ဦးသိန်းစိန်ခေတ် မြန်မာနိုင်ငံ

●(မှူးဇော်)●
●ဆောင်းပါးရှင် မိတ်ဆက်
သြစတြေးလျနိုင်ငံ၊ ဆစ်ဒနီအခြေစိုက် လိုဝီနိုင်ငံတကာမူဝါဒရေးရာအဖွဲ့က ထုတ်ဝေသော The Interpreter တွင် မြန် 

မာနိုင်ငံဆိုင်ရာ လေ့လာ သုံးသပ်ချက်

 ဆောင်းပါးတစ်စောင် ဖော်ပြလာ

ခဲ့ရာ၌ မြန်မာနိုင်
ငံ ဒီမိုကရေစီအကူးအပြောင်းနှင့်စပ်လျဉ်းပြီး စိတ်ဝင်စားဖွယ်ရာကောင်းသည့် ဆောင်းပါး တစ်ပုဒ် ဖော်ပြပါရှိလာခဲ့သည်။ 

 ဆောင်းပါးရှင်မှာသြဇီနိုင်ငံခြားရေးဝန်ကြီးဌာနတွင် (၃၆)နှစ်ကြာအောင် တာဝန်ထမ်းဆောင်ခဲ့ vသည့် ၀ါရင့်သံတမန်တစ်ဦး ဖြစ်သည့်အပြင် မြန်မာနိုင်ငံဆိုင်ရာ သြစတြေးလျ သံအမတ်ကြီး အဖြစ် ၂၀၀၀ ပြည့်နှစ်မှ ၂၀၀၃ ခုနှစ် အထိ ထမ်းဆောင်ခဲ့သူ ဖြစ်ရာ မြန်မာနိုင်ငံနှင့် စပ်လျဉ်း၍ အတော်များများ သိရှိထားသူတစ်ဦးလည်း ဖြစ်နေသည်။ ၂၀၀၃ ခုနှစ်မှစတင်၍ အာရှ-ပစိ ဖိတ်ကော လိပ်၊ နိုင်ငံရေးနှင့် လူမှုရေးအပြောင်းအလဲ ဌာန၌ မြန်မာနိုင်ငံဆိုင်ရာ ကျွမ်းကျင်သူ ဧည့်ပါမောက္ခအဖြစ် ဆောင်ရွက်ခဲ့သည်။ ၂၀၀၄ ခုနှစ်မှစ၍ Myanmar/Burma Update Conference ၏ ပူးတွဲအကြီးအမှူးအဖြစ် ဆောင်ရွက်ခဲ့ရာ ၂၀၀၆၊ ၂၀၀၇၊ ၂၀၀၈၊ ၂၀၁၀၊ ၂၀၁၂ နှင့် ၂၀၁၃ ခုနှစ်များ၌ ကွန်ဖရင့်စာတမ်းများ စုစည်းတည်းဖြတ်ခဲ့သည်။

ဆောင်းပါးရှင်သည် ဂျပန်နိုင်ငံတွင် (၁၂)နှစ်ကြအောင် သံတမန်တစ်ဦးအဖြစ် တာဝန်ထမ်း ဆောင် ခဲ့သူ ဖြစ်ပြီး ဂျပန်ဘာသာစကားကို ကောင်းစွာပြောနိုင်၊ ဖတ်နိုင်သူတစ်ဦးလည်း ဖြစ်သည်။ ၁၉၆၅ ခုနှစ်မှ ၂၀၀၀ ပြည့်နှစ်အထိ ဂျပန်နိုင်ငံ၏ နိုင်ငံရေး၊ ကုန်သွယ်ရေးမူဝါဒနှင့် လယ်ယာစိုက်ပျိုးရေး မူဝါဒတို့ ကို အထူးပြုလေ့လာခဲ့သူ ဖြစ်သည်။ ထို့အပြင် “အနာဂတ်သို့ ခုန်ပျံကျော်လွှားခြင်း (သို့မ ဟုတ်) သြစ တြေးလျ-ဂျပန် အလုပ်သဘောကင်းလွတ်ခွင့်သဘောတူညီချက်နှင့် လူဝင်မှုကြီးကြပ်ရေး မူဝါဒ”စာအုပ်ကို ၂၀၀၈ ခုနှစ် ဒီဇင်ဘာလတွင်လည်းကောင်း၊ “Whales apart: tensions in Japan-Australia relations” စာအုပ်ကို ၂၀၁၀ ပြည့်နှစ် မတ်လတွင်လည်းကောင်း ရေးသားထုတ်ဝေခဲ့သူ ဖြစ်သည်။

