အယ်ဒီတာထံ အိတ်ဖွင့်ပေးစာ

အယ်ဒီတာထံ အိတ်ဖွင့်ပေးစာ

စက်တင်ဘာလ ၁၃ ရက် ၂၀၁၃

KIA အကြမ်းဖက်သမားတို့၏ လက်နက်အားကိုးဖြင့် ဝင်ရောက်ကျူးကျော် တိုက်ခိုက်အနိုင်ကျင့်ခြင်း ကို     ခုခံ၍ မိမိတို့၏ လွတ်လပ်         ခွင့်ကို ကာကွယ်နေကြသည့် ကချင်ပြည်နယ်အထူးဒေသ(၁)နေ ပြည်သူလူထုနှင့် လက်နက်ကိုင်ပြည်သူ့စစ်များသို့ ဦးဇခုန်တိန့်ယိန်၏ အိတ်ဖွင့်ပေးစာ
၂၀၁၃ ခုနှစ်၊ သြဂုတ်လ၊ (၂၉)ရက်
ချစ်ခင်မြတ်နိုးရပါသော လူထုနှင့် ပြည်သူ့စစ်ရဲဘော်အပေါင်းတို့ ခင်ဗျား။
၁။ နိုင်ငံတော်က ကချင်လူမျိုးစုထဲတွင် ပါဝင်သည်ဟု သတ်မှတ်ခေါ်ဝေါ်ထားသည့် ဂျိမ်းဖော၊ အဇီး(ခေါ်)ဇိုင်ဝါး၊ လော်ဝေါ်၊ ရဝမ်၊ လီဆူ၊ လချိတ်ငေါ့ချမ်းစသော မျိုးနွယ်စုများသည် မိသားစု
ကြီးတစ်ခုအဖြစ် မေခမြစ်၊ မလိခမြစ်၊ တနိုင်းချင်းတွင်းမြစ်၊ တာပိန်မြစ် နှင့် ရွှေလီမြစ်ဝှမ်း များ ရှိ ရေကြည်ရာမြက်နုရာဒေသများတွင် ဇာတိမြေအဖြစ် အခြေပြု၍ နှစ်ပေါင်းထောင်ချီ အတူ တကွ စည်းလုံး ညီညွှတ်စွာ၊လုံခြုံအေးချမ်းပျော်ရွှင်စွာနေထိုင်လုပ်ကိုင် စားသောက်လာ ခဲ့ကြ သည်။

KIA အဖွဲ့အစည်းကိုအုပ်စိုးပြီး အာဏာရှုးနေကြသည့် KIA စစ်ခေါင်းဆောင်များသည် ထိုသို့သာ ယာပျော် ရွှင်ဖွယ် ကောင်းလှသော မိသားစုနေထိုင်မှုဘဝများကို ဖျက်ဆီးပြီး ဘေးဒုက္ခ အမျိုး မျိုးပေးကာ အသက်ပေါင်းများစွာ သေကြေဆုံးရှုံးစေခဲ့သည်မှာ နှစ်ပေါင်း ငါးဆယ်ကျော် ခဲ့ပြီးဖြစ် ပါသည်။

သူတို့သည် ကချင်လူမျိုး၊ ဂျိမ်းဖောလူမျိုး ညီနောင်တိုင်းရင်းသားတို့၏ လုံခြုံမှု၊ ပျော်ရွှင်မှု၊ တည်ငြိမ်အေးချမ်းမှုနှင့် ဖွံ့ဖြိုး တိုးတက်မှုများကို ဖျက်ဆီးခဲ့ကြသည်။ လူမျိုးရေးယောင်ယောင်၊ ဘာသာရေး ယောင်ယောင်၊ အခွင့်အရေးရလိုမှု ယောင်ယောင် ဖြင့် ဘာတစ်ခုမျှရည်ရွယ်ချက် ရေရေရာရာ မရှိဘဲ လက်နက်ကိုင် ဆူပူမှုများ ကို ဖန်တီးခဲ့ကြသည်။ ထို့ကြောင့် အဖိုးတန်သော သားကောင်းသမီးကောင်းများစွာ သေကြေပျက်စီးခဲ့ကြရ သည်။ နိုင်ငံရေး အခွင့်အရေး၊ စီးပွားရေး အခွင့်အရေး၊ လူမှုဘ၀ တိုးတက်ဖွံ့ဖြိုးမှု အခွင့်အရေးပေါင်းများစွာကို လက်လွှတ်ဆုံးရှုံးခဲ့ကြရသည်။ KIA အဖွဲ့က လက်နက်ကိုင် သတ်ဖြတ်ခြိမ်း ခြောက်ပြီး ဒေသတွင်းရှိ အရွယ်ရောက်သူ မရောက်သူများကို ဖမ်းဆီးကာ စစ်ထဲ ဆွဲထည့်ခဲ့ကြသည်။ ထို လူငယ်လူရွယ် ပေါင်းများစွာသည် ၄င်းတို့၏ စည်းစိမ်ဥစ္စာ သြဇာအာဏာအတွက် နိုင်ငံတော် အစိုးရနှင့် စစ်ခင်းပြီး စစ်မြေပြင်တွင် အသေခံ ပေးနေကြရသည်။

