အရှေ့တောင်အာရှနိုင်ငံများတွင် မြန်မာနိုင်ငံသည် နိုင်ငံရေးပြုပြင်ပြောင်းလဲ မှုနှင့်အတူမီဒီယာပြုပြင်ပြောင်းလဲမှုကိုပါတစ်ချိန်တည်းလုပ်နိုင်သည့် နိုင်ငံဖြစ်

မတ် ၁ဝ ရက်မှ ၁၂ ရက်အထိ အမေရိကန်အခြေစိုက်East-West 

Center (EWC) ကစီစဉ်သော စာနယ်ဇင်း လွတ်လပ်ခွင့်အတွက် 

စိန်ခေါ်မှုများ challenges of a Free Press ခေါင်းစဉ်ဖြင့် 

အပြည်ပြည်ဆိုင်ရာ သတင်း မီဒီယာ ညီလာခံ (International

 Media Conference ) ကို ရန်ကုန်မြို့ရှိ ပြည်ထောင်စုသမ္မတမြန်

မာနိုင်ငံ ကုန်သည်များနှင့် စက်မှုလက်မှု လုပ်ငန်းရှင်များအသင်း

ချုပ်(UMF-CCI)၌ ကျင်းပခဲ့သည်။

အဆိုပါ အခမ်းအနားတွင် ထိုင်းနိုင်ငံမှ Mr. Kavi Chong Kittavorn (Chairman,South-east Asian Press Alliance(SEAPA), Bangkok ,Thailand)၏ ဆွေးနွေးတင်ပြချက်များမှာ အောက်ပါအတိုင်းဖြစ်သည်။

မြန်မာနိုင်ငံရဲ့ မီဒီယာပြုပြင် ပြောင်းလဲမှုအကြောင်းကို ပြောရ မယ်ဆိုရင် ဒီအပြောင်းအလဲဟာ တကယ့်ကို သိသာထင်ရှားလှပါတယ်။ ဘာလို့လဲဆိုတော့အရှေ့တောင်အာရှနိုင်ငံတွေအားလုံးထဲမှာ နိုင်ငံ ရေးပြုပြင်ပြော င်း လဲ မှုနဲ့အတူ မီဒီယာ ပြုပြင်ပြောင်းလဲမှုကိုပါ တစ်ချိန်တည်း လုပ်နိုင်တဲ့ နိုင်ငံဖြစ်တဲ့အတွက် ကြောင့်ပါ။

မြန်မာအစိုးရအပေါ်အသိအမှတ် ပြုစရာအကောင်းဆုံး အကြောင်း အရာကတော့ ရက်ပေါင်း တစ်ထောင် လောက်အတွင်းမှာ နိုင်ငံရေးအနေ အထားနဲ့ နိုင်ငံတကာရဲ့ အမြင်တွေကိုပြောင်း လဲလိုက်နိုင်တာပါပဲ။

ဒါဟာ အရေးကြီးပါတယ်။ မြန်မာနိုင်ငံက ပြုပြင်ပြောင်းလဲမှု တွေကို အချိန်တိုအတွင်း သိသိ သာသာ ပြုလုပ်နိုင်ခြင်းဟာ ပြည်တွင်း က ပြည်သူတွေနဲ့ နိုင်ငံတကာအသိုင်း အဝိုင်းရဲ့ဆန္ဒ ကို ပြည့်ဝအောင် ဖြည့် ဆည်းပေးလိုက်တာပါပဲ။

ပြည်တွင်းပြုပြင်ပြောင်းလဲမှုဟာ အရေးပါပါတယ်။ ဘာလို့လဲဆိုတော့ မြန်မာနိုင်ငံက မီဒီယြာ ပုပြင်ပြောင်း လဲ မှုပြုလုပ်မှာဖြစ်လို့ပါ။

နံပါတ်တစ် အနေနဲ့ကတော့ ဒီနိုင်ငံရဲ့ အပြောင်းအလဲအတွက် အစိုးရနဲ့ ပြည်သူအကြား အပြန် အလှန် ထိတွေ့ပြောဆိုမှုတွေကို တိုးမြှင့်ဖို့လိုအပ်ပါတယ်။ ဒီလို ထိတွေ့မှုတွေဟာ အစိုးရနဲ့ ပြည်သူ ကြားမှာ ဆက်ဆံရေးကောင်းမွန် အောင် ကူညီနိုင်ဖို့အတွက် အလွန် အရေးပါတယ်လို့ ကျွန်တော် ထင်မြင် မိပါတယ်။

ဒုတိယအချက်ကလည်း အလွန် အရေးပါပါတယ်။ အဲဒါကတော့ တိုင်းရင်းသားအဖွဲ့အစည်းတွေနဲ့ နှစ် ဖက်ညှိနှိုင်းဆွေးနွေးကြဖို့ပါ။ အခု အချိန်မှာ တိုးတက်နေတဲ့ ငြိမ်းချမ်း ရေးဖြစ်စဉ်အတွက် ဒါဟာအလွန် အရေးကြီးပါတယ်။ မနေ့က ဆွေးနွေး မှုဟာ ကောင်းပါတယ်။ဒီကောင်းမွန် တဲ့နိုင်ငံရေး အခြေအနေဟာ မီဒီယာ ပြုပြင်ပြောင်းလဲမှုကို အကူအညီပေး နိုင်ပါလိမ့်မယ်။