၂၀၀၄ ခုနှစ်မှ ၂၀၁၀ ပြည့်နှစ်အထိ သြစတြေးလျ-ဂျပန် သုတေသနဗဟိုဌာနတွင် စီမံကိန်းမန်နေ ဂျာအဖြစ် ဆောင်ရွက်ခဲ့သည်။ အာရှ-ပစိဖိတ် စီးပွားရေးစာတမ်းများနှင့် ကရောဖို့တက္ကသိုလ်၏ လစဉ် ထုတ်ဝေသော အေပက်စီးပွားရေးသတင်းစဉ်တွင် အုပ်ချုပ်မှုအယ်ဒီတာအဖြစ် ဆောင်ရွက်ခဲ့သည်။ ထို့ အပြင် ဂျပန်နှင့် အာရှ-ပစိဖိတ်ဆိုင်ရာ စာတမ်းများစွာ ရေးသားပြုစုရာတွင် ပါဝင်ခဲ့ပြီး သြစတြေးလျနိုင်ငံ ခြားရေးဝန်ကြီးဌာနပြုပြင်ပြောင်းလဲရေးလုပ်ငန်းစဉ်များတွင်လည်း ပါဝင်ဆောင်ရွက်ခဲ့သူ
ဖြစ်သည်။ ယခု ဆောင်းပါးမှာ အာရှ-ပစိဖိတ်သာမက မြန်မာနိုင်ငံဆိုင်ရာ ကျွမ်းကျင်သူတစ်ဦးအနေဖြင့် ဖြစ်ပေါ်လာသည့် ပြုပြင်ပြောင်းလဲရေးလုပ်ငန်းစဉ်များကို သုံးသပ်ထားခြင်း ဖြစ်ပြီး မူရင်းအား ဆီလျော်အောင် ဘာသာ ပြန်ဆိုထားခြင်း ဖြစ်သည်။

ဦးသိန်းစိန်ခေတ် မြန်မာနိုင်ငံ

နှစ်ပေါင်း(၂၀)ကျော်အတွင်း ခေတ်သစ်မြန်မာနိုင်ငံရဲ့ ပထမဦးဆုံးသော အရွေးချယ်ခံသမ္မတ တစ်ဦးအဖြစ် ဗိုလ်ချုပ်ကြီးဟောင်းသိန်းစိန် နိုင်ငံတကာအလယ်မှာ ထင်ထင်ရှားရှား ထွက်ပေါ်လာခဲ့တာ (၃)နှစ်ပြည့်ခဲ့ပါပြီ။ အပြစ်ဆိုစရာ မကင်းတဲ့ရွေးကောက်ပွဲတွေအပြီးမှာတော့ မြန်မာနိုင်ငံဟာ စစ်မှန်တဲ့ နိုင်ငံရေးအသွင်ကူးပြောင်းမှုကို စတင်ခဲ့ပြီ နိုင်ငံတကာက မြင့်မြင့်မားမား မျှော်လင့်ခဲ့ကြတာ မဟုတ် ပါဘူး။

ဒါပေမယ့်လည်း နိုင်ငံတော်သမ္မတ ဦးသိန်းစိန်ရဲ့ သမ္မတသက်တမ်း စွမ်းဆောင်နိုင်မှုဟာ မျှော် လင့်ထားတာတွေ အားလုံးထက် များစွာ ကျော်လွန်နေခဲ့ပါတယ်။

