From : .. 7day
မေး- အခုလတ်တလောမှာ
အခြေခံဥပဒေပြင်ဆင်ရေးအတွက် NLD နဲ့
၈၈ က လှုပ်ရှားနေသလို ပြည်ခိုင်ဖြိုး
ဘက်ကလည်း လှုပ်ရှားနေတယ်။
အခြေအနေတွေကို ဘယ်လိုသုံးသပ်မိလဲ။
ဖြေ- လက်ရှိအခြေအနေမှာတော့ NLD နဲ့ ၈၈ မျိုးဆက်ကတစ်ဖက်။ နောက်ပြည်ခိုင်ဖြိုး
ပါတီက တစ်ဖက်ပေါ့။ အားပြိုင်မှုတွေ ပြင်းထန်နေတာ တွေ့ရပါတယ်။ ကျွန်တော့်အမြင်အားဖြင့်တော့ ဒီအားပြိုင်မှု
က ပြည်သူလူထု လမ်းပေါ်ရောက်နိုင်တဲ့ အနေအထားအထိ ဖြစ်မယ်လို့တော့ မယုံကြည်ဘူး။ မထင် ရတဲ့အကြောင်းရင်းက နံပါတ်(၁) က ဒေါ်အောင်ဆန်းစုကြည်ကိုယ်တိုင်က လွှတ်တော်ထဲ ကနေ ပြင်ဆင်ရေးကိုလုပ်မယ်လို့ ပြောတယ်။ နောက်တစ်ခုက မြန်မာပြည်သူလူထုကို ရင့်ကျက် တဲ့နိုင်ငံရေးလုပ်ဖို့ သူတိုက်တွန်းတယ်။ သူ့ရဲ့မိန့်ခွန်းထဲမှာ၊ စကားတွေထဲမှာ တပ်မတော်နဲ့ပတ် သက်ပြီး ထိလွယ်ရှလွယ်တဲ့အချက်တွေ ပါပေမယ့်လည်း ဒေါ်အောင်ဆန်းစုကြည်ကိုယ်တိုင်က ဒီလိုတိုက်တွန်းထားတဲ့အတွက် လက်ရှိဖွဲ့စည်းပုံအခြေခံဥပဒေ အကျပ်အတည်းကနေပြီး လူတွေ လမ်းပေါ်ထွက်ပြီး ဆန္ဒပြတဲ့အထိဖြစ်လာဖို့ ခဲယဉ်းတယ်လို့ မြင်တယ်။
မေး- ၄၃၆ပြင်ဖို့၊ ၅၉(စ)ပြင်ဖို့ဆိုပြီး လုပ်နေပေမယ့် နောက်ဆုံးက လွှတ်တော်ရဲ့အဆုံး အဖြတ်ပါ ပဲလို့ ဒေါ်အောင်ဆန်းစုကြည်ရော ၈၈ ကပါ ပြောထားတယ်ဆိုတော့ ခုလူထုဆန္ဒခံယူပွဲရလဒ်က ဘယ်လိုဖြစ်လာမယ် ထင်ပါသလဲ။
ဖြေ- ကျွန်တော့်ရဲ့ ပုဂ္ဂလိကအမြင်ကတော့ ၂၀၁၅ ရွေးကောက်ပွဲမတိုင်ခင်မှာ ပုဒ်မ ၄၃၆ ရော ပုဒ်မ ၅၉(စ)ရော ပြင်ဆင်ဖို့က မဖြစ်နိုင်ဘူးလို့ထင်တယ်။ ဘာလို့မဖြစ်နိုင်လဲ ဆိုရင် ဒေါ်အောင် ဆန်းစုကြည်ကလည်း ပြောတယ်။ လွှတ်တော်ထဲကနေ ပြင်မယ်လို့ပြောတယ်။ လွှတ်တော်ထဲ ကနေပြင်ဖို့ က ပူးပေါင်းကော်မတီကနေ ဆွေးနွေးတယ်၊ ညှိနှိုင်းတယ်၊ ပြင်ဆင်တာတွေ လုပ်နေ တယ်။ ပြီးရင် ကော်မတီက ဥပဒေမူကြမ်းကို ပြည်ထောင်စုလွှတ်တော်တင်ရမယ်။ တင်ရ မယ့်နောက်ဆုံးရက်က ရွေးကောက်ပွဲမတိုင်ခင် ခြောက်လ။ အဲဒီအတွက် ဥပဒေမူကြမ်းက ၂၀၁၅ ပထမခြောက်လမှာ ထွက်လာမယ်။ မူကြမ်းထွက်လာပြီးတဲ့အခါမှာ အဲဒီမူကြမ်းကို လွှတ်တော်မှာ လက်ခံဆွေးနွေးဖို့အတွက် ကိုယ်စားလှယ်၂၀ ရာခိုင်နှုန်းက ထောက်ခံရမယ်။ တကယ်တမ်းက NLD ပါတီရော တိုင်းရင်းသားပါတီတွေက ထပ်နိုင်ရင်တောင် ၁၀ ရာခိုင်နှုန်းလောက်ပဲရှိတယ်။ အဲဒီအခါကျတော့ ၂၀၁၄ မှာ ပါတီတွေက ထပ်နိုင်ရင်တောင် ၂၀ ရာခိုင်နှုန်းရဖို့ မလွယ်ဘူး။ ဒီ ၂၀ ရာခိုင်နှုန်းထောက်ခံပြီးမှ လွှတ်တော်ထဲမှာ ဆွေးနွေးတာတွေ၊ ပြင်ဆင်တာတွေ လုပ်လို့ ရ မယ်။ အဲဒီတော့ အခြေခံဥပဒေပြင်ဆင်ရေး အားလုံးအဆင်သင့်ဖြစ်မယ့်အချိန်က ရွေးကောက်ပွဲ လုပ်ဖို့ သုံး၊ လေးလပဲလိုတဲ့အချိန် ဖြစ်သွားမယ်။ ဒီနှစ်ထဲမှာ ပါတီတွေအားလုံးက ရွေးကောက်ပွဲ ၀င်ဖို့ကိစ္စတွေနဲ့ အလုပ်ရှုပ်နေမယ်။ ဒီလိုအချိန်မျိုးမှာ တကယ်လို့ဥပဒေမူကြမ်းထဲမှာ ၄၃၆ရော၊ ၅၉(စ)ရော ပြင်ဆင်ရေးတွေပါတယ်။ ဒါပေမဲ့ လွှတ်တော်ထဲမှာ တကယ်ဆုံးဖြတ်တဲ့အချိန် ကျတော့ ၄၃၆ရော၊ ၅၉ ရော ကျန်ခဲ့ပြီဆိုရင် အချိန်က အရမ်းကိုကပ်နေပြီ။ အဲဒီလိုအနေ အထား မျိုးရှိတယ်။ ဒါကြောင့် ကျွန်တော့်အမြင်က ၄၃၆ရော ၅၉ရော ပြင်ဖို့က မဖြစ်နိုင်ဘူးလို့မြင်တယ်။
မေး- ဒါဆိုရင် လက်ရှိ ဒီချုပ်နဲ့ ၈၈ ရဲ့လုပ်ဆောင်ချက်တွေက လှုပ်ရှားမှုတစ်ခုအနေနဲ့ပဲ ပြီးသွား မှာလား။
ဖြေ- ကျွန်တော်စဉ်းစားမိတဲ့ သူတို့ရဲ့ဦးတည်ချက်က ဘာလဲဆိုရင် Signature Compagn လုပ်မယ်၊ ဟောပြောပွဲတွေလုပ်မယ်ဆိုတဲ့သဘောက လူထုဆန္ဒကို ထုတ်ဖော်တဲ့သဘော ပဲလို့မြင် တယ်။ လူထုဆန္ဒကို ထုတ်ဖော်မယ်။ ပြည်ခိုင်ဖြိုးက လွှတ်တော်ကိုယ်စားလှယ်တွေရော တပ်မတော် က လွှတ်တော်ကိုယ်စားလှယ်တွေရော သူတို့ရဲ့ ထောက်ခံမှုတွေရလာအောင်လုပ်တဲ့ လူထုလှုပ်ရှားမှုပုံစံပဲ ကျွန်တော်ကမြင်တယ်။ လှုပ်ရှားမှုတစ်ခုအနေနဲ့ပဲ ပြီးသွားနိုင်တယ်လို့ ကျွန်တော်မြင်တယ်။
မေး- ၂၀၁၂ ကြားဖြတ်ရွေးကောက်ပွဲကနေစပြီး ဒီချုပ် လွှတ်တော်ထဲ ၀င်ရောက်လာ ပြီးနောက် ပိုင်းမှာ ဒီချုပ်ရဲ့အခန်းကဏ္ဍ၊ လုပ်နိုင်စွမ်းအားကိုကော ဘယ်လိုမြင်ပါသလဲ။
ဖြေ- ၂၀၁၂ ကနေ အခု ၂၀၁၄ ထိ ကာလအတွင်းမှာ NLD လွှတ်တော်ကိုယ်စားလှယ်တွေရဲ့ စွမ်းဆောင်နိုင်မှုအပိုင်းကို ကျွန်တော့်အမြင်ကတော့ အားမရဘူး။ တော်တော်များများက အားမ ရကြတာ။ နောက် NLD ပါတီရဲ့ ပါတီတည်ဆောက်ရေးလုပ်ငန်းတွေ၊ ပါတီစည်းရုံးရေးလုပ် ငန်းတွေ၊ ဒီအပေါ်မှာလည်း တော်တော်များများက အားမရကြဘူး။
မး- တစ်ဆက်တည်း ဒီချုပ်ကို အာဏာရှင်ပါတီပုံစံ အားမလိုအားမရ တချို့ဝေဖန်တာတွေ ရှိနေ တယ်။ အဲဒီအပေါ်မှာကော ဘယ်လိုသုံးသပ်ချင်ပါသလဲ။
ဖြေ- NLD မှာ ဗဟိုဦးစီးစနစ် လိုသည်ထက်ပိုနေတယ်။ ဘယ်လိုနိုင်ငံရေးစနစ်မှာပဲဖြစ်ဖြစ် အပြောင်းအလဲကာလမှာ ဗဟိုကနေ ဦးစီးရတဲ့အပိုင်းကဏ္ဍတွေ ရှိတယ်။ ဗဟိုဦးစီးစနစ် ကို လျှော့ ချတာ လုံးဝဖြေလျှော့ထားလို့ရတဲ့ နေရာတွေရှိတယ်။ သူမှာ ဗဟိုဦးစီးစနစ် က တော်တော်လေးမြင့် မားတာ တွေ့ရတယ်။ နောက်ပါတီရဲ့ အဖွဲ့အစည်းအဆင့်ဆင့်မှာ တာဝန်ပေးမှု၊ လုပ်ပိုင်ခွင့်ပေးမှုအပိုင်းက တော်တော်လေး အားနည်းတာ တွေ့ရတယ်။
No comments:
Post a Comment