မီဒီယာ ပြုပြင်ပြောင်းလဲမှုကို ပြန်ကြည့်မယ်ဆိုရင် အကြောင်းရင်း နှစ်ခု ရှိပါတယ်။ Outside Media Resources (နိုင်ငံတကာမီဒီယာ ကဏ္ဍတွေနဲ့ မီဒီယာအဖွဲ့အစည်း တွေ)ကို မြန်မာနိုင်ငံဟာ မီဒီယာ ပြုပြင်မှုမှာ ကောင်းကောင်းအသုံး ပြုခဲ့ပြီးပါပြီ။

Outside Media Resources ဆိုတာဘာတွေလဲ။

ပထမအချက်ကို ဖော်ပြဖို့လိုပါ တယ်။ Outside Resourcesဆိုတာ နိုင်ငံတကာကဏ္ဍတွေနဲ့အဖွဲ့အစည်း တွေပါပဲ။ အကယ်၍ အခုအချိန်မှာ နိုင်ငံတကာ မီဒီယာကဏ္ဍတွေနဲ့ မီဒီယာအဖွဲ့အစည်းတွေ မြန်မာနိုင်ငံ ထဲမှာ ရှိမနေဘူးဆိုရင် ဒါဟာကျရှုံး မှုဖြစ်လာနိုင်ပါတယ်။

မြန်မာနိုင်ငံဟာ အာဆီယံနိုင်ငံ တွေထဲမှာ နိုင်ငံတကာအဖွဲ့အစည်း တွေကို မီဒီယာပြုပြင်မှုနဲ့ ထိရောက် စွာအသုံးချတဲ့ တစ်ခုတည်းသော နိုင်ငံဖြစ်ပါတယ်။

မြန်မာနိုင်ငံမှာ ပြည်တွင်း မီဒီယာကဏ္ဍကို ပြည်ပမီဒီယာ ကဏ္ဍထက်ဖွံ့ဖြိုးအောင်လုပ်ဖို့ လို အပ်ပါတယ်။ပြည်တွင်းမီဒီယာတွေကို ယခင်အချိန်နဲ့ ယှဉ်ကြည့်ရင် ခေတ်မီ လာပါပြီ။ မြန်မာနိုင်ငံ ပြည်တွင်း မီဒီယာလောကထဲကို အရင်ပြင်ပ မီဒီယာဖြစ်တဲ့ မဇ္ဈိမနဲDVBတို့ ပြန်လည်ဝင်ရောက်လာခဲ့ပါပြီ။ အခု အချိန်မှာ မဇ္ဈိမဟာပြည်တွင်းမှာပဲ ရင်းနှီးမြှုပ်နှံတဲ့ မီဒီယာကုမ္ပဏီ တစ်ခုဖြစ်လာပြီး မြန်မာနိုင်ငံမှာ အခြေစိုက်ရုံးဖွင့်ခဲ့ပြီးပြီ။

လာအိုနဲ့ဗီယက်နမ်လို နိုင်ငံ မျိုးတွေက မီဒီယာအခြေစိုက်ရုံး တွေဟာ ပါရီနဲ့ကယ်လီဖိုးနီးယားလို နိုင်ငံပြင်ပမှာ ဖြစ်တဲ့အတွက်ကြောင့် မီဒီယာလုပ်ငန်းတွေကို (ရုန်းကန် လှုပ်ရှား) အထူးအားစိုက်လုပ်ကိုင် နေရပါတယ်။ ဒီလို အခြေအနေမျိုး ဒီမှာမရှိပါဘူး။

မြန်မာ့မီဒီယာပြုပြင်မှုမှာ ဒီလို ပြည်ပနိုင်ငံမှာ မီဒီယာအခြေစိုက် ရုံးဖွင့်ပြီး လုပ်ကိုင်တာမျိုးတော့ ရှောင်သင့်ပါတယ်။ လာအိုနဲ့ ဗီယက် နမ်လို အထူးအားစိုက်လုပ်ကိုင် နေရခြင်းဟာ Outside Resources တွေကို ထိခိုက်စေပါတယ်။

ကျွန်တော်နောက်ဆုံးပြောချင် တဲ့အချက်ကတော့ မီဒီယာပြုပြင် ပြောင်းလဲမှုဟာ စီးပွားရေးအတွက် ကောင်းတယ်ဆိုတာပါပဲ။ ကျွန်တော် ပြောရင် ယုံပါ့မလားပဲ။ မနှစ်က ကျွန်တော်လာအိုမှာရှိနေတော့ မြန်မာ နိုင်ငံက ကမ္ဘာလှည့်ခရီးသွားလုပ်ငန်း အဖွဲ့ချုပ်က ကိုယ်စားလှယ်တချို့ လာအိုကို အလည်အပတ်လာတာ တွေ့ခဲ့ပါတယ်။ မြန်မာနိုင်ငံရဲ့ ကမ္ဘာလှည့်ခရီးသွားလုပ်ငန်းကို ဘယ် လိုမြှင့်တင်ခဲ့တာလဲလို့ ကျွန်တော် သူတို့ကို မေးကြည့်ပါတယ်။ နိုင်ငံရေး ပြုပြင်ပြောင်းလဲမှုကြောင့်လို့ မြန်မာ အဖွဲ့ခေါင်းဆောင်ထဲက တစ်ယောက် က ပြန်ဖြေပါတယ်။

