုက်ပါတယ်။
အခုတော့ အဲဒီမိန်းကလေးကို မိသားဖသားပီပီ တောင်းရမ်းလက်ထပ်ဖို့ နှစ်ဖက်မိဘတွေ ညှိနှိုင်းနေကြတယ်လို့ ရန်ကုန်ယူနိုက်တက် အသင်းရဲ့သတင်းမီဒီယာ တာဝန်ခံ ကိုမျိုးမြင့်သောင်းက ပြောပါတယ်။ မိန်းကလေးရဲ့ အုပ်ထိန်းသူတွေက ကြည်လင်းမှာ အိမ်ထောင်ရှိတယ် ဆိုပြီး နားလည်မှု လွဲတာကနေ အမှုဖွင့်တဲ့အထိ ဖြစ်ခဲ့တာပါလို့ သူကဆက်ပြောပါတယ်။
လှည်းတန်းလမ်းဆုံမှာ အလှပြင်သင်တန်း တက်နေတဲ့ မိန်းကလေးငယ်ဟာ နှစ်ရက်ကြာ ပျောက်နေပြီးမှ အိမ်ပြန်ရောက်လာ တဲ့အတွက် မိဘတွေက မသင်္ကာလို့ စစ်ဆေးတဲ့အခါ ဆေးစာအုပ်ကို တွေ့ရှိရာကနေ အဲဒီအမှု ပေါ်လာတာ ဖြစ်ပါတယ်။ အဲဒါကြောင့် မိန်းကလေးရဲ့ ဖခင်က ကြည်လင်းကို ဇွန်လ ၁၆ ရက်နေ့မှာ ကမာရွတ်မြို့မ ရဲစခန်းမှာ (ပ)၂၆၆/ ၁၄၊ ပုဒ်မ ၃၇၆ နဲ့ အမှုဖွင့် တိုင်ကြားလာတာ ဖြစ်တယ်။
No comments:
Post a Comment