၂၀၁၁ ခုနှစ် မတ်လ ၃၀ ရက်နေ့မှာ ပြောကြားခဲ့တဲ့ သမ္မတဦးသိန်းစိန်ရဲ့ ကတိသစ္စာပြုမိန့်ခွန်း ဟာ မြန်မာပြည်သူတွေရော နိုင်ငံတကာအသိုင်းအ၀ိုင်းက၀ါ လိုလားတောင့်တနေတဲ့ မြန်မာနိုင်ငံရဲ့ ရှေ့ ဆက်လျှောက်မယ့် လမ်းကြောင်းကို ချမှတ်ရာမှာ အရေးပါခဲ့ပါတယ်။ ဒီမိန့်ခွန်းမှာ စီးပွားရေးမူဝါဒမှသည် နိုင်ငံရေး ပြုပြင်ပြောင်းလဲမှုအထိ ပြုပြင်ပြောင်းလဲရေးလေသံ၊ မြင့်မားတဲ့ပန်းတိုင်တွေ၊ အရေးကြီးလှတဲ့ ရေတိုကာလအတွင်း ဖော်ဆောင်သွားမယ့် နိုင်ငံရေးရည်မှန်းချက်တွေ ပါဝင်ခဲ့ပါတယ်။

မိန့်ခွန်းပြောကြားပြီးတဲ့နောက် သမ္မတဦးသိန်းစိန်ဟာ ခိုင်မာတဲ့ခေါင်းဆောင်မှုကိုပြသခဲ့ပြီးတဲ့ နောက်မှာတော့ ယုံကြည်စိတ်ချရပြီး လူကြိုက်များတဲ့ ခေါင်းဆောင်တစ်ယောက် ဖြစ်လာခဲ့ပါတယ်။ ဒီအချိန်မှာ သမ္မတကြီးဟာ အရေးပါတဲ့ အလှည့်အပြောင်းတွေ ဖန်တီးခဲ့ပါတယ်။ မြန်မာနိုင်ငံမှာ အရင် တုန်းက မမြင်မတွေ့ခဲ့ရတဲ့ လူထုသဘောထားကို အလေးထားတာတွေ ဆောင်ရွက်လာခဲ့ပါတယ်။ ဒါ့ အပြင် မဟာဗျူဟာမြောက်အမျိုးသားလုပ်ငန်းစဉ်တစ်ရပ်ကို ထုတ်ဖော်ကြေညာခဲ့ပါတယ်။

နိုင်ငံတော်သမ္မတ ဦးသိန်းစိန်ဟာ ဘာမှရေးဆွဲထားခြင်းမရှိတဲ့ ကင်းဗတ်စအလွတ်ကနေ စတင် ဆောင်ရွက်ခဲ့ရတာ ဖြစ်ပေမယ့်လည်း အသစ်ထွက်ပေါ်လာတဲ့ ဥပဒေပြုလွှတ်တော်နဲ့ အခွင့်အာဏာ ပြိုင်ဆိုင်မှုတွေ ရှိနေတဲ့ကြားက မြန်မာနိုင်ငံရဲ့ အပျံသင်စ၊ ထွန်းသစ်စ ဒီမိုကရေစီမှာ အပြန်အလှန် ထိန်းကျောင်းမှုတွေ တိုးမြှင့်ဖြစ်ပေါ်လာအောင် ဆောင်ရွက်ချက်တွေအပါအ၀င် အပြုသဘောပူးပေါင်း ဆောင်ရွက်နိုင်ခဲ့တဲ့အတွက် အထူးပဲ လေးစားဖွယ်ရာ ကောင်းပါတယ်။

သမ္မတဦးသိန်းစိန်ဟာ လွှတ်တော်တွင်းမှာ နေရာအများစုရယူထားတဲ့ အရင်တုန်းက သူကိုယ်တိုင်ဦးဆောင်ခဲ့တဲ့ ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးပါတီ လွှတ်တော်အမတ်တွေသာမက အတိုက်အခံခေါင်းဆောင် ဒေါ်အောင်ဆန်း စုကြည်နဲ့ပါ ထိထိရောက်ရောက် လက်တွဲလုပ်ကိုင်နိုင်တဲ့ဆက်ဆံရေးတစ်ရပ်ကိုလည်း ထူထောင်နိုင်ခဲ့ ပါတယ်။

