၅၂ နှစ်အတွင်း ပထမဆုံး မြန်မာနိုင်ငံ ကိုယ်စားပြု မယ်စကြဝဠာ ပြိုင်ပွဲဝင် စေလွှတ်မည်

ကမ္ဘာ့အကြီးကျယ်ဆုံး 
မယ်ရွေးပွဲတွေထဲက 
တခုဖြစ်တဲ့ မယ်စကြ
ဝဠာ ပြိုင်ပွဲမှာ နှစ် ၅၀
 ကျော်အတွင်း ပထမဆုံး
 ပြန်လည် ဝင်ပြိုင်ဖို့
 မြန်မာနိုင်ငံ ကိုယ်စားပြု 
မယ်တယောက်ကို ရွေး
ချယ်ဖို့ စီစဉ်နေပြီ ဖြစ်
ကာ စက်တင်ဘာ ၁၂ 
ရက်နေ့ကတော့ မြန်မာနိုင်ငံ
ကိုယ်စားပြုမယ် ပဏာမအဆင့် ရွေးချယ်မှု ပြီးသွားပြီလို့ သိရပါတယ်။ မြန်မာနိုင်ငံအနေနဲ့ မယ်စကြဝဠာပြိုင်ပွဲမှာ ဝင်မပြိုင်ဖြစ်တော့တာ ၁၉၆၂ ခုနှစ်ကတည်း က ဖြစ် တာကြောင့် ၅၂ နှစ် ကြာခဲ့ပြီ ဖြစ်ပေမယ့် ၂၀၁၂ ခုနှစ်ကတော့ အားကစားဝန်ကြီး ဌာနက ယှဉ်ပြိုင်ဖို့ ခွင့်ပြုချက် ရရှိခဲ့တာ ဖြစ်ပါတယ်။ ဒါကြောင့် လာမယ့် နိုဝင်ဘာ ၉ ရက်နေ့မှာ ရုရှားနိုင် ငံ မော်စကိုမြို့ Crocus City Hall မှာလုပ်မယ့် မယ်စကြဝဠာ ပြိုင်ပွဲမှာ မြန်မာနိုင်ငံ ကိုယ်စားပြု အဖြစ် မယ်တယောက် ဝင်ပြိုင်မှာဖြစ်ပြီး လက်ရှိမှာတော့ ယှဉ်ပြိုင်ဖို့ ဆန်ခါ တင် ရွေးချယ်မှု တွေလုပ်နေတယ်လို့ တာဝန်ယူ စီစဉ်နေတဲ့ Hello Madam Media Group ရဲ့ ပြောရေးဆိုခွင့်ရ ပုဂ္ဂိုလ် မစိုးယုဝေက ဧရာဝတီကို ပြောပါတယ်။
“ကျမတို့က ၂၀၁၄ ခုနှစ်ရောက်မှ ကိုယ့်နိုင်ငံက တယောက် လွှတ်မယ်လို့ စီစဉ်ထားပေမယ့် မယ်စကြဝဠာ ပြိုင်ပွဲ ကျင်းပရေး အဖွဲ့အစည်းကလည်း ဖိတ်ခေါ်တယ်၊ မြန်မာနိုင်ငံက ၂၀၁၃ အတွက် တယောက် လွှတ်ပေးပါလို့ ပြောလာတာကြောင့်ခပ်မြန်မြန်ပဲလုပ်ဖြစ်သွားတာပါ။ နောက်နှစ်တွေမှာလည်း မြန်မာနိုင်ငံက ဝင်ရောက် ယှဉ်ပြိုင်ဖို့အတွက်ကို ကျမတို့ကပဲ ဦးဆောင် လုပ်သွားမှာပါ။ အခုလည်း အကောင်းဆုံးနဲ့ အဆင်အပြေဆုံး ဖြစ်အောင် ကြိုးစားနေပါတယ်” လို့ မစိုးယုဝေက ရှင်းပြပါတယ်။
၂၀၁၃ မယ်စကြဝဠာ ပြိုင်ပွဲကို မြန်မာနိုင်ငံ ကိုယ်စားပြုမယ် တယောက် ဝင်ပြိုင်ဖို့အတွက် စက်တင်ဘာ ၁၂ ရက်နေ့က ကန်တော်ကြီး ဟိုတယ်မှာ ယှဉ်ပြိုင်သူ ၄၀ ထဲက ဆန်ခါတင် ၂၀ ဦးကို ရွေးချယ်ခဲ့တာပါ။ အဲဒီ ဆန်ခါတင် ၂၀ အထဲကမှတဦးကိုတော့ လာမယ့် အောက်တိုဘာ ၃ ရက်မှာ ကျင်းပမယ့် မယ်စကြဝဠာပြိုင်ပွဲမှာ မြန်မာနိုင်ငံကိုယ်စားပြု မယ်အဖြစ် ရွေးချယ်သွားမှာ ဖြစ်တယ်လို့ သိရပါတယ်။ မြန်မာနိုင်ငံ ကိုယ်စားပြု မယ်အဖြစ် ရွေးချယ်ခံရသူ အနေနဲ့ ဆုကြေး ကျပ်သိန်း ၁၀၀၊ ဟွန်ဒါဖစ် ကားတစီးနဲ့ ၁၅ သိန်းတန် သရဖူ အပြင် တခြား ခံစားခွင့်တွေလည်း ရရှိမှာဖြစ်ပါတယ်။