ခရီးသွားလုပ်ငန်း မြှင့်တင်နိုင်ခဲ့တဲ့ အဖြေက နိုင်ငံရေး ပြုပြင်ပြောင်းလဲမှု ဖြစ်နေပါတယ်။ နိုင်ငံရေးပြုပြင်ပြောင်းလဲ မှုဟာ ခရီး သွားလုပ်ငန်းကို မြှင့်တင်ဖို့ အကောင်း ဆုံးပါပဲ။ ဒေသတွင်း နိုင်ငံတွေအတွင်း မှာ မြန်မာနိုင်ငံဟာ မီဒီယာပြုပြင်မှု လုပ်ခဲ့တာကြောင့် ဒီလိုဖြစ်လာတာ ဖြစ်ပါတယ်။ ဒါဟာ အလွန်စိတ်ဝင် စားဖို့ကောင်းပါတယ်။ ဒါဟာ ဆက်စပ်မှုတစ်ခုပါပဲ။ နောက်ဆုံး အနေနဲ့ မီဒီယာလွတ်လပ်မှုအညွှန်း ကိန်းအကြောင်းပြောပြီး ကျွန်တော် အဆုံးသတ်ပါတော့မယ်။

ကျွန်တော် မီဒီယာလွတ်လပ်မှု အညွှန်းကိန်းကို ကမ္ဘာ့မီဒီယာလွတ် လပ်ခွင့်နေ့မှာ ထုတ်ဝေခဲ့ပါတယ်။ အခုလောလောဆယ် ကမ္ဘာပေါ်မှာ မီဒီယာလွတ်လပ်မှု အညွှန်းကိန်း စာအုပ် ၂၆ အုပ်ရှိပါတယ်။ အဲဒီ ၂၆ အုပ်လုံးမှာ မီဒီယာလွတ်လပ်ခွင့်နဲ့ ပတ်သက်ပြီး အရှေ့တောင်အာရှက တစ်စိတ်တစ်ပိုင်းပဲရတယ်လို့ ဖော် ပြထားပါတယ်။ ကျွန်တော်တို့နိုင်ငံ တွေဟာ မီဒီယာလွတ်လပ်ခွင့်နဲ့ ပတ်သက်ရင် ဖိနှိပ်မှုခံနေကြရပါ တယ်။ ခင်ဗျားတို့ မလွတ်လပ်ဘူးလို့ ကျွန်တော်တုိ့ မပြောချင်ပါဘူး။ ကျွန်တော်တို့မှာ လွတ်လပ်မှုတော့ ရှိပါတယ်။ ဘယ်လောက်လွတ်လပ် မှုရတယ်ဆိုတဲ့ အတိုင်းအတာကပဲ ပြောစရာကိစ္စဖြစ်နေတာပါ။

ခင်ဗျားတို့ သိကြတဲ့အတိုင်း လွန်ခဲ့တဲ့ ရက်တစ်ထောင်အတွင်းမှာ မြန်မာနိုင်ငံရဲ့ မီဒီယာပြောင်းလဲမှုဟာ တကယ့်ကို အံ့သြစရာကောင်းခဲ့ပါ တယ်။ ပြောရရင် မှတ်မှတ်ထင်ထင် ရှိတဲ့ အပြောင်းအလဲလို့ဆိုရမှာ ပေါ့။ မြန်မာ့မီဒီယာအပြောင်း အလဲဟာ စင်ကာပူ၊ မလေးရှား၊ အင်ဒိုနီးရှား၊ ဖိလစ်ပိုင်နဲ့ ကမ္ဘော ဒီးယားထက်ကျော်သွားပြီ။ ဒီနိုင်ငံ တွေရဲ့ မီဒီယာလွတ်လပ်မှု အညွှန်း ကိန်းက မြန်မာနိုင်ငံနောက်မှာ ကျန်ခဲ့ပြီ။ ကျွန်တော်ထောက်ပြ ခဲ့တဲ့မလေးရှား၊ စင်ကာပူ၊ ထိုင်း နဲ့ မြန်မာနိုင်ငံတို့ရဲ့ မီဒီယာ လွတ်လပ်မှုအညွှန်းကိန်းကို ဘယ် လိုရွေးချယ် သလဲလို့ မေးခွန်း ထုတ်ကြရင် ဖြေရမှာ နည်းနည်း ခက်ပါတယ်။ ပြဿနာကတော့ ဘယ်လောက်လွတ်လပ်လဲဆိုတာပါ ပဲ။ ကျေးဇူးတင်ပါတယ်။

Myanmaalinn