လက်ရှိအချိန်မှာ သမ္မတဦးသိန်းစိန်ဟာ ပြုပြင်ပြောင်းလဲမှုတွေ အရှိန်မြှင့်တင် ဆောင်ရွက်ခြင်း မပြုတဲ့အတွက် ဝေဖန်မှုတွေ ရှိနေသေးပေမယ့်လည်း သမိုင်းဝင် ချီးကျူးရမယ့် ခေါင်းဆောင်တစ်ဦး ဖြစ်ပါတယ်။ သမ္မတဦးသိန်းစိန်ရဲ့ အရေးပါဆုံး အောင်မြင်မှုကတော့ တစ်နိုင်ငံလုံးဆိုင်ရာ ငြိမ်းချမ်းရေး သဘောတူညီချက် ရရှိအောင် ဆောင်ရွက်သွားဖို့ ပြတ်ပြတ်သားသား ပြောကြားထားတဲ့ နိုင်ငံရေး ကတိက၀တ်ပဲ ဖြစ်မှာပါ။ ဒီသဘောတူညီချက်ရရှိဖို့ကတော့ စိတ်မရှည်စရာ အရှုပ်အထွေးတွေ အများ ကြီး ရှိနေတာကို တွေ့ခဲ့ကြရပြီး ဖြစ်ပေမယ့်လည်း သူကတော့ ရအောင်လုပ်ဖို့ ကတိပြုထားပြီး ဖြစ်ပါ တယ်။

တစ်နိုင်ငံလုံးငြိမ်းချမ်းရေးသဘောတူညီချက်ရရှိရေး လုပ်ငန်းစဉ်နဲ့ ပတ်သက်လို့ တစ်ချို့က ဗျူရို ကရေစီဆန်လွန်းတယ် ဆိုပြီး ပြောကြတယ်။ တစ်ချို့ကလည်း အတော်ကလေး ကမောက်ကမဆန် တယ်၊ တစ်ချို့ကလည်း နှေးလွန်းတယ် ဆိုပြီး ပြောနေကြပေမယ့်လည်း သမ္မတဦးသိန်းစိန်ဟာ တွေ့ဆုံ ဆွေးနွေးရေးအတွက် လွတ်လပ်ပွင့်လင်းပြီး စနစ်တကျရှိတဲ့ လုပ်ငန်းစဉ်ကို ချပြပြီး တစ်နိုင်ငံလုံးအတိုင်း အတာနဲ့ ဆောင်ရွက်နိုင်အောင် ကြိုးပမ်းလာတဲ့ မြန်မာနိုင်ငံရဲ့ ပထမဆုံးခေါင်းဆောင်တစ်ဦး ဖြစ်ပါတယ်။

လူသိများ ထင်ရှားတဲ့ ပြဿနာ(၂)ရပ်ဖြစ်တဲ့ ကြိုတင်ခန့်မှန်းနိုင်ခြင်းမရှိတဲ့ ဘင်္ဂါလီလူနည်းစုကိစ္စ၊ ကြိုတင်ခန့်မှန်းနိုင်တဲ့ ကချင်လက်နက်ကိုင်များကိစ္စ၊ ဒီ(၂)ခုကလွဲရင် ဦးသိန်းစိန် အစိုးရဟာ ငြိမ်းချမ်းရေး ပြန်လည်ရရှိရေးအတွက် ဆောင်ရွက်တဲ့နေရာမှာ အရင်တုန်းက ရှိခဲ့သမျှသော ခေါင်းဆောင်တွေ အားလုံးထက် အများကြီးသာလွန်တဲ့ တိုးတက်မှုတွေ ရရှိအောင် ဆောင်ရွက်နိုင်ခဲ့ပါတယ်။

နိုင်ငံတော်သမ္မတ ဦးသိန်းစိန်ရဲ့ ကိုယ်ရည်ကိုယ်သွေးကြောင့် ဒီလိုအောင်မြင်မှုတွေ ရရှိခဲ့တယ် ဆိုတာ သံသယဖြစ်ဖွယ် မရှိပါဘူး။