 နိုင်ငံ ကိုယ်စားပြု ရွေးချယ်ခံရသူ အနေနဲ့ကတော့ လာမယ့် အောက်တိုဘာ ၁၇ ရက်မှာ ထိုင်းနိုင်ငံ ဘန်ကောက်မြို့က တဆင့် ရုရှားနိုင်ငံ မော်စကိုမြို့ကို အောက်တိုဘာ ၂၀ ရက်နေ့ အရောက် သွားရမှာဖြစ်ပြီး အဲဒီ ၂၀ ရက်နေ့က စလို့ မယ်စကြဝဠာပြိုင်ပွဲ စတင်မယ့် နိုဝင်ဘာ ၉ ရက်နေ့ အထိ စခန်းသွင်း လေ့ကျင့်မှုတွေ ဆက်တိုက် လုပ်နေရမှာ ဖြစ်တယ်လို့ မစိုးယုဝေက ပြောပါတယ်။
စက်တင်ဘာ ၁၂ ရက်နေ့က ကန်တော်ကြီးဟိုတယ်မှာ ကျင်းပခဲ့တဲ့ မြန်မာနိုင်ငံကိုယ်စားပြု မယ်စကြဝဠာ အကြိုရွေးချယ်ပွဲမှာ ဆန်ခါတင် ၂၀ ဦး စာရင်းဝင်ခဲ့တဲ့ မော်ဒယ်လ် နှင်းယမုံဦးကတော့ “ကျမ အခုအချိန်က စပြီး အစစအရာရာ ပိုပြီး ပြင်ဆင်ဖို့ ကြိုးစားဖို့ လိုနေပြီ ဆိုတော့ ဗဟုသုတပိုင်း အတွက် စာတွေ ဖတ်ဖြစ် တယ်၊လမ်းလျှောက်တာကိုလည်း ပြန်ပြီး လေ့ကျင့် နေတယ်၊ဒီကိစ္စအပေါ်မှာပဲစိတ်ရောလူရော  နှစ်ပြီးတော့ လုပ်နေတာကြောင့် တခြား အနုပညာ လုပ်ငန်းတွေတောင် မလုပ်သေးဘဲ ခဏနားထားတယ်” လို့ ဆိုပါ တယ်။
ဆန်ခါတင် ၂၀ ဦး စာရင်းထဲမှာ ပါတဲ့ နှင်းယမုံဦးဟာ အဝေးသင် တက္ကသိုလ် တက်နေဆဲ အသက် ၂၀ အရွယ်ရှိတဲ့ မော်ဒယ်လ် တဦး ဖြစ်ပါတယ်၊ သူက ပြီးခဲ့တဲ့ Miss Now How (2013) နဲ့ Miss Crown တွေလည်း ရရှိထားသူပါ။
“ကျမ အနေနဲ့ကတော့ အနောက်နိုင်ငံကို သွားမယ်ဆိုရရင် ဘာသာစကား လိုအပ်နိုင်တာကြောင့် အင်္ဂလိပ် စာကို ပြန်ပြီး လေ့လာနေတယ်၊ မြန်မာနိုင်ငံရဲ့ လူမှုရေး၊ စီးပွားရေးက အစ အားလုံး သိအောင် လေ့ လာသွားမှာပါ။ နိုင်ငံတကာကို ထိုးဖောက်မယ် ဆိုရင်တော့ မြန်မာ့ယဉ်ကျေးမှု ကို ဖော်ညွှန်းထားတဲ့ ဝတ်စုံ လည်း လိုအပ်မယ်လို့ ထင်ပါတယ်” လို့ဆန်ခါတင် စာရင်းဝင် မော်ဒယ်လ် ပိုးကြာဖြူက ပြောပါတယ်။
အသက် ၂၁ နှစ်ရှိပြီဖြစ်တဲ့ မော်ဒယ်လ် ပိုးကြာဖြူက ပညာအရည်အချင်း အနေနဲ့ BA.English နဲ့ ဘွဲ့ရထားပြီး စီးပွားရေး ဘာသာရပ်ကိုလည်း ဆက်လက်လေ့လာ သင်ကြားနေသူတဦး ဖြစ်ပါတယ်။ မဂ္ဂဇင်း၊ ဂျာနယ်တွေမှာ ဓာတ်ပုံ သရုပ်ဆောင် လုပ်ရင်းနဲ့ တခြား အနုပညာလှုပ်ရှားမှုတွေ လုပ်နေတယ်လို့လည်း သိရပါတယ်။