 
ကချင်ပြည်နယ်ရှိ မိဘပြည်သူလူထုများ
သည် စစ်ဘေးစစ်ဒဏ်ခံရခြင်းကြောင့် အိုးပျက်အိမ်ပျက် အလုပ်အကိုင်ပျက်ကာ အနေ ဆင်းရဲ၊ အစားဆင်းရဲခြင်းဖြင့် ဘ၀ပျက်နေကြရသည့် အခြေအနေဆိုးများနှင့် နှစ်ပေါင်းများစွာ ကြုံနေကြရသည်။ ထိုအခြေ အနေကြောင့် ပညာရေး၊ ကျမ်းမာရေး၊ လူမှုဘ၀ ဖွံ့ဖြိုးသာယာရေး တို့တွင် အဘက်ဘက်မှ နောက်ကျကျန် နေရစ်ခဲ့ကြရသည်။ မဖွံ့ဖြိုး မတိုးတက်နိုင်တော့။

ကျေးဇူးတော်အားဖြင့် မြေဆီသြဇာကောင်းသည့် ဘိုးဘွားပိုင်မြေများရှိနေသော်လည်း ထိုမြေများကို အသုံးပြုပြီး ကောင်းကျိုး ကောင်းမှု မခံစားကြရတော့ပါ။ သဘာဝသယံဇာတများ ကြွယ်ဝစွာရှိနေသော်လည်း အကျိုးမခံစားကြရပါ။ ဤကဲ့သို့သော မရေမတွက်နိုင်တော့သည့် နစ်နာဆုံးရှုံးမှုများအားလုံးသည် KIA အဖွဲ့၏ လက်နက်ကိုင်သောင်းကျန်းမှု လမ်းစဉ် အမှားများကြောင့် ဖြစ်ရပါသည်။

ရှေးပဝေသဏီကတည်းကပင် ကျွန်တော်တို့ လူမျိုးများနှင့် အပြန်အလှန်ခင်မင်စွာ ချစ်ကြည်မှု တည်ဆောက်ထားခဲ့ပြီးဖြစ်သည့် အပြန်အလှန် ကာကွယ်စောင့်ရှောက်မှုပေးနိုင်သည့် အိမ်နီးချင်း ညီနောင် လူမျိုးများ၏ ယုံကြည်မှုနှင့် ချစ်ခင်မှုကို ပျက်ပြား စေခဲ့သည်။ လူမျိုးအချင်းချင်းကြား ရန်စွယ်ရန်မီးများ ပွားများလာစေခဲ့သည်။ ကချင်လူမျိုးများအပေါ် ၀ိုင်းပယ်ကာ အမုန်းပွားစေလာသည်။ ထိုအခြေအနေ အောက်တွင် ကချင်ဂျိမ်းဖောလူမျိုး အမြောက်အများသည် ဇာတိမြေကို စွန့်ခွာ သွားခဲ့ကြရသည်။ အခြားသောဒေသများတွင် အခြေချနေထိုင်ကြရင်း ပျောက်ကွယ်သွားခဲ့ကြရပြီဖြစ်သည်။