ဦးသိန်းစိန်ဟာ ရိုးသားတယ်။ အဂတိလိုက်စားမှု မရှိဘူး။ တစ်ကိုယ်ရည် ရည်မှန်းချက် မကြီးဘူး။ ဒီအချက်တွေဟာ တရားဝင်အသိအမှတ်ပြုမှု အပြင်းအထန် လိုအပ်နေတဲ့ မြန်မာအစိုးရအတွက် အရေး ကြီးပါတယ်။ အသွင်ကူးပြောင်းရေးကို လျှောက်လှမ်းရာမှာ အားလုံးပါဝင်တဲ့၊ အထူးသဖြင့် ဒေါ်အောင် ဆန်းစုကြည်နဲ့ စေ့စပ်ညှိနှိုင်းဖို့ ချဉ်းကပ်မှုကို ထက်ထက်သန်သန်ဆောင်ရွက်ခဲ့တာတွေဟာ အံ့အားသင့် စရာ ဖြစ်သလို ၀မ်းမြောက်ဝမ်းသာကြိုဆိုရမယ့် လုပ်ဆောင်ချက် ဖြစ်ပါတယ်။ ဒီနည်းလမ်းဟာ သူ့ရှေ့က အရင်ခေါင်းဆောင်တွေနဲ့ ဖြောင့်ဖြောင့်ကြီး ဆန့်ကျင်နေပြီးတော့ အထူးပဲ ထိရောက်မှု ရှိတာကို သက် သေပြနိုင်ခဲ့ပါတယ်။

၂၀၁၁ ခုနှစ်မှာ နိုင်ငံတော်သမ္မတအဖြစ် ဦးသိန်းစိန် လွှဲပြောင်းရယူပြီးနောက် ခိုင်မာတဲ့ ပြုပြင် ပြောင်းလဲမှုတွေ အရှိန်အဟုန်နဲ့ ထွက်ပေါ်မလာခင် လအနည်းငယ် အချိန်ယူခဲ့ရပါတယ်။ ဒီလိုနှောင့်နှေး ကြန့်ကြာမှုဟာ ရေရှည်ရည်မှန်းချက်ပန်းတိုင်တွေ၊ ခိုင်မာတဲ့ပြုပြင်ပြောင်းလဲရေး မူဝါဒတွေ၊ လုပ်ငန်းစဉ် တွေကို ဘယ်လိုသွားမယ်၊ ဘယ်လိုလုပ်မယ် ဆိုတာကို ဘယ်သူမှ မသိသေးတဲ့အတွက်ကြောင့် ဖြစ်နိုင် ပါတယ်။ ဒီကနေ့ဒီအချိန်မှာ ဒီမိုကရေစီအသွင်ကူးပြောင်းရေးအတွက် တစ်ခုတည်းသော မော်ဒယ်လ်ဆို တာ မရှိတော့ပါဘူး။ ကူညီထောက်ပံ့ပေးမယ့် နိုင်ငံတကာစီမံကိန်းတွေ မရှိခဲ့ပါဘူး။ တစ်ကယ်တမ်းမှာ အပြည်ပြည်ဆိုင်ရာဘဏ္ဍာရေးအဖွဲ့အစည်းတွေ ပျောက်ဆုံးနေပြီးတော့ ကုလသမဂ္ဂဟာလည်း မကူနိုင် ဖြစ်ခဲ့ပါတယ်။ ဒါ့အပြင် အမျိုးသားဖွံ့ဖြိုးတိုးတက်ရေးအာဂျင်ဒါနဲ့ပတ်သက်ပြီးတော့ အားလုံးသဘော တူတဲ့ သဘောတူညီချက် ရှင်းရှင်းလင်းလင်း မရှိသေးသလို ဘယ်လမ်းကြောင်းကသွားမယ် ဆိုတာမျိုး လည်း ရရှိထားတာ မရှိသေးပါဘူး။ ပြည်တွင်းအတိုက်အခံအဖွဲ့အစည်းတွေဟာလည်း ရေရှည်မူဝါဒတွေ ထိထိရောက်ရောက် ချမှတ်ဆောင်ရွက်ဖို့ကို အလေးထားခြင်း မရှိခဲ့ပါဘူး။