မြန်မာနိုင်ငံကနေ မယ်စကြဝဠာ ပြိုင်ပွဲကို လွန်ခဲ့တဲ့ ၁၉၅၉ ခုနှစ်တုန်းက ဒေါ်သန်းသန်းအေး၊ ၁၉၆၀ ခုနှစ်က ဒေါ်မြင့်မြင့်မေနဲ့ ၁၉၆၁ ခုနှစ်မှာ ဒေါ်မြင့်မြင့်ခင်တို့က ဝင်ရောက်ယှဉ်ပြိုင်ခဲ့ပြီး ဒေါ်မြင့်မြင့်မေ ကတော့ Miss Congeniality ဆုရရှိခဲ့ ဖူးပါတယ်။အဲဒီနောက်ပိုင်းမှာတော့ မြန်မာနိုင်ငံက မယ်စကြဝဠာပြိုင်ပွဲကို လုံးဝဝင်ရောက် မပြိုင်ဖြစ်တော့တာ ၂၀၁၂ ခုနှစ် အထိပါပဲ။
မြန်မာနိုင်ငံအနေနဲ့ Miss Myanmar Pageant 2013ကို ရွေးချယ်ဖို့ လျှောက်လွှာခေါ်ယူခဲ့ ရာမှာတော့ မယ်စကြဝဠာ ပြိုင်ပွဲဝင် စည်းကမ်းတွေဖြစ်တဲ့ အရပ်အမြင့်၊ ရုပ်ရည်ရူပကာ၊ ဉာဏ်ရည်ဉာဏ်သွေး ၊ အိမ်ထောင်မရှိဖူးသူ အပျို၊ ဂုဏ်ကျက်သရေ ရှိတဲ့ နောက်ကြောင်း ရာဇဝင်ရှိတဲ့ ပုဂ္ဂိုလ်တဦး စတဲ့ အချက်တွေကို အဓိကထား ခေါ်ယူခဲ့တာ တွေ့ရပါတယ်။
ဒါ့အပြင် ပြိုင်ပွဲဝင်သူဟာ ခေါ်ယူတဲ့ အဖွဲ့အစည်း ခွင့်ပြုချက်မရှိဘဲ မီဒီယာတွေမှာ ထုတ်လွှင့်ပြသတာ၊ စကားပြောဆိုတာ၊ ထင်မြင်ယူဆချက် ပေးတာ၊ ကုမ္ပဏီ၊ ပုဂ္ဂိုလ်စတဲ့ နေရာတွေက ထုတ်လုပ်တဲ့ အစီ အစဉ်တွေမှာ စာချူပ်ချူပ်ဆိုတာ၊ ပါဝင် ဆောင်ရွက်တာ၊ အဖွဲ့အစည်းရဲ့ ဂုဏ်သိက္ခာ ညှိုးနွမ်းအောင်ပြု လုပ်ခြင်း စတဲ့အချက်အလက်တွေကို ရှောင်ကြဉ်ဖို့ အတွက်လည်း စည်းကမ်းချက်တွေ ထုတ်ထားပါတယ်။
၂၀၁၃ ခုနှစ်မှာ ကျင်းပမယ့် ကမ္ဘာ့အကြီးဆုံး မယ်ပြိုင်ပွဲ တခုဖြစ်တဲ့ မယ်စကြဝဠာ ပြိုင်ပွဲကိုတော့ ရုရှားနိုင်ငံ မော်စကိုမြို့ရဲ့ Crocus City Hallမှာ နိုဝင်ဘာ ၅ ရက်မှာ ဆန်ခါတင် လူရွေးပွဲ ကျင်းပပြုလုပ် မှာ ဖြစ်ပြီး နိုဝင်ဘာ ၉ ရက်နေ့မှာ ပြိုင်ပွဲကြီး ကျင်းပပြုလုပ်မှာ ဖြစ်ကြောင်း Miss Universeရဲ့ ဝက်ဘ်ဆိုက် မှာ သတင်း ထုတ်ပြန်ထားပါတယ်။
ကမ္ဘာ့ မယ်စကြဝဠာ ပြိုင်ပွဲကို လွန်ခဲ့တဲ့ ၁၉၅၃ ခုနှစ်က ကယ်လီဖိုးနီးယား ပြည်နယ်မှာ စတင်ခဲ့တာ ဖြစ် တယ်လို့ ဝီကီပီဒီယာမှာ ဖော်ပြထားတာ တွေ့ရပါတယ်။ မယ်စကြဝဠာ ပြိုင်ပွဲတွေမှာတော့ အာရှ ဒေသက ဂျပန်၊ ထိုင်း၊ ဖိလစ်ပိုင်နဲ့ အိန္ဒိယနိုင်ငံတွေက မယ်စကြဝဠာ ဆုတွေကို ရရှိခဲ့ဖူးတာ တွေ့ရပါတယ်။