၂။ KIA စစ်ခေါင်းဆောင်များသည် နိုင်ငံတော် အစိုးရအဆက်ဆက်က ဖိတ်ခေါ်လက်ကမ်းကြိုဆိုခဲ့သော ငြိမ်းချမ်းရေးကို မတည်ဆောက်နိုင်ခဲ့ကြ။ အမျိုးသား တန်းတူအခွင့်အရေးနှင့် တိုးတက်ရေးအတွက် နိုင်ငံရေးအရ ညှိုနှိုင်းဆွေးနွေးရေး ဖိတ်ခေါ် မှုများကိုလည်း ကဖျက်ယဖျက် ပြုလုပ်လာခဲ့ကြသည်။ ပြည်သူတို့၏ ငြိမ်းချမ်းရေး မျှော်လင့်ချက်ကို အကြိမ်ကြိမ် သဲထဲရေသွန် ပြုလုပ်ခဲ့ကြသည်။ တရားမဲ့၊ ဥပဒေမဲ့၊မင်းမဲ့စရိုက်များကိုသာ ဆက်ခံလာခဲ့ကြသဖြင့် ကချင်တိုင်းရင်းသား လူထုများသည် နှစ်ရှည်လများ စစ်ဘေးဒုက္ခ ခံစားနေသူများဘ၀သို့ ရောက်ရှိသွားကြသည်မှာ အလွန်ထိခိုက်စရာ ရင်နာဘွယ်ရာဖြစ်နေပါပြီ။

KIAထိပ်ပိုင်းခေါင်းဆောင်နေရာသို့ ရောက်ရှိလာသူ ပုဂ္ဂိုလ်မှန်သမျှသည် ကိုယ့်အမျိုးသား ကိုယ့်ပြည်သူတို့ ကောင်းကျိုး အတွက် အကျိုးပြုရန်စိတ်ဆန္ဒ လုံးဝမရှိကြသူများဖြစ်သည်။ သမိုင်း၏ အတွေ့အကြုံ သင်ခန်းစာကို လုံးဝမယူကြသူများ ဖြစ်သည်။ တစိုက်မတ်မတ် ဖောက်ပြန်သောလုပ်ရပ်များဖြင့်သာ မိမိလူမျိုး မိဘပြည်သူများကို ကချင်လူမျိုးဖြစ်ရသည့် ဘ၀ ဆုံးရှုံး စေရေးအတွက် သွေးမြေကျလမ်းခင်းပြီး ကိုယ့်အမျိုးကို ကိုယ်ပြန်ဖြုတ်နေကြသည်။

ယခု အခါ KIA ၏ ဦးဆောင်ထိပ်သီး နေရာအဆင့်များတွင် ရှိနေသူများသည် ယခင်က ပျက်စီးပျောက်ကွယ် သွားကြပြီဖြစ်သော KIA ကိုစတင်ဖွဲ့စည်းခဲ့သူ ခေါင်းဆောင်များဖြစ်ကြသည့် ဇော်ဆိုင်း၊ လထော်ဇော်တူး၊ လထော်ဇော်ဒန်နှင့် လမာလရိန်တို့၏ ခေတ် ဖြစ်သည့် ပထမ မျိုးဆက်ထက် ပိုဆိုးကြသည်။ ဦးတည်ချက်၊ ရည်ရွယ်ချက် ပိုကင်းမဲ့ကြသည်။

ဦးမရန်ဘရန်ဆိုင်းခေါင်းဆောင်သော ဒုတိယ မျိုးဆက်ထက်လည်း ပိုဆိုးလာသည်။ ဦးအင်ခွန်မလိဇွပ်ဇော်မိုင် ဦးစီးသော တတိယမျိုးဆက်ထက်လည်း ပိုဆိုးပြီး ပိုမိုကျဆင်းနေသည်။




KIA စတုထ္ထမျိုးဆက်ကို ထူထောင်ခဲ့သည့် အင်ဘန်လနှင့် ၄င်းတို့ခေါင်းဆောင် တစ်စုသည် ရသမျှ အမြတ်ထုတ်ယူပြီး ပြည်ပတွင် ကချင်လူမျိုးအမည်ခံကာ နေထိုင်သည်။ ၄င်းတို့ ရှေ့မှောက်တွင် ကချင် တိုင်းရင်းသား ညီနောင်တို့၏ အသက် သွေးများ စွန့်လွှတ်နေရသည့်အဖြစ်ကို လုံးဝ အလေးမထားဘဲ ရှောင်ကွင်းထွက်ခွာသွားကြခြင်းဖြစ်သည်။ ကချင်လူမျိုးများ၊ ကချင်ပြည်နယ်သားများ ဆင်းရဲ ဒုက္ခ ရောက်နေ ကြရခြင်းအတွက် သူတို့ ပျော်ရွှင်နေကြပြီ။