နိုင်ငံတော်သမ္မတဦးသိန်းစိန်ရဲ့ အရေးကြီးဆုံး နိုင်ငံရေးဆုံးဖြတ်ချက်ကတော့ ဧရာဝတီမြစ် အထက်ပိုင်းမှာ တည်ဆောက်မယ့် မြစ်ဆုံဆည်စီမံကိန်းကို ၂၀၁၁ ခုနှစ်အတွင်းမှာ ရပ်ဆိုင်းလိုက်တာပဲ ဖြစ်ပါတယ်။ ဒီဆုံးဖြတ်ချက်ဟာ သာမန်ပြည်သူတွေရဲ့ စိုးရိမ်သောကတွေကို အစိုးရက ဖြေဖျောက်ပေး လိုက်ခြင်းပဲ ဖြစ်ပါတယ်။ တစ်ချိန်တည်းမှာပဲ မြန်မာနိုင်ငံရဲ့ အနာဂတ် နိုင်ငံတကာရပ်တည်မှုမှာ အရေး ကြီးတဲ့ အကြောင်းတရားတစ်ခု ဖြစ်လာမှာပါ။

မြစ်ဆုံဆုံးဖြတ်ချက်ဟာ လူငယ်မျိုးဆက်သစ်တွေအပါအ၀င် ပြည်သူလူထုရဲ့ ထောက်ခံမှုကို ရရှိ စေခဲ့တဲ့ အလှည့်အပြောင်းတစ်ရပ် ဖြစ်ပြီး ပြည်သူလူထုအမြင်မှာလည်း သမ္မတဦးသိန်းစိန်အစိုးရကို ပြည်သူ့အစိုးရတစ်ရပ်အဖြစ် အသိအမှတ်ပြုလာစေခဲ့ပါတယ်။ ဒါဟာ မျိုးဆက်သစ်တွေအကြား၊ သာမန် ပြည်သူတွေအကြားမှာ မျှော်လင့်ချက်တွေ မြင့်မားလာစေခဲ့တဲ့ ပထမဦးဆုံးသော ဆုံးဖြတ်ချက် ဖြစ်ပါ တယ်။ ဒါ့အပြင် အစိုးရသစ်ဟာ စီးပွားရေးအကျိုးအမြတ်တစ်ခုတည်းကို မကြည့်ဘဲ သဘာဝပတ်ဝန်း ကျင် ကာကွယ်စောင့်ရှောက်ရေးနဲ့ ဒေသခံတွေရဲ့လူနေမှုဘ၀တွေကို အလေးထားကြောင်း အထင် အရှား ပြသလိုက်တာပဲ ဖြစ်ပါတယ်။

တစ်ချိန်တည်းမှာပဲ အမေရိကန်ပြည်ထောင်စုနဲ့ ဆက်ဆံရေးကို ပြောင်းလဲပစ်ဖို့ သမ္မတဦးသိန်း စိန်ရဲ့ စိတ်အားထက်သန်မှုဟာ မြန်မာနိုင်ငံရဲ့ နိုင်ငံခြားရေးမူဝါဒအတွက် အရေးကြီးတဲ့ လမ်းကြောင်း အသစ်ကို ဖွင့်လှစ်နိုင်ခဲ့ပါတယ်။ ဒီလမ်းကြောင်းအသစ်ဟာ အနာဂတ်မှာလည်း တော်တော်နဲ့ ပြောင်းလဲသွားဖို့ မရှိနိုင်ပါဘူး။ ဒီနောက်မှာတော့ မြန်မာနိုင်ငံအပေါ် ပိတ်ပင်ထားတဲ့ပိတ်ဆို့အရေးယူမှုတွေ ဖယ်ရှား ပေးရေးဟာ အရေးကြီးကိစ္စတစ်ရပ် ဖြစ်လာခဲ့ပါတယ်။ ပြီးခဲ့တဲ့ နှစ်ပေါင်း(၂၀)အတွင်းမှာ မြန်မာနိုင်ငံနဲ့ ပတ်သက်လို့ နိုင်ငံတကာဆွေးနွေးပွဲတွေမှာ အစဉ်အမြဲ ပါဝင်နေတာက ဒီပိတ်ဆို့အရေးယူရေးပဲ ဖြစ်ခဲ့ ပါတယ်။

