ဒီဒေသတစ်ဝိုက်မှာ နေထိုင်တဲ့လူတွေဟာ ဘာကြောင့် ရုတ်တရက် အိပ်ပျော်ကုန်ကြတယ်ဆိုတာကို ပညာရှင်တွေဟာ အဖြေရှာမရဖြစ်နေပြီး ဒီလိုအိပ်ပြောတယ်ဆိုရင်လည်း ၆ ရက်လောက်ကြာတတ်တယ်လို့ ဆိုပါ တယ်။
လျှို့ဝှက်သည်းဖို ဝတ္ထုတွေထဲကလိုဖြစ်နေတဲ့ ဒီအခြေအနေရဲ့ နောက်ကွယ်က အကြောင်းအရင်း ကို ဘယ်သူမှ မသိသေးပါဘူး။
ဒီအခြေအနေဟာ တစ်ချိန်လုံးဖြစ်နေတာ မဟုတ်ဘဲ လှိုင်းတွေလို တစ်ခုပြီးမှတစ်ခု လာတတ် တယ် လို့ဆိုပါတယ်။ ပထမဆုံးဖြစ်ခဲ့တာက မတ်လ ၂၀၁၃ မှာ ဖြစ်ပြီး မေလမှာ ထပ်မံ ပေါ်ပေါက် လာခဲ့ပါတယ်။ လက်ရှိ ၂၀၁၄ ခုနှစ်အတွင်းမှာလည်း သုံးကြိမ်ထက်မက ဖြစ်ခဲ့ပြီးပါပြီ။
ဒီဒေသဟာ လူဦးရေသိပ်မများပေမဲ့ ဖြစ်လာပြီဆိုရင် လူပေါင်း ၄၀ ကနေ ၆၀ ထိ ခံစားရတယ်လို့ ဆိုပါတယ်။
အနီးနားမှာရှိတဲ့ ယူရေနီယမ်သတ္တမိုင်းကြောင့် ဖြစ်တယ်လို့ယုံကြည်ခဲ့ကြပြီး မြေ၊ ရေ၊ လေ၊ သွေး၊ ဆံပင်၊ လက်သည်း တို့အပါအဝင် ဒေသထွက် အရက်ကစလို့ ဓာတ်ရောင်ခြည်တွေထိ စမ်းသပ် မှုပေါင်း ၇၀၀၀နီးပါး ပြုလုပ်ခဲ့ပြီးပေမဲ့ ကျွမ်းကျင်သူတွေဟာ ခုချိန်ထိ အဖြေရှာမတွေ့သေးပါဘူး။
အသက် ၅၀ အရွယ် နွားနို့ထွက်ကုန် အလုပ်သမား Maria Felk ဟာ ဒီအခြေအနေကို ခံစားခဲ့ရတဲ့ ပထမဆုံးလူတွေထဲက တစ်ယောက်ပါ။
“ပုံမှန်အတိုင်းပဲ ကျွန်မ နွားနို့ညစ်နေတာ။ မနက် အစောကြီးပေါ့။ နောက်တော့ ကျွန်မအိပ်ပျော် သွားကော။ ဘာမှ မမှတ်မိဘူး။ ကျွန်မ ပြန်နိုးလာတော့ ဆေးရုံပေါ်မှာ။ နာစ့်မက ကျွန်မ ကိုပြုံးပြီး ပြောတယ်။ အိပ်ပျော်နေတဲ့မင်းသမီးလေး ကြိုဆိုပါတယ်။ နောက်ဆုံးတော့ နိုးလာပြီပေါ့ တဲ့။ ကျွန်မ ဘာမှတ်မိသေးလဲဆိုတော့ ဘာမှမမှတ်မိဘူး။ နှစ်ရက်နှစ်ည အိပ်ခဲ့တယ်” လို့ Maria Felk က ပြောပါတယ်။
ဒီအခြေအနေဟာ ဒေသခံတွေတင်မဟုတ်ပဲ ဒီဒေသထဲ အလည်လာမိသူတွေကိုပါဖြစ်နေတယ် လို့ဆိုပါတယ်။
ဒီဒေသရဲ့ခရိုင်ဆရာဝန် Kabdrashit Almagambetov က “လူနာတွေ နိုးလာရင် သူတို့က ဘာမှ မမှတ်မိဘူး။ သူတို့ ဇာတ်လမ်း က တစ်ပုံစံတည်းတွေကြည့်ပဲ” လို့ဆိုပါတယ်။
No comments:
Post a Comment