မစားရ အညှော်ခံလုပ်သော ဦးလမုန်တူးဂျိုင် ဦးဆောင်သည့် ပဉ္စမမျိုးဆက် KIA ခေါင်းဆောင်အုပ်စုသည် သွားရမည့်လမ်း ပျောက်ကွယ်ခဲ့လေပြီ။ ယခုလက်ရှိ KIA ခေါင်းဆောင်မှုအဖွဲ့သည် ဆဋ္ဌမနှင့် သတ္တမ မျိုးဆက်သို့ ရောက်နေပြီ။ ပိုမို အကြမ်းဖက်သည့် ခေါင်းဆောင်များအဖြစ် အမည်ကျော်ကြား နေလိုကြသည်။ ၄င်းတို့ စိုးမိုးနိုင်သမျှ ကျေးလက်ဒေသများတွင် လုပ်ငန်းခွင်အတွင်းရှိ လူမျိုး၊ ဘာသာ၊ အသက်အရွယ် မရွေးနိုင်တော့၊ ဂရုမစိုက်နိုင်တော့ဘဲ စစ်ဓားဆာခံများအဖြစ် ဖမ်းယူ နေတော့သည်။ တပ်မတော်နှင့် တိုက်နေရသည့် စစ်ပွဲများတွင် ထိုဓားဆာခံများ၏ သွေးနှင့်အသက်ကို စွန့်ပစ်နေကြသည်။ သူတို့၏ မိသားစုကိုလည်း စစ်ဒုက္ခသည်များဘ၀ကို ခံယူစေပြီး ဖျောက်ဖျက်ပစ်နေကြလေပြီ။

မီဒီယာများမှ တစ်ဆင့် နိုင်ငံရေးဆွေးနွေးရန်အတွက် ကျယ်ကျယ်လောင်လောင် ဟစ်ကြွေးနေသော်လည်း နိုင်ငံရေးပြောင်းလဲ ရပ်တည်မှုမလုပ်။ လုပ်ငန်းစဉ်များ လမ်းစဉ်ပေါ်လစီများ ပြောင်းလဲချမှတ်ခြင်းမရှိ။ အမှန်တကယ်နိုင်ငံရေးအကျိုးကို ဖေါ် ဆောင်နိုင်မည့် လူကြီးလူကောင်းများကို ရွေးချယ်ဖွဲ့စည်းတာဝန်ပေးအပ် မှု မလုပ်ခဲ့။ ဦးတည်ချက်ပျောက်နေသော ဆင်ကန်း တောတိုး စစ်ရေးအရဲစွန့်ဝါဒသည် သမိုင်းတရားခံ ဖြစ်တော့မည့် KIA ခေါင်းဆောင်များအား ကယ်တင်နိုင်လိမ်မည်မဟုတ်ပါ။

တပ်မတော်နှင့် စစ်ရေးယှဉ်ပြိုင်တိုက်ခိုက်ပြီး မနိုင်ခဲ့တဲ့ သေကြေပျက်စီးဆုံးရှုံးမှုများစွာ ကြုံခဲ့ရသော KIA ခေါင်းဆောင်များသည် သွေးတူသားစားသည့် အရေးအခင်း နောက်တစ်ခုကို ထပ်မံဖန်တီးလာပြန်သည်။ ထိုအရေးအခင်းသည် ၂၀၁၂ ခုနှစ်၊ ဧပြီလ(၂၅)ရက်နေ့တွင် စတင်လှုပ်ရှားပြီး ငြိမ်းချမ်းရေးသာယာဖွံ့ဖြိုး တိုးတက်ရေးကို ဖေါ်ဆောင်နေပြီဖြစ်သည့် NDAK ဒေသ၊ ပန်ဝါမြို့ငယ်လေးအား သိမ်းပိုက်ရေးအစီအစဉ် ဖြစ်သည်။ ဥပဒေဘောင်အတွင်း အသွင်ပြောင်းသွားသည့် နယ်ခြား စောင့်တပ်ရင်း (၃)ရင်းအား ချေမှုန်းရေး၊ NDAK ဒေသမှ ပြည်သူများအား အဓမ္မဖမ်းဆီးပြီး စစ်မြေပြင်တွင် မြေဇာပင်အဖြစ် နင်းခြေဖျက်ဆီးပြစ်နိုင်ရေးကို တိုးချဲ့ကြိုးစားလာခြင်းဖြစ်သည်။ ယခု NDAK စစ်မြေပြင်တွင် စစ်ပွဲဖြစ်ပြီး တစ်နှစ်ကျော် ကာလအတွင်း အသက်ပေါင်းရာဂဏန်းအထိ သေကြေဆုံးရှုံးပျက်စီးခဲ့ရပြီးဖြစ်သဖြင့် KIA စစ်ခေါင်းဆောင်များ ၀မ်းမြောက် ဂုဏ်ယူ ကြေနပ်နေကြပါလိမ့်မည်။