ဒီပိတ်ဆို့အရေးယူမှုတွေ ဖယ်ရှားပေးခဲ့တာတွေဟာလည်း သမ္မတဦးသိန်းစိန်ရဲ့ အောင်မြင်မှု တွေထဲက တစ်ခု ဖြစ်ပါတယ်။ ၂၀၁၂ ခုနှစ် နိုဝင်ဘာလအတွင်းမှာ အမေရိကန်သမ္မတ အိုဘားမား မြန်မာနိုင်ငံကို အလည်အပတ်လာရောက်ခဲ့ခြင်းဟာ အမေရိကန်နဲ့ဆက်ဆံရေးမှာ ကြီးမားတဲ့ အလှည့် အပြောင်းတစ်ရပ် ဖြစ်လာခဲ့ပါတယ်။ ဒီဆက်ဆံရေးဟာ ဆက်လက်ပြီးတော့ အရှိန်အဟုန် ရရှိလာတော့ မှာ ဖြစ်ပါတယ်။

မြန်မာနိုင်ငံရဲ့ ပြုပြင်ပြောင်းလဲရေးလုပ်ငန်းစဉ်မှာ ယခုအခြေအနေထက် ပိုမိုခိုင်မာတဲ့ တိုးတက်မှု တွေ ဖြစ်ပေါ်လာမလား၊ ဖြစ်မလာဘူးလား ဆိုတာကိုတော့ သမိုင်းက မေးခွန်းထုတ်စရာ ဖြစ်နေတုန်းပါပဲ။ လေ့လာသူတွေကတော့ လူထုစိတ်ခံစားချက် ပြောင်းလဲလာအောင် ဆောင်ရွက်ပေးခဲ့တာကို လျှော့တွက် နေကြပါတယ်။ သမ္မတဦးသိန်းစိန်ဟာ သမ္မတရာထူးကို လက်ခံရယူချိန်မှာ စစ်ဘက်ရာထူး အမြင့်ဆုံး ထမ်းဆောင်ခဲ့သူ မဟုတ်ခဲ့တဲ့အတွက် သမ္မတနေရာကို ခိုင်မာအောင် တည်ဆောက်တဲ့နေရာမှာ ကြီးမား တဲ့ စိန်ခေါ်မှုတွေ တွေ့ကြုံရင်ဆိုင်ခဲ့ရပါတယ်။မြန်မာနိုင်ငံ မြောက်ပိုင်း ကချင်ပြည်နယ်မှာ တိုက်ခိုက်မှု တွေ ရပ်စဲဖို့ ညွှန်ကြားချက်အပေါ်မှာ မြန်မာ့တပ်မတော်က လိုက်နာခြင်း ရှိ-မရှိ ဆိုတာကလည်း အငြင်း ပွားဖွယ်ရာ ဖြစ်နေပါတယ်။ ဒါဟာ အဓိကကျတဲ့ မအောင်မြင်မှု လို့ အချို့က သုံးသပ်ကြပေမယ့်လည်း နီးစပ်သူတွေကတော့ ဒါဟာ သမ္မတအမိန့်အရ တပ်မတော်က ဆောင်ရွက်တာ ဖြစ်တယ် လို့ ရှင်းချက် ထုတ်ခဲ့ကြပါတယ်။

နိုင်ငံတည်ဆောက်ရေးမှာ တပ်မတော်အခန်းကဏ္ဍရဲ့ အနာဂတ်ဟာ မပြီးဆုံးသေးတဲ့လုပ်ငန်းစဉ် မှာ အရေးပါတဲ့ အစိတ်အပိုင်းတစ်ရပ်အဖြစ် ဆက်လက် တည်ရှိနေပါတယ်။ မြန်မာနိုင်ငံရဲ့ နိုင်ငံရေး အသွင်ကူးပြောင်းမှုမှာ အရေးကြီးဆုံးမေးခွန်းကတော့ မြန်မာ့တပ်မတော်ဟာ နိုင်ငံ့အရေးအရာတွေကို အဓိက စီမံခန့်ခွဲခြင်း မပြုတော့ဘဲ နောက်ကွယ်ကနေ ကူညီပံ့ပိုးသူအဖြစ် အခန်းကဏ္ဍလျှော့ချရေးကို လက်ခံနိုင်မလား၊ လက်မခံနိုင်ဘူးလား ဆိုတာပဲ ဖြစ်ပါတယ်။
မြန်မာနိုင်ငံမှာ တရားဥပဒေစိုးမိုးရေး ပြန်လည်ထူထောင်ရာမှာလည်း တိုးတက်မှု အများကြီး ရရှိ အောင် မဆောင်ရွက်နိုင်ခဲ့တာဟာလည်း သိသာထင်ရှားတဲ့ စိတ်ပျက်ရမှုတစ်ခု ဖြစ်ပါတယ်။ တိုက်ပွဲဖြစ် ပွားရာဒေသတွေမှာ လူ့အခွင့်အရေးချိုးဖောက်မှုတွေ ဆက်လက်ဖြစ်ပွားနေပြီးတော့ တရားစီရင်ရေးစနစ် မှာလည်း အဂတိလိုက်စားမှုတွေ မြင့်တက်နေဆဲ ဖြစ်ပါတယ်။ စစ်ဘက်အနေနဲ့ အခွင့်ထူးများ ရရှိခံစား နေဆဲ ဖြစ်ပြီး သာမန်ပြည်သူတွေအတွက် မြေယာပိုင်ဆိုင်ခွင့်ဟာလည်း မသေမချာ ဖြစ်နေပါတယ်။ လွတ်လပ်စွာ ပြောကြားခွင့်၊ လွတ်လပ်စွာစုဝေးခွင့်၊ ဆန္ဒဖော်ထုတ်ခွင့် ဒီဟာတွေကတော့ တိုးတက်မှုတွေ ရှိနေပေမယ့်လည်း သာမန်ပြည်သူတွေရဲ့ အောက်ခြေအဆင့်မှာ ပြုပြင်ပြောင်းလဲမှုတွေ ဖြစ်ပေါ်မလာ သေးတာကို တွေ့ရှိရပါတယ်။

မြန်မာနိုင်ငံမှာ ဒီမိုကရေစီအပြောင်းအလဲတွေ ပေါ်ပေါက်လာဖို့ Agent of Change အဖြစ် စတင်ကြိုးပမ်းအားထုတ်ခဲ့တဲ့ နိုင်ငံတော်သမ္မတဦးသိန်းစိန်ရဲ့ အခန်းကဏ္ဍဟာ အခုအချိန်မှာ ပြီးဆုံးတော့ မှာ ဖြစ်ပါတယ်။ ဒါပေမယ့်လည်း သူ့နေရာကို ဘယ်သူဆက်ခံမလဲ ဆိုတာလည်း ရှင်းရှင်းလင်းလင်း မသိ ရှိရသေးပါဘူး။ အလားတူပါပဲ မြန်မာနိုင်ငံရဲ့ ဒီမိုကရေစီအသွင်ကူးပြောင်းရေးမှာ နောက်ထပ် ဘာတွေ ဆက်ဖြစ်လာမလဲ ဆိုတာကိုလည်း မသိရှိနိုင်သေးပါဘူး။

[Democracy Today Newspaper-May 1 2014]

[Ref : Myanmar: The legacy of Thein Sein by Trevor Wilson, April 2014 The Interpreter]
▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬
[Original Source : http://www.lowyinterpreter.org/post/2014/04/03/Myanmar-legacy-Thein-Sein.aspx?COLLCC=2451412399&]