ခြိမ်းခြောက်အနိုင်ကျင့်မှု၊ မတရားမှုအားလုံး ချုပ်ငြိမ်းရေးအတွက် လိုအပ်သည့် လက်နက်ကိုင်ခုခံမှု ရှိရမည်ဟု ယုံကြည်သည်။ တရားမ၀င် မင်းမဲ့ဝါဒနှင့် လူမျိုးရေး၊ ဘာသာရေး ခုတုံးလုပ်မှုမှန်သမျှ ချုပ်ငြိမ်းသည်အထိ စစ်မှန်သည့် ဒီမိုကရက်တစ်ဝါဒ ခံစားရသည်အထိ ရပ်တည်ကြိုးပမ်းသွားရမည်ဖြစ်သည်။

ကျွန်တော်တို့သည် KIA အဖွဲ့အား လက်နက်ခဲယမ်းများ ကူညီခဲ့ဖူးသည်။ KIA သည် ကျွန်တော်တို့ထံမှ ပေးအပ်သည့် အကူ အညီကိုလည်း ယူသည်။ မရိုးမသားခိုးဝှက်ပြီးလည်းယူသည်။ စစ်တပ်စေလွှတ်ပေးပြီး အစိုးရ တပ်မတော်ကို ကူညီ တိုက်ခိုက်ပေးခဲ့သည်အထိ ပူးတွဲစစ်ဆင်မှုများရှိခဲ့ဖူးသည်။ KIA အဖွဲ့၏ မရိုးသားမှု၊ ကောက်ကျစ်စဉ်းလဲမှုကို ကောင်းကောင်း သိထားသည်။ ၁၉၈၄ ခုနှစ်တွင် တပ်မတော် စစ်ကြောင်းများက KIA ကို အထပ်ထပ်ပိတ်ဆို့ထားသဖြင့် ငွေကြေး အကြပ်အတည်း ကြီးစွာခံနေရသည့် အချိန်တွင် ကျွန်တော် ဇခုန်တိန့်ယိန်းနှင့် အဖွဲ့က အခက်အခဲပေါင်းမးစွာကို ကျော်ဖြတ်၍ အရှေ့ဘက်တွင် ငတ်ပြတ်နေသော KIA ဌာနချုပ် ပါကျောင်မှာနေသည့် ဥက္ကဌ ဦးဘရန်ဆိုင်းလတ်သို့ ကျပ်ငွေ သိန်းလေးရာ ရောက်အောင် ပို့ဆောင်ပေးခဲ့သည်။

မိမိတို့ (၁၀၁) စစ်ဒေသ ငြိမ်းချမ်းရေး တည်ဆောက် ပြီးနောက်၊ ယွမ်ငွေငါးသိန်းတိတိကိုလည်း ယခုဥက္ကဌ ဦးဇောင်းခရား၊ ထိုစဉ်က ဒုတိယ ဦးစီးချုပ် မဂျီဇော်အိမ်နှင့် စစ်ဦးစီးအရာရှိချုပ် ဦးပန်းအောင်တို့အား ပန်ဝါတွင် ထုတ်ပေးခဲ့ဖူးသည်။

နောက်ထပ်နှစ်လအကြာတွင် နောက်ထပ်ယွမ်ငွေနှစ်သိန်းကို လဖိုင်တွင် ဂိတ်မှူးတာဝန်ထမ်းဆောင်နေသည့် ဦးလအောင်မှ တစ်ဆင့် အကူညီပေးခဲ့သည်။ ကျွန်တော်တို့ စိတ်ထားဖြူစင်စွာဖြင့် ပေးသည့် အကူအညီ မှန်သမျှကို ယူမည်။ မရိုးမသား ကောက်ကျစ်သောနည်းလမ်းများ အသုံးပြုပြီးလည်း အမြတ်ထုတ်ခဲ့ကြသည်။ လဂျားယန်ဒေသတွင် ဖြစ်ပွားသော တိုက်ပွဲ ဖြစ်စဉ်အတွင်း တပ်မတော်က သိမ်းယူရရှိထားသည့် ၁၂၀ မမ အမြောက်ကြီးသည်လည်း ပစ်ခတ်ရေးတပ်ဖွဲ့နှင့် အတူ အငှားပေးလိုက်သည်ကို တပ်ဖွဲ့ဝင်များအား အမျိုးမျိုး ကြံစည်ဖြုတ်ထုတ်ပြီး KIA က အပိုင်သိမ်းယူခဲ့သည်။ KIA သည် ၄င်းတို့ တပ်ဖွဲ့ဝင်များ အချင်းချင်းကြား တွင်လည်း မရိုးမသားကောက်ကျစ်သော ကြံစည်မှုမျိုးစုံ ပြုလုပ်ခဲ့သော အဖွဲ့ဖြစ်သည်။ ကျွန်တော်တို့ တပ်ဖွဲ့အတွင်းသို့လည်း ဖြိုခွဲရေးသမားများ စေလွှတ်ခဲ့သည်။ လမ်းကြောင်းပေါ်တွင်လည်း မိုင်းဗုံးထောင် ဖောက်ခွဲလုပ်ကြံခဲ့သေးသည်။ ဦးမထုနော်ကိုလည်း ကောင်းခါးနေအိမ်အထိ လက်ဗစ်ဗုံး ပစ်ဖောက် လုပ်ကြံခဲ့သည်။ မူးယစ်ဆေးဝါးအန္တရာယ် ကျရောက်နေရမှုသည်လည်း KIA အဖွဲ့တွင် တာဝန်ရှိနေသည်။

ကျွန်တော်တို့သည် KIA အကြမ်းဖက်ခေါင်းဆောင်များအာ-

- လက်အောက်ငယ်သားများအား မလိုအပ်သည့် အသေခံ စစ်တိုက်ခိုင်းနေမှုများအား ရပ်တံ့ပါ။

- အပစ်အခတ်ရပ်စဲပြီး လက်နက်ကိုင် စစ်ပွဲများကို ချုပ်ငြိမ်းစေပါ။

- နိုင်ငံရေးအရခေါင်းဆောင်ကြမည့် ကိုယ်စားလှယ်များက နိုင်ငံတော်နှင့် ထာဝရတည်တံ့စေနိုင်မည့် ငြိမ်းချမ်းရေး၊ အမျိုးသား အခွင့်အရေး၊ (ကိုယ်ပိုင်အုပ်ချုပ်ခွင့်ဖြစ်သည့် Federal မူအထိ) တက်ရောက် ဆွေးနွေးပါ။

- လက်နက်ကိုင်အဖျက်လုပ်ရပ်များအား ချက်ခြင်းရပ်ဆိုင်းပါဟု ထပ်လောင်း တောင်းဆိုလိုပါသည်။ ဂုဏ်သိက္ခာမဲ့စွာဖြင့် မရပ်မဖြစ် ရပ်ရတော့မည့်နေ့ရက်ကို စောင့်ဆိုင်းမနေကြပါရန် အကြံပြုလိုပါသည်။

ကချင်လူမျိုးတိုင်းရင်းသားပြည်သူများနှင့် ကချင်ပြည်နယ်အတွင်း အတူယှဉ်တွဲ နေထိုင်ကြရသည့် ညီနောင်လူမျိုး ပြည်သူ အားလုံး၏ ချီးကျူးဂုဏ်ပြုကြမည့် လက်တွေ့ဆောင်ရွက်ချက်များဖြင့် ထာဝရ မညှိုးနွမ်းသည့် ငြိမ်းချမ်းတည်ငြိမ်ရေးပန်း လက်ဆောင်များ အချင်းချင်းပေးအပ်နိုင်ရေးအတွက် တိုက်တွန်းလိုက်ပါသည်။

မြစ်မခ
Photo - ၂၈.၄.၂၀၁၂ ရက်နေ့ တွင် ဆဒုံးမြို့ နယ် အုပ်ချုပ်ရေးမှူးရုံး မှ အရပ်သား ၀န်ထမ်းများအား ကေအိုင်အေအဖွဲ့ မှ ပစ်သတ်သွားစဉ်
FROM